Home » International News » Middle East » A Saudi official said on Tuesday all detainees were released from Riyadhs Ritz-Carlton hotel

સાઉદીમાં ભ્રષ્ટાચારના આરોપમાં ધરપકડ કરાયેલા 11 પ્રિન્સ સહિત તમામ મુક્ત

Divyabhaskar.com | Updated - Jan 30, 2018, 01:43 PM

ધરપકડ કરાયેલા તમામ કથિત આરોપીઓને રિયાધની રિત્ઝ કાર્ટન હોટલમાં રાખવામાં આવ્યા હતા

  • A Saudi official said on Tuesday all detainees were released from Riyadhs Ritz-Carlton hotel
    +2બીજી સ્લાઈડ્સ જુઓ
    ભ્રષ્ટાચાર વિરોધી કમીટીના આદેશ પર 11 પ્રિન્સ, ત્રણ મંત્રીઓ અને અનેક ભૂતપૂર્વ મંત્રીઓની ધરપકડ કરાઈ હતી

    ઇન્ટરનેશનલ ડેસ્કઃ સાઉદી અરેબિયામાં નવેમ્બર મહિનામાં 11 પ્રિન્સ, ત્રણ મંત્રીઓ અને અનેક ભૂતપૂર્વ મંત્રીઓની ધરપકડ કરવામાં આવી હતી. સાઉદી અરેબિયાના ઉચ્ચ અધિકારીએ આજે મંગળવારે જાહેર કર્યુ હતું કે આ તમામ પ્રિન્સ, સીનિયર ઓફિશિયલ્સ અને ટોપ બિઝનેસમેનને મુક્ત કરવામાં આવ્યા છે. આ મુક્તિ માટે ગવર્મેન્ટ સાથે 674 કરોડ રૂપિયાનું સેટલમેન્ટ થયું હોવાના સમાચાર છે. સાઉદીમાં ક્રાઉન પ્રિન્સ મોહમ્મદ બિન સલમાનની અધ્યક્ષતામાં બનેલી ભ્રષ્ટાચાર વિરોધી કમીટીના આદેશ પર 11 પ્રિન્સ, ત્રણ મંત્રીઓ અને અનેક ભૂતપૂર્વ મંત્રીઓની ધરપકડ કરવામાં આવી હતી. ધરપકડ કરાયેલા તમામ કથિત આરોપીઓને રિયાધની રિત્ઝ કાર્ટન હોટલમાં રાખવામાં આવ્યા હતા. ત્યારબાદ આ હોટેલ નોર્મલ બિઝનેસ માટે બંધ કરી દેવામાં આવી હતી. પ્રિન્સ અલવલિદ બિન તલાલ, જે સાઉદીના ટોપ ઇન્ટરનેશનલ બિઝનેસમેન ગણાય છે, તેઓને શનિવારે મુક્ત કરવામાં આવ્યા હતા.

    સાઉદી પ્રિન્સ અઢી મહિનાની કેદ બાદ મુક્ત
    - સાઉદી અરેબિયાના સૌથી અમીર પ્રિન્સ અલવલીદ બિન તલાલ અંદાજિત અઢી મહિનાની કેદ બાદ મુક્ત થયો છે. તેણે સાઉદી સરકારની સાથે કેટલાંક ફાઇનાન્શિયલ સેટલમેન્ટ કર્યા છે, ત્યારબાદ તેને મુક્ત કરવામાં આવ્યો છે.
    - 63 વર્ષના પ્રિન્સને સાઉદીમાં કરપ્શન મામલે થયેલી કાર્યવાહી બાદ અરેસ્ટ કરવામાં આવ્યા હતા.
    - તલાલને અન્ય પ્રિન્સ અને બિલિયોનર્સ સાથે રિયાધની ફાઇવ સ્ટાર હોટલ રિત્ઝ કાર્લટનમાં રાખવામાં આવ્યા હતા.
    - મુક્તિ પહેલાં તેઓએ હોટલમાંથી જ ઇન્ટરવ્યુ આપ્યો હતો, જેમાં તેઓએ પોતાના નિર્દોષ ગણાવ્યા.

    નવેમ્બરમાં થઇ હતી ધરપકડ

    - સાઉદી અરબમાં ક્રાઉન પ્રિન્સની અધ્યક્ષતામાં બનેલી ભ્રષ્ટાચાર વિરોધી કમીટીના આદેશ પર 11 પ્રિન્સ, ત્રણ મંત્રીઓ અને અનેક ભૂતપૂર્વ મંત્રીઓની ધરપકડ કરાઈ હતી. બધાના બેંક ખાતા સ્થગીત કરી દેવામાં આવ્યા હતા.

