Home » International News » Latest News » International » Indian Sikhs Turban Ripped Outside UK Parliament In Racist Attack

UK: પાર્લામેન્ટ બહાર અંગ્રેજે ભારતીય શીખની પાઘડી ઉતારી, કહ્યું - મુસ્લિમ ગો બેક

Divyabhaskar.com | Updated - Feb 22, 2018, 03:27 PM

બ્રિટન પાર્લામેન્ટની બહાર એક અંગ્રેજે ભારતીય શીખ પર વંશીય હુમલો કર્યો છે.

  • Indian Sikhs Turban Ripped Outside UK Parliament In Racist Attack
    +2બીજી સ્લાઈડ્સ જુઓ
    બ્રિટન પાર્લામેન્ટની બહાર એક અંગ્રેજે ભારતીય શીખ પર વંશીય હુમલો કર્યો છે.

    લંડનઃ બ્રિટનમાં પાર્લામેન્ટની બહાર એક અંગ્રેજે ભારતીય શીખ પર વંશીય હુમલો કર્યો. તે બુધવારે લેબર પાર્ટીના સાંસદ તનમનજીત સિંહ ઘેસીને મળવા માટે પાર્લામેન્ટ પહોંચ્યા હતા. લાઇનમાં ઉભા રહીને અંદર જવા માટે પોતાના નંબરની રાહ જોઇ રહ્યા હતા, આ દરમિયાન એક અંગ્રેજ દોડતા દોડતા આવ્યો અને 'મુસ્લિમ ગો બેક' કહીને ભારતીય નાગરિકની પાઘડી ઉતારવા લાગ્યો. સાંસદે આ હુમલાની નિંદા કરી છે. પોલીસ આરોપીની શોધ કરી રહી છે.


    પંજાબી શીખ પર બ્રિટનનો હુમલો


    - ન્યૂઝ એજન્સી અનુસાર, વિક્ટિમ રવનીત સિંહ (37) મૂળ પંજાબના રહેવાસી છે. તેઓ બ્રિટનના સાંસદ તનમનજીત સિંહ ઘેસીને મળવા માટે પાર્લામેન્ટની અંદર જઇ રહ્યા હતા.
    - આ દરમિયાન પોર્ટક્યૂલિસ બિલ્ડિંગની બહાર તેમની ઉપર એક અંગ્રેજે હુમલો કરી દીધો. અહીં સાંસદોના સ્ટાફ અને ગેસ્ટના રોકાણની વ્યવસ્થા છે. પોલીસને બુધવારે સાંજે અંદાજિત5 વાગ્યે આ ઘટનાની સુચના મળી હતી.

    અંગ્રેજે કહ્યું, ગો બેક મુસ્લિમ


    - રવનીત સિંહે કહ્યું, હું લાઇનમાં ઉભો રહીને મારો નંબર આવે તેની રાહ જોઇ રહ્યો હતો. આ દરમિયાન એક અંગ્રેજ મારી તરફ દોડતો આવ્યો. તેણે ચીસો પાડીને કહ્યું, 'મુસ્લિમ ગો બેક' અને જોર-જોરથી પાઘડી ખેંચવા લાગ્યો. મેં પાઘડી સંભાળી અને તેની સામે ગુસ્સો વ્યક્ત કર્યો.
    - પછી હુમલાખોર કોઇ અન્ય ભાષામાં ઘર્મથી જોડાયેલી કોમેન્ટ કરતો ભાગી ગયો. હું તેની આખી વાત તો ના સમજી શક્યો, પરંતુ મુસ્લિમ શબ્દ ચોક્કસથી સમજી ગયો.

    આગળની સ્લાઇડમાં જાણો, સાંસદે ઘટના પર દુઃખ વ્યક્ત કર્યું...

  • Indian Sikhs Turban Ripped Outside UK Parliament In Racist Attack
    +1બીજી સ્લાઈડ્સ જુઓ
    ભારતીય મૂળના રવનીત સિંહ બુધવારે લેબર પાર્ટીના સાંસદને મળવા પાર્લામેન્ટ પહોંચ્યા હતા. (ફાઇલ)

    સાંસદે આ ઘટના પર દુઃખ વ્યક્ત કર્યુ 


    - લેબર પાર્ટીના સાંસદ તનમનજીત સિંહે ઘેસીએ ભારતીય શીખની સાથે થયેલા આ વર્તનને લઇને દુઃખ વ્યક્ત કર્યુ છે. 
    - તેઓએ ટ્વીટમાં કહ્યું, સાંભળીને ખૂબ જ દુઃખ થયું કે, કોઇએ મને મળવા માટે આવેલા મહેમાનની સંસદ બહાર પાઘડી ઉતારવાની કોશિશ કરી. મને ભરોસો છે કે, યુકે પોલીસ આરોપી વિરૂદ્ધ કડક કાર્યવાહી કરશે. 


    આ પહેલાં પણ સામે આવ્યા શીખો પર હુમલો 


    - ઉલ્લેખનીય છે કે, અમેરિકાના 9/11 અટેક બાદ બ્રિટનમાં ભૂલથી શીખ કોમ્યુનિટીના લોકો પર અનેક વખત હુમલા થયા છે. 
    - જૂનમાં એક એરલાઇનના કો-પેસેન્જર્સના શીખની પાઘડી પર હુમલો કર્યો હતો. ત્યારે તેણે શીખને આતંકી ગણાવીને સોશિયલ મીડિયામાં ફોટો પોસ્ટ કર્યો હતો. આ તસવીરો વાઇરલ થયા બાદ લોકોએ આરોપી વિરૂદ્ધ ગુસ્સો વ્યક્ત કર્યો હતો. 

     

  • Indian Sikhs Turban Ripped Outside UK Parliament In Racist Attack
    મૂળ પંજાબના રવનીત સિંહ (37) બ્રિટનના સાંસદ તનમનજીત સિંહ ઘેસીને મળવા માટે પાર્લામેન્ટની અંદર જઇ રહ્યા હતા. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending