Divya Bhaskar

Home » International News » Pakistan » Pakistan warned India against cross-border strikes in the disputed region of Kashmir

સરહદ પાર કરવાની હિંમતના કરે ભારતઃ સુંજવાં અટેક બાદ PAKની વોર્નિંગ

Divyabhaskar.com | Updated - Feb 12, 2018, 05:11 PM

જમ્મુમાં સુંજવાં આર્મી કેમ્પ પર હુમલા બાદ પાકિસ્તાને ભારતને વોર્નિંગ આપી છે

  • Pakistan warned India against cross-border strikes in the disputed region of Kashmir
    +1બીજી સ્લાઈડ્સ જુઓ
    સુંજવાંમાં 10 ફેબ્રુઆરીના રોજ આર્મી કેમ્પ પર આતંકવાદીઓએ અટેક કર્યો હતો (ફાઇલ)

    ઇન્ટરનેશનલ ડેસ્કઃ જમ્મુમાં સુંજવાં આર્મી કેમ્પ પર હુમલા બાદ પાકિસ્તાને ભારતને વોર્નિંગ આપી છે. પાકિસ્તાન વિદેશ મંત્રાલયે કહ્યું કે, કોઇ પણ મામલે યોગ્ય રીતે તપાસ શરૂ થતાં પહેલાં જ બિનજવાબદાર નિવેદન આપવું અને પાયાવિહોણા આરોપ લગાવવા ભારતીય અધિકારીઓની આદત છે. ન્યૂઝ એજન્સીના જણાવ્યા અનુસાર, PAK ફોરેન મિનિસ્ટ્રીએ કહ્યું કે, 'અમે ઇન્ટરનેશનલ કોમ્યુનિટીને અપીલ કરીએ છીએ કે, તેઓ ભારતથી ઇન્ડિયન ઓક્યુપાઇડ કાશ્મીર (LoK)માં અત્યાચાર અને માનવઅધિકારોનું ઉલ્લંઘન બંધ કરે અને લાઇન ઓફ કંટ્રોલની પાર કોઇ પણ પ્રકારની હરકતથી દૂર રહે.' ઉલ્લેખનીય છે કે, ઉડી અટેક અને સિઝફાયર વોયલેશનના જવાબમાં ભારતે બે વખત લાઇન ઓફ કંટ્રોલ (LoC)ને પાર કરીને પાકિસ્તાન ઓરિએન્ટેડ કાશ્મીર (PoK)માં સર્જિકલ સ્ટ્રાઇક કરી છે.


    પાકિસ્તાનને આવું નિવેદન કેમ આપવું પડ્યું?


    - જમ્મુ-કાશ્મીરમાં 3 દિવસની અંદર બે ટેરરિસ્ટ અટેક થયા. પહેલો હુમલો 10 ફેબ્રુઆરીના રોજ વહેલી સવારે સુંજવાંમાં આર્મી કેમ્પ પર થયો. અહીં 5 જવાન શહીદ થયા અને એક સિવિલિયનનું મોત થયું. જવાબી કાર્યવાહીમાં 3 ટેરરિસ્ટના મોત થયા.
    - જમ્મુ-કાશ્મીર પોલીસના ડીજીપી એસપી વૈધે કહ્યું હતું કે, અમે કેટલીક વાતચીતને ઇન્ટરસેપ્ટ કરી છે. જે હુમલાની પાછળ જૈશ-એ-મોહમ્મદ (JeM)નો હાથ હોવાનો ઇશારો છે. જો કે, મંગળવારે સુંજવાં અને સીઆરપીએફ કેમ્પ પર હુમલાની જવાબદારી લશ્કર-એ-તૌયબાએ લીધી છે.

    આગળની સ્લાઇડ્સમાં જાણો, ભારતે ક્યારે અને ક્યાં કરી સર્જિકલ સ્ટ્રાઇક?

  • Pakistan warned India against cross-border strikes in the disputed region of Kashmir
    12 ફેબ્રુઆરીની સવારે હુમલામાં એક સીઆરપીએફ જવાન શહીદ થઇ ગયો

    સર્જિકલ સ્ટ્રાઇલ - 1 


    ક્યારે થઇઃ 29 સપ્ટેમ્બર 2016ના રોજ ભારતે એલઓસી પાર પીઓકેમાં સર્જિકલ સ્ટ્રાઇક કરી. ટેરર લોન્ચ પેડને ખતમ કર્યુ અને 40થી વધારે આતંકવાદીઓને ઠાર કર્યા. 
    કેમ થઇઃ 1 સપ્ટેમ્બર 2016ના રોજ ઉડીમાં આર્મી બેસ પર ટેરર અટેક થયો હતો. આ હુમલામાં 19 જવાન શહીદ થયા હતા. ભારતે JeMનો હાથ હોવાનો આરોપ લગાવ્યો હતો. જો કે, આ હુમલાની જવાબદારી કોઇ આતંકવાદી સંગઠને લીધી નહતી. સર્જિકલ સ્ટ્રાઇક આ હુમલાનો જવાબ હતો. 

     

    સર્જિકલ સ્ટ્રાઇક - 2 


    ક્યારે થઇઃ 26 ડિસેમ્બર 2017ના રોજ ભારતીય સેનાના લિથલ સ્ક્વોડે એલઓસી પા કરીને 45 મિનિટમાં 3 પાકિસ્તાની સૈનિકોને મોતને ઘાટ ઉતારી દીધા હતા. આ સ્ક્વોડમાં 5 કમાન્ડો હતા. 
    કેમ થઇઃ 23 ડિસેમ્બર 2017ના રોજ રાજોરીમાં થયેલા સિઝફાયર વોયલેશનમાં 4 ભારતીય જવાન શહીદ થયા હતા. સર્જિકલ સ્ટ્રાઇક-2ને તેનું પરિણામ કહેવામાં આવ્યું હતું. 


    આ વખતે ક્યાં થયા હુમલા? 


    - સુંજવાં અટેકઃ 10 ફેબ્રુઆરીના રોજ વહેલી સવારે આતંકીઓ આર્મી કેમ્પમાં દાખલ થયા. હુમલામાં 5 જવાન શહીદ થયા અને એક સિવિલિયનનું મોત થયું. જવાબી કાર્યવાહીમાં આર્મીએ 3 ટેરરિસ્ટને ઠાર માર્યા હતા. 
    - જમ્મુ CRPF કેમ્પઃ 12 ફેબ્રુઆરીની સવારે સીઆરપીએફ કેમ્પમાં આતંકવાદીઓએ અટેક કર્યો. હુમલામાં એક સીઆરપીએફ જવાન શહીદ થઇ ગયો. 

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending