1

Divya Bhaskar

Home » International News » Latest News » International » The color of the Eiffel Tower will change for the 19th time in 129 years

129 વર્ષમાં 19મી વાર એફિલ ટાવરનો રંગ બદલાશે, ખર્ચ 2500 કરોડ

Divyabhaskar.com | Last Modified - Mar 23, 2018, 12:59 AM IST

ઓક્ટોબરમાં પેરિસના એફિલ ટાવરને રંગવાનું કામ શરૂ થશે, આ વખતે લાલ રંગથી ટાવરને રંગવાની યોજના છે

  • The color of the Eiffel Tower will change for the 19th time in 129 years
    +1બીજી સ્લાઈડ્સ જુઓ
    1889માં ટાવરના નિર્માણ સમયનો એક માત્ર કલર ફોટો

    પેરિસ: પેરિસના એફિલ ટાવરનાં 129 વર્ષના ઇતિહાસમાં 19મી વખત તેનો રંગ બદલવામાં આવશે. ટાવરની ચમક થોડી ઝાંખી પડી ગઈ છે એટલા માટે તેને સંપૂર્ણપણે પેઈન્ટ કરાશે. કામ ઓક્ટોબરમાં શરૂ થશે પણ તૈયારી અત્યારથી શરૂ કરી દેવાઈ છે. પેરિસ શહેરના તંત્ર અને ફ્રાન્સ સરકારે ટાવરને લાલ રંગથી રંગવાની યોજના બનાવી છે. 1889માં જ્યારે એફિલ ટાવર બન્યો હતો તો તેનો રંગ લાલ રખાયો હતો. હવે તે ઇતિહાસનું ફરી પુનરાવર્તન કરવા માટે તેને ફરીથી લાલ રંગથી રંગવામાં આવશે. હાલ એફિલ ટાવરનો રંગ આછો ભૂરો છે.

    તંત્રએ પણ તર્ક આપ્યો છે કે એફિલ ટાવરમાં હવે અનેક જગ્યાએ કાટ લાગી રહ્યો છે. કાટ ટાવરની સુંદરતા પર દાગ લગાવે છે. હવે કાટ હટાવવા માટે દર વર્ષે આટલા મોટા ટાવરનું રંગકામ કરવું મુશ્કેલ છે એટલા માટે સારું રહેશે કે તેને લાલ રંગથી રંગી નાખવામાં આવે. જેનાથી હળવા કાટના નિશાન દેખાય જ નહીં. લાલ રંગથી રંગવાના પ્રસ્તાવ પર અંતિમ મહોર લાગવાની બાકી છે. પરંતુ એફિલ ટાવરને રંગવાનું બજેટ નક્કી થઈ ગયું છે. 2.4 હજાર કરોડનો ખર્ચ થશે.

    18 વાર ટાવરના રંગમાં નાના મોટા પરિવર્તન કરાયા છે

    વર્ષ એફિલનો રંગ
    1889 લાલ રંગ
    1899 હળવો પીળો રંગ
    1907 પીળા અને ભૂરારંગનું મિશ્રણ
    1954 લાલ અને ભૂરારંગનું મિશ્રણ
    1968 ભૂરો રંગ

    આગળ વાંચો: 60000 કિલો રંગથી ત્રણ વર્ષમાં રંગ કામ કરાશે

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • The color of the Eiffel Tower will change for the 19th time in 129 years
    છેલ્લાં કેટલાંક વર્ષોથી એફિલ ટાવર આવો દેખાય છે

    60000 કિલો રંગથી ત્રણ વર્ષમાં રંગ કામ કરાશે

     

    રંગવામાં લગભગ 3 વર્ષનો સમય લાગશે. અંદાજ છે કે તેમાં 60 હજાર કિલો પેઈન્ટ વપરાશે. પેઈન્ટની સાથે સાથે ટાવરના કેટલાક ભાગોનું સમારકામ પણ કરાશે. 324 મીટર ઊંચા એફિલ ટાવરને 1889માં આર્કિટેક્ટ ગુસ્તાવ એફિલે બનાવ્યો હતો.  હજુ સુધી 18 વખત તેને પેઈન્ટ કરવામાં આવ્યું છે.  દર 7-8 વર્ષમાં સંપૂર્ણ ટાવરને પેઈન્ટ કરાવાયા છે. એકવારમાં 25 લોકોની ટીમ તેને પેઈન્ટ કરે છે. જોકે ટાવરને પેઈન્ટ કરવું હવે મુશ્કેલની સાથે સાથે ઘાતક પણ થઈ ગયું છે. જૂના લોખંડ પર લેડના જાડા જાડા પડ જામી ગયા છે. જેનાથી પેઈન્ટ કરનારા મજૂરોને ઈન્ફેક્શન થવાનું જોખમ છે એટલા માટે પેરિસ શહેરના તંત્રએ પણ ભલામણ કરી છે કે ટાવરનો રંગ ના બદલીને જૂના પેઈન્ટ પર જ નવો ભૂરો પેઈન્ટ કરાવી દેવાય. તેના પર અંતિમ નિર્ણય ફ્રેન્ચ મંત્રાલય જ કરશે.

More From International News

Trending