Home » International News » Latest News » International » Vladimir Putin said Russia would be forced to respond if the US exits the Intermediate-Range Nuclear Forces Arms Control Treaty

ટ્રમ્પ v/s પુતિન: પરમાણુ કરારમાંથી બહાર થવાની ટ્રમ્પની ધમકી, પુતિને કહ્યું - રશિયા પણ બનાવશે મિસાઇલ્સ

Divyabhaskar.com | Updated - Dec 06, 2018, 12:32 PM

INF સંધિ હેઠળ જમીનથી હવામાં પ્રહાર કરતી 500થી 5,500 કિલોમીટર રેન્જની મિસાઇલ્સ પ્રતિબંધિત છે

  • Vladimir Putin said Russia would be forced to respond if the US exits the Intermediate-Range Nuclear Forces Arms Control Treaty
    પોમ્પિયોના આઇએનએફ અંગેના નિવેદન બાદ પુતિને કહ્યું કે, પરમાણુ હથિયારો મામલે અમે એ જ કરીશું જે તમે કરશો. (ફાઇલ)

    - રશિયાના પ્રેસિડન્ટ વ્લાદિમિર પુતિને કહ્યું કે, અમેરિકા કરારમાંથી બહાર જશે તો અમે પણ પ્રતિબંધિત મિસાઇલ બનાવવાનું શરૂ કરીશું
    - અમેરિકાએ રશિયાને ચેતવણી આપી હતી કે, 60 દિવસની અંદર પોતાની મિસાઇલ્સ નષ્ટ કરે તો અમેરિકા પરમાણુ હથિયારોનો ખડકલો કરશે

    ઇન્ટરનેશનલ ડેસ્કઃ ઇન્ટરમીડિયેટ-રેન્જ ન્યૂક્લિયર ફોર્સિસ ટ્રીટીને લઇને રશિયા અને અમેરિકા આમને-સામને આવી ગયા છે. અમેરિકાના પ્રેસિડન્ટ ડોનાલ્ડ ટ્રમ્પના નિવેદન પર રશિયાના પ્રેસિડન્ટ વ્લાદિમીર પુતિને આલોચના કરી છે. પુતિને કહ્યું કે, અમેરિકા પ્રતિબંધિત મિસાઇલોને વિકસિત કરે છે તો રશિયા પણ કરશે. આ પહેલા અમેરિકાના વિદેશ મંત્રી માઇક પોમ્પિયોએ નાટોની એક બેઠકમાં જાહેરાત કરી હતી કે, રશિયાની છેતરપિંડીના કારણે અમેરિકા 60 દિવસોમાં INF (ઇન્ટરમીડિયેટ-રેન્જ ન્યૂક્લિયર ફોર્સિસ ટ્રીટી) હેઠળ પોતાના દાયિત્વને છોડી દેશે.

    અમે એ જ કરીશું જે તમે કરશોઃ પુતિન


    - પોમ્પિયોના આઇએનએફ અંગેના નિવેદન બાદ પુતિને કહ્યું કે, અમેરિકન સહયોગીઓનું માનવું છે કે સ્થિતિ બદલાઇ ગઇ છે અને અમેરિકાની પાસે આ પ્રકારના હથિયાર હોવા જોઇએ. અમારી પ્રતિક્રિયા શું હશે? અત્યંત સરળ, આ મામલે અમે એ જ કરીશું જે તમે કરશો.
    - અમેરિકાએ એવો દાવો કર્યો હતો કે, મોસ્કો કોલ્ડ વૉર દરમિયાનના મહત્વના પરમાણુ હથિયાર સંધિનું ઉલ્લંઘન કરી રહ્યું છે. રશિયાએ આ તમામ દાવાઓ નકાર્યા હતા.

    રશિયાએ કરારનું ઉલ્લંઘન કર્યુઃ ટ્રમ્પ


    - પોમ્પિયો પહેલાં અમેરિકાના પ્રેસિડન્ટ ડોનાલ્ડ ટ્રમ્પે કહ્યું હતું કે, રશિયાએ ઓછા અંતરની એક નવી મિસાઇલ બનાવીને આ સંધિનું ઉલ્લંઘન કર્યુ છે, આ માટે અમેરિકા આ સમજૂતીને માન્ય નહીં રાખે.
    - આ પહેલાં સોમવારે ટ્રમ્પે કહ્યું કે, તેઓ ચીનના પ્રેસિડન્ટ શી જિનપિંગ અને રશિયાના પ્રેસિડન્ટ વ્લાદિમીર પુતિન સાથે વાતચીત કરવા ઇચ્છે છે.
    - ટ્રમ્પ એડમિનિસ્ટ્રેશનનું કહેવું છે કે, રશિયાએ નોવેટર 9M729 મિસાઇલ ગોઠવી છે જે સંધિનું ઉલ્લંઘન છે. INF સંધિ હેઠળ જમીનથી હવામાં પ્રહાર કરતી 500થી 5,500 કિલોમીટર રેન્જની મિસાઇલ્સ પ્રતિબંધિત છે.
    - મંગળવારે ટ્રમ્પે કહ્યું હતું કે, જો રશિયા 60 દિવસોમાં પોતાની મિસાઇલ્સ ખતમ નહીં કરે તો અમેરિકા સંધિથી અલગ થશે અને પરમાણુ હથિયારોનો ખડકલો કરી દેશે.


    શું છે INF?


    - સંયુક્ત રાજ્ય અમેરિકાના પ્રેસિડન્ટ રોનાલ્ડ રીગન અને તત્કાલિન સોવિયેત સંઘના પ્રેસિડન્ટ મિખાઇલ ગોર્વાચોફે ઇન્ટરમીડિયેટ-રેન્જ ન્યૂક્લિયર મિસાઇલોને સમાપ્ત કરવા માટે 8 ડિસેમ્બર, 1987ના રોજ એક સંધિ કરી હતી.
    - આ સંધિક હેઠળ બંને દેશોને પોતાની અમુક મિસાઇલોને નષ્ટ કરીને તેની સંખ્યા નિશ્ચિત કરવાની હતી.
    - ઉલ્લેખનીય છે કે, આ સંધિ બાદ 1991 સુધી અંદાજિત 2700 મિસાઇલોને નષ્ટ કરવામાં આવી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