Home » International News » Middle East » The fighting, which killed at least 15 people, threw war-torn Yemen into further chaos

યમનમાં રાજકીય સંકટઃ અલગાવવાદીઓનો સરકારી ઇમારતો પર કબ્જો

Divyabhaskar.com | Updated - Jan 29, 2018, 05:06 PM

વડાપ્રધાન અહમદ બિન દાગેરે અલગાવવાદીઓ પર તખ્તાપલટની પરિસ્થિતિ પેદા કરવાનો આરોપ લગાવ્યો છે

  • The fighting, which killed at least 15 people, threw war-torn Yemen into further chaos
    +2બીજી સ્લાઈડ્સ જુઓ
    પ્રેસિડન્ટ અબ્દરબ્બુહ મંસૂર હાદીની સેના અને અલગાવવાદી (સેપરેટિસ્ટ્સ) વચ્ચે ઘર્ષણ ચાલી રહ્યું છે

    ઇન્ટરનેશનલ ડેસ્કઃ પહેલેથી જ વિકટ પરિસ્થિતિ સામે લડી રહેલા યમનમાં દક્ષિણના અદન શહેરમાં અલગાવવાદીઓએ સરકારી ઇમારતો પર કબજો કરી લીધો છે. અહીં પ્રેસિડન્ટ અબ્દરબ્બુહ મંસૂર હાદીની સેના અને અલગાવવાદી (સેપરેટિસ્ટ્સ) વચ્ચે ઘર્ષણ ચાલી રહ્યું છે. વડાપ્રધાન અહમદ બિન દાગેરે અલગાવવાદીઓ પર તખ્તાપલટની પરિસ્થિતિ પેદા કરવાનો આરોપ લગાવ્યો છે. અત્યાર સુધી આ સંઘર્ષમાં ઓછામાં ઓછા 10 લોકોનાં મોત થયા છે અને ડઝનથી વધુ લોકો ઘાયલ થયા છે.

    સરકારનું અદનમાં અસ્થાયી આશ્રય
    - યમન સરકારે હાલ અદનમાં પોતાનું અસ્થાયી આશ્રયસ્થાન બનાવ્યું છે, કારણ કે રાજધાની સના હૂતી વિદ્રોહીઓના નિયંત્રણમાં છે.
    - હાલ બંને પક્ષોએ પોતાની સેનાઓને રોકવા માટે કહ્યું છે. સરકારી જૂથોએ યમનના પાડોશી અરબ દેશો સાથે હસ્તક્ષેપ કરવાના મામલાને ઉકેલવાની અપીલ કરી છે.
    - પહેલેથી જ વિકટ પરિસ્થિતિ સામે લડી રહેલા યમનમાં લાખો લોકોને મદદની જરૂર છે, પરંતુ હાલના સંઘર્ષ બાદ સ્થિતિ વધુ ખરાબ થઇ ગઇ છે.

    સરકાર પર ભ્રષ્ટાચારના આરોપ
    - 1990માં સાઉથ અને નોર્થ યમનને જોડીને હાલના યમનનું નિર્માણ કરવામાં આવ્યું હતું. પરંતુ હજુ પણ સાઉથ યમનમાં અલગાવવાદી ભાવના શાંત નથી થઇ.
    - અલગાવવાદી અત્યાર સુધી તો હૂતી વિદ્રોહીઓની વિરૂદ્ધ સરકારનું સમર્થન કરતા રહ્યા હતાં. પરંતુ થોડાં અઠવાડિયા પહેલાં તેઓએ સરકાર પર ભ્રષ્ટાચાર અને ભેદભાવનો આરોપ લગાવ્યો, જેનાથી તણાવ વધી ગયો.

    રવિવારે શરૂ થઇ લડાઇ
    - અલગાવવાદીઓએ વડાપ્રધાન દાગેરને પદભ્રષ્ટ કરવા માટે પ્રેસિડન્ટ હાદીને થોડાં દિવસોનો સમય આપ્યો હતો. જે ખતમ થયા બાદ રવિવારે લડાઇ શરૂ થઇ ગઇ.
    - સાઉથ અલગાવવાદીઓને સંયુક્ત અરબ અમીરાત (UAE)નું સમર્થન છે, જે હૂતી વિદ્રોહીઓ વિરૂદ્ધ લડી રહેલા સાઉદી અરેબિયાના નેતૃત્વવાળા ગઠબંધનમાં સામેલ છે.
    - વડાપ્રધાન દાગેરે યુએઇને તાત્કાલિક શાંતિ માટે પગલાં ઉઠાવવાનું કહ્યું છે અને ચેતવણી આપી છે કે આ સંઘર્ષથી હૂતી વિદ્રોહીઓને ફાયદો થશે.

  • The fighting, which killed at least 15 people, threw war-torn Yemen into further chaos
    +1બીજી સ્લાઈડ્સ જુઓ
    વડાપ્રધાન દાગેરે યુએઇને તાત્કાલિક શાંતિ માટે પગલાં ઉઠાવવાનું કહ્યું છે
  • The fighting, which killed at least 15 people, threw war-torn Yemen into further chaos
    યમન સરકારે હાલ અદનમાં પોતાનું અસ્થાયી આશ્રયસ્થાન બનાવ્યું છે, કારણ કે રાજધાની સના હૂતી વિદ્રોહીઓના નિયંત્રણમાં છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending

વીડિયો વધુ જુઓ