Divya Bhaskar

Home » International News » Pakistan » Pak foreign ministers face blackened with ink and Shoe thrown at Nawaz Sharif

પયગંબર સાથે જોડાયેલા મામલે હેઠળ નવાઝ શરીફ અને પાક વિદેશ મંત્રી પર હુમલો

Divyabhaskar.com | Updated - Mar 11, 2018, 04:50 PM

ધાર્મિક પાર્ટી તહરીક-એ-લબ્બેક પાકિસ્તાનનો આરોપઃ પીએમએલ-એન અને નવાઝ શરીફે પયગંબર સાથે જોડાયેલી એક તારીખમાં બદલાવ કર્યો

  • Pak foreign ministers face blackened with ink and Shoe thrown at Nawaz Sharif
    +2બીજી સ્લાઈડ્સ જુઓ

    ઇન્ટરનેશનલ ડેસ્કઃ પાકિસ્તાનના ભૂતપૂર્વ વડાપ્રધાન નવાઝ શરીફ પર લાહોરમાં રવિવારે એક સ્ટુડન્ટે જૂતું ફેંક્યુ. શરીફ એક મદરેસામાં એક પ્રોગ્રામમાં ચીફ ગેસ્ટ તરીકે સામેલ થયા હતા. બીજી તરફ, એક કાર્યક્રમ દરમિયાન વિદેશ મંત્રી ખ્વાજા મોહમ્મદ આસિફ પર શાહી ફેંકવામાં આવી. આસિફ શનિવારે સિયાલકોટમાં કાર્યકર્તાઓને સંબોધિત કરી રહ્યા હતા. તે સમયે એક ધાર્મિક કટ્ટરપંથીએ તેમના ચહેરા પર શાહી ફેંકી. આરોપ છે કે, નવાઝ શરીફની પાર્ટી પાકિસ્તાન મુસ્લિમ લીગ-નવાઝ (પીએમએલ-એન)એ સંવિધાનમાં પયગંબર મોહમ્મદ સાથે જોડાયેલી તારીખને બદલવાની કોશિશ કરી છે.

    સ્પીચ આપવા દરમિયાન જોડું ખભા પર લાગ્યું


    - ન્યૂઝ એજન્સીના જણાવ્યા અનુસાર, નવાઝ જ્યારે લાહોરની જામિયા નઇમિયા મદરેસામાં સ્પીચ આપી રહ્યા હતા, તે સમયે એક જૂતું ખભા પર આવીને લાગ્યું.
    - જે સ્ટુડન્ટે તેમને જૂતું માર્યુ, તે 'લબ્બેક યા રસૂલુલ્લાહ'ના નારા લગાવી રહ્યો હતો. આ ઘટના બાદ બે સ્ટુડન્ટની ધરપકડ કરવામાં આવી છે. પોલીસના જણાવ્યા અનુસાર, જૂતું ફેંકનાર સ્ટુડન્ટનું નામ અબ્દુલ ગફૂર છે, જે મદરેસાનો ભૂતપૂર્વ સ્ટુડન્ટ છે. બીજાં સ્ટુડન્ટનું નામ સાજિદ છે.
    - એક ધાર્મિક પાર્ટી તહરીક-એ-લબ્બેક પાકિસ્તાનનો આરોપ છે કે, પીએમએલ-એન અને નવાઝ શરીફે સંવિધાનમાં પયગંબર સાથે જોડાયેલી એક તારીખમાં ફેરફાર કરવાની કોશિશ કરી છે.


    વિદેશ મંત્રી આસિફ પર શાહી ફેંકવામાં આવી


    - લાહોરથી 100 કિમી દૂર સિયાલ કોટમાં શનિવારે એક પ્રોગ્રામમાં વિદેશ મંત્રી ખ્વાજા મોહમ્મદ આસિફ પર શાહી ફેંકવામાં આવી.
    - શાહી ફેંકનાર વ્યક્તિએ પોલીસને કહ્યું કે, પીએમએલ-એન પયગંબર સાથે જોડાયેલી તારીખને બદલવા ઇચ્છે છે. આનાથી માત્ર મારી જ નહીં, પરંતુ લાખો પાકિસ્તાનીઓની ભાવનાઓને ઠેસ પહોંચશે.
    - પાકિસ્તાનના લૉ મિનિસ્ટર જાહિદ હમીદે ગયા વર્ષે રાજીનામું આપી દીધું હતું. ત્યારે તહરીક-એ-લબ્બેક પાકિસ્તાનના સમર્થકોએ ફૈજાબાદની સરકારી ઓફિસ પર ભેગા થઇને એવા લોકો વિરૂદ્ધ કાર્યવાહી કરવાનું કહ્યું હતું જે સંવિધાનમાં ફેરફાર કરવા માટે જવાબદાર હોય.

    આગળની સ્લાઇડમાં જાણો, વિદેશ મંત્રીએ આ ઘટના અંગે શું કહ્યું...

  • Pak foreign ministers face blackened with ink and Shoe thrown at Nawaz Sharif
    +1બીજી સ્લાઈડ્સ જુઓ
    આસિફે કહ્યું, વિરોધીઓએ શાહી ફેંકવાના પૈસા આપ્યા હશે. (ફાઇલ)

    વિરોધીઓએ શાહી ફેંકવાના પૈસા આપ્યા હશેઃ આસિફ 


    - મોહમ્મદ આસિફ સિયાલકોટમાં પોતાના ઘરે પીએમએલ-એનના કાર્યકર્તાઓને સંબોધિત કરી રહ્યા હતા. 
    - આ સંબોધન દરમિયાન જ ધાર્મિક કટ્ટરપંથીએ આસિફના ચહેરા પર શાહી ફેંકી. ત્યારબાદ લોકોએ શાહી ફેંકનારનો માર માર્યો અને પોલીસને સોંપી દીધો. 
    - આ ઘટના બાદ વિદેશ મંત્રીના ગાર્ડે તેમની ઘેરી લીધા અને આસિફે ચહેરો સાફ કરીને ભાષણને પૂર્ણ કર્યુ. 
    - આસિફે કહ્યું, હું આ વ્યક્તિને નથી જાણતો, વિરોધીઓએ શાહી ફેંકવાના પૈસા આપ્યા હશે. હું આ વ્યક્તિને માફ કરુ છું અને પોલીસને તેને મુક્ત કરવાનું કહીશ. 

     

  • Pak foreign ministers face blackened with ink and Shoe thrown at Nawaz Sharif
    આરોપ છે કે, ભૂતપૂર્વ વડાપ્રધાન નવાઝ શરીફની પાર્ટી પાકિસ્તાન મુસ્લિમ લીગ-નવાઝ (પીએમએલ-એન)એ સંવિધાનમાં પયગંબર મોહમ્મદ સાથે જોડાયેલી તારીખને બદલવાની કોશિશ કરી છે. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending