Home » International News » Latest News » International » India has nothing to worry about China-Bangla ties: Sheikh Hasina

ચીન સાથે બાંગ્લાદેશના સંબંધોની ચિંતા ના કરે ભારતઃ શેખ હસીના

Divyabhaskar.com | Updated - Feb 21, 2018, 01:49 PM

ચીન બાંગ્લાદેશને ઓછા વ્યાજ દરો પર 9 બિલિયન ડોલર લોનની ઓફર કરી ચૂક્યું છે.

  • India has nothing to worry about China-Bangla ties: Sheikh Hasina
    +1બીજી સ્લાઈડ્સ જુઓ
    બાંગ્લાદેશના વડાપ્રધાને ભારત પાસે રોહિંગ્યા મુદ્દાનો ઉકેલ લાવવા માટે મદદ માંગી છે.

    ઇન્ટરનેશનલ ડેસ્કઃ બાંગ્લાદેશના વડાપ્રધાન શેખ હસીએ ઢાકા-ચીનના વધતા સંબંધો પર ભારતને ચિંતા નહીં કરવાની સલાહ આપી છે. તેઓએ કહ્યું કે, બીજિંગની સાથે સંબંધો માત્ર દેશના વિકાસ માટે વધારવામાં આવી રહ્યા છે. જે પણ દેશ બાંગ્લાદેશના વિકાસમાં મદદ કરવા ઇચ્છે છે, સરકાર તેમનું સ્વાગત કરે છે. ઉલ્લેખનીય છે કે, ચીન બાંગ્લાદેશની સાથે મિલિટરી સંબંધોને મજબૂત કરવાની વાત કરી ચૂક્યું છે. આ માટે તેણે બાંગ્લાદેશને ખૂબ જ ઓછા વ્યાજદરે 9 બિલિયન ડોલર્સ લોન પર આપવાની વાત કહી હતી.

    પાડોશીઓ સાથે સારાં સંબંધો બનાવવા પર ધ્યાન આપે ભારત


    - ભારતીય પત્રકારો સાથે વાત કરતા હસીનાએ કહ્યું કે, અમને દેશના વિકાસ માટે રોકાણ (ઇન્વેસ્ટમેન્ટ) અને મદદની જરૂર છે અને તેમાં જે પણ અમારી મદદ કરી શકે છે તેઓનું સ્વાગત છે. તેઓએ કહ્યું કે, ભારત, ચીન, જાપાન અને ત્યાં સુધી કે મિડલ ઇસ્ટના દેશ પણ બાંગ્લાદેશના વિકાસમાં સહયોગ વધારવા માટે આગળ આવ્યા છે.
    - હસીનાએ સલાહ આપતા કહ્યું કે, ભારતને ચીન-બાંગ્લાદેશના સંબંધો પર ચિંતા વ્યક્ત કરવાના બદલે પાડોશી દેશો સાથે સારાં સંબંધો રાખવા પર ધ્યાન આપવું જોઇએ. જેથી ક્ષેત્રનો યોગ્ય વિકાસ થઇ શકે.
    - હસીનાએ જણાવ્યું કે, ભારત અને બાંગ્લાદેશના સંબંધો હંમેશાથી શ્રેષ્ઠ જ રહ્યા છે. બંને દેશોના બોર્ડર અને મેરીટાઇમ વિવાદોનો સમજદારીથી ઉકેલ લાવ્યા છે.
    - બાંગ્લાદેશ-ઇન્ડિયા મીડિયા ડાયલોગ માટે નવી દિલ્હી અને કોલકત્તાના કેટલાંક પત્રકારો 3 દિવસ બાંગ્લાદેશની મુલાકાતે છે. હસીનાએ પત્રકારોને મંગળવારે પોતાના નિવાસસ્થાને બોલાવ્યા હતા.


    રોહિંગ્યા મામલે માંગી મદદ


    - મ્યાનમારથી નિર્વાસિત રોહિંગ્યા રેફ્યુજીઓને તેમના દેશ પરત મોકલવાના મુદ્દે હસીનાએ ભારત પાસે મદદ માંગી છે. તેઓએ કહ્યું કે, ભારતે મ્યાનમાર પર દબાણ બનાવવું જોઇએ, જેથી તેઓ શક્ય તેટલાં ઝડપથી પોતાના લોકોને પરત બોલાવે.

    આગળની સ્લાઇડ્સમાં જાણો, બાંગ્લાદેશ પર ચીનની નજર...

  • India has nothing to worry about China-Bangla ties: Sheikh Hasina
    શેખ હસીનાએ કહ્યું કે, ભારત અને બાંગ્લાદેશ બંનેના સંબંધો શ્રેષ્ઠ છે.

    બાંગ્લાદેશ પર ટકી ચીનની નજર 


    - ચીન બાંગ્લાદેશની સાથે મિલિટરી અને રક્ષા સંબંધો વધારવાની વાત કરી ચુક્યું છે. 
    - થોડાં સમય પહેલાં ચીને બાંગ્લાદેશમાં 6 રેલ પ્રોજેક્ટ શરૂ કરવા માટે ઓછા વ્યાજ દરો પર 9 બિલિયન ડોલર્સની લોક આપવાની વાત કહી હતી. 


    બાંગ્લાદેશમાં રાજનૈતિક સંકટની પરિસ્થિતિ 


    - બાંગ્લાદેશની એક કોર્ટે ગત 8 ફેબ્રુઆરીના રોજ ભૂતપૂર્વ વડાપ્રધાન ખાલિદા જિયાને 5 વર્ષ જેલની સજા સંભળાવી હતી. ત્યારબાદ તેઓના ચૂંટણી લડવા પર પ્રતિબંધ લગાવી દીધો હતો. 
    - આ ધરપકડ બાદ આખા દેશમાં રેપિડ એક્શન બટાલિયન અને આર્મ્ડ પોલીસ ફોર્સના જવાન ગોઠવી દેવામાં આવ્યા હતા. લોકોને એક સ્થળે ભેગા થવા ઉપર પણ પ્રતિબંધ લગાવી દીધો હતો. 
    - ખાલિદા જિયાની પાર્ટી બીએનપીએ અવામી લીગ પાર્ટીનું કાવતરું ગણાવ્યું હતું. પાર્ટી મેમ્બર્સે સડકો પર ઉતરીને પ્રદર્શનની વાત પણ કહી હતી. 

     

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending

વીડિયો વધુ જુઓ