    ક્રાઉન પ્રિન્સ તપાસ સમિતિના અધ્યક્ષ

    - ભ્રષ્ટાચાર વિરોધક સમિતિનું સુકાન દેશના શક્તિશાળી વલી અહદ શહજાદે (ક્રાઉન પ્રિન્સ) મોહમ્મદ બિન સલમાન પાસે છે. 32 વર્ષીય સલમાન દુનિયાના અગ્રણી તેલ નિકાસકાર દેશના સૌથી શક્તિશાળી વ્યક્તિ છે.
    - હવે તેમના પિતરાઈ મોહમ્મદ બિન નઈફને હટાવીને તેમને ક્રાઉન પ્રિન્સ બનાવાયા છે.

    આગળ જાણો, કોના ઉપર હતો શું આરોપ...

  • A Saudi official said on Tuesday all detainees were released from Riyadhs Ritz-Carlton hotel
    +1બીજી સ્લાઈડ્સ જુઓ
    ક્રાઉન પ્રિન્સ મોહમ્મદ બિન સલમાન

    કોના પર કયો આરોપ હતો 

    1. પ્રિન્સ અલ વલીદ બિન તલત 17.1 અબજ ડોલરના માલિક
    2. પ્રિન્સ અલ-વલીદ બિન તલત, 17.1 અબજ ડોલર (અંદાજે 1.11 લાખ કરોડ રૂપિયા)ની સંપત્તિ છે. તેમના પર મની લોન્ડરિંગના આરોપ છે.
    3. પ્રિન્સ મિતેબ બિન અબ્દુલ્લા, પૂર્વ નેશનલ ગાર્ડ મંત્રી : નકલી શસ્ત્ર ખરીદી, ખાનગી કંપનીઓને કોન્ટ્રાક્ટ.
    4. પ્રિન્સ તુર્કી બિન અબ્દુલ્લા, રિયાધના પૂર્વ ગવર્નર: પોતાની વગનો દુરુપયોગ કરીને ખાનગી કંપનીઓને શહેરમાં ટ્રેનના કોન્ટ્રાક્ટ અપાવ્યા.
    5. પ્રિન્સ તુર્કી બિન નસર, હવામાન અને પર્યાવરણની પ્રેસિડેન્સીના પ્રમુખ: નકલી શસ્ત્રોની ખરીદીમાં સંડોવણી.
    6. વલીદ અલ-ઇબ્રાહિમ, 10.9 અબજ ડોલર (અંદાજે 70 હજાર કરોડ રૂપિયા) મૂલ્યની એમબીસી મીડિયા કંપનીના માલિક. બનાવટી કોન્ટ્રાક્ટ અપાવવાના 4 કેસમાં સંડોવણી.
    7. ખાલેદ અલ-તુવૈજરી, શાહી અદાલતના પૂર્વ પ્રેસિડેન્ટ: પોતાની વગ વાપરીને કિંગના નામે મીડિયાગેટમાં લાંચમાં સંડોવણી.
    8. અદેલ ફકીહ, આર્થિક અને યોજના મંત્રી: જિદ્દામાં 2009માં આવેલા પૂરમાં ભ્રષ્ટાચાર મામલે સંડોવણી.
    9. ઉમર દાબાગ, જનરલ ઇન્વેસ્ટમેન્ટ ઓથોરિટીના પૂર્વ પ્રેસિડેન્ટ: શહેરના પ્રોજેક્ટ માટે બોગસ કોન્ટ્રાક્ટ જારી કરી બજેટ આપ્યું.
    10.સાલેહ કામિલ, બિઝનેસમેન: જિદ્દા ભ્રષ્ટાચાર મામલે મિલીભગત.
    11. સઉદ અલ-તોબૈશી, રોયલ સેરેમની અને પ્રોટોકોલના પ્રમુખ: કિંગના નામે નાણા પડાવવામાં સંડોવણી.
    12. ઇબ્રાહિમ અલ-અસફ, પૂર્વ નાણા મંત્રી અને વર્તમાન સ્ટેટ મંત્રી: ટ્રેઝરીમાં ગરબડ.
    13.બકર બિન લાદેન, બિન લાદેન સમૂહના માલિક, લાંચ અને ભ્રષ્ટાચાર.
    14.સઉદ અલ-દાવિશ, સાઉદી ટેલિકોમ કંપનીના પૂર્વ સીઇઓ: એક જ કામ માટે બે-બે બિલ પાસ કરાવ્યા.
    15.ખલદ અલ-મલ્હમ, સાઉદી અરબ એરલાઇન્સના ડીજી: કોન્ટ્રાક્ટ ગોટાળામાં સંડોવણી.

  • A Saudi official said on Tuesday all detainees were released from Riyadhs Ritz-Carlton hotel
    સાઉદીના ટોપ ઇન્ટરનેશનલ બિઝનેસમેન પ્રિન્સ અલવલિદ બિન તલાલ
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending

વીડિયો વધુ જુઓ