Divya Bhaskar

Home » International News » Latest News » International » રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3

વર્લ્ડ વૉર કે કોલ્ડ વૉર? સીરિયા અટેક પછી રશિયા-અમેરિકા સામસામે

Divyabhaskar.com | Updated - Apr 14, 2018, 02:49 PM

સીરિયાની તાનાશાહી સામે એક થયું અમેરિકા, બ્રીટન અને ફાંસ; રશિયા-ઈરાનનો સીરિયાને સપોર્ટ

  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    +5બીજી સ્લાઈડ્સ જુઓ
    રશિયા અને અમેરિકા સામસામે

    મોસ્કો: સીરિયામાં ચાલી રહેલો સંઘર્ષ રશિયા અને અમેરિકા વચ્ચે પ્રભુત્વનો પ્રશ્ન બનતો જાય છે. અમેરિકા તરફથી વધતા પ્રેશરના પગલે રશિયા ત્રીજા વિશ્વ યુદ્ધની તૈયારીઓમાં જોડાઈ ગયું છે. રશિયાની સરકારી ટીવી ચેનલ 'રોસિયા-24 ન્યૂઝ'ના જણાવ્યા પ્રમાણે યુદ્ધની આશંકા વચ્ચે દેશની જનતાને ખાણી-પીણીનો સામાન ભેગો કરી લેવાનો આદેશ આપવામાં આવ્યો છે. ચેનલે લોકોને પૂરતી માત્રામાં પોતાની પાસે આયોડિનની વ્યવસ્થા કરી લેવાની સલાહ આપવામાં આવી છે. તે ઉપરાંત ચોખા પણ સ્ટોર કરવાનું કહેવામાં આવ્યું છે.

    સીરિયા સામે અમેરિકા, ફ્રાન્સ અને બ્રિટન એક

    અમેરિકાએ તેના સહયોગી દેશો ફ્રાન્સ અને બ્રિટન સાથે મળીને સીરિયાના તાનાશાહ અસદનો વિરોધ કરવાનું શરૂ કર્યું છે. અમેરિકા સીરિયાથી અસદની વિદાય ઈચ્છે છે પરંતુ રશિયા સીરિયાના સમર્થનમાં હોવાથી અમેરિકાની મુશ્કેલી વધી ગઈ છે. ઘણાં દેશો સીરિયા વિરુદ્ધ પરોક્ષમાં યુદ્ધમાં સામેલ છે. અમેરિકા દ્વારા સતત આપવામાં આવતી ચેતવણીના અંતે રસાયણિક હુમલા પછી અમેરિકી રાષ્ટ્રપતિ ડોનાલ્ડ ટ્રમ્પે સીરિયામાં અસદ સરકાર વિરુદ્ધ હવાઈ હુમલો કરી દીધો છે. ત્યારપછી બ્રિટન અને ફ્રાંસે પણ અમેરિકાની એર સ્ટ્રાઈકને સપોર્ટ કર્યો છે.

    રશિયા અને ઈરાન કરી રહ્યા છે સીરિયાની મદદ


    - વિદ્રોહીઓ સામે લડાઈમાં અસદને રશિયા અને ઈરાનનો સંપૂર્ણ સહયોગ મળી રહ્યો છે. રશિયાનો સીરિયામાં એક બેઝ કેમ્પ પણ છે. રશિયાએ સંયુક્ત રાષ્ટ્રથી લઈને દરેક આંતરરાષ્ટ્રીય મંચ પર સીરિયાનો સાથ આપ્યો છે. ઈરાન પણ સતત સીરિયાના રાષ્ટ્રપતિને સમર્થન આપી રહ્યા છે. રશિયા તો વિદ્રોહીઓ સામે ઘણી વાર હવાઈ હુમલા કરી પણ ચૂક્યું છે. રશિયા સીરિયાના રાષ્ટ્રપતિ બશર અલ-અસદના પક્ષમાં છે. જ્યારે અમેરિકાના નેતૃત્વમાં પશ્ચિમી દેશો લાંબા સમયથી અસદને સત્તામાંથી હટાવવાની માગણી કરી રહ્યા છે. અમેરિકી રાષ્ટ્રપતિએ મોસ્કોને ચેતવણી આપતા કહ્યું હતું કે, રશિયા મિસાઈલ હુમલા વિશે લાવધાન રહે. આ પહેલાં રશિયાએ કહ્યું હતું કે, તેઓ સીરિયા તરફથી આવતી દરેક અમેરિકાની મિસાઈલને તોડી પાડશે.

    બદલાની ભાવનામાં શિતયુદ્ધ પરત આવી ગયું- UN

    સંયુક્ત રાષ્ટ્રના મહાસચિવ એંટોનિયો ગુટેરેસે કહ્યું કે, બદલાની ભાવનામાં શીત યુદ્ધ પરત આવી ગયું છે. ગુટેરેસે સીરિયા વિશે વધતા તણાવને જોખમી ગણાવ્યો છે. સીરિયાના ડૂમામાં રાસાયણિક હથિયારોના ઉપયોગના વિરોધમાં અમેરિકા અને તેના મિત્ર દેશોએ સીરિયા ઉપર મિસાઈલ હુમલો કરી દીધો છે. તેમનો આરોપ છે કે, રશિયા સીરિયા સરકારને સમર્થન અને સૈન્ય તાકાત આપી રહી છે. બીજી બાજુ રશિયાનું કહેવું છે કે, અમેરિકાની કાર્યવાહીનું પરિણામ યુદ્ધ આવી શકે છે.

    રશિયા સરકારે જનતાને ત્રીજા વિશ્વયુદ્ધ પહેલાં કેવી તૈયારીઓ કરવા કહ્યું છે


    રશિયાની સરકારી ચેનલ રોસિયા-24 ન્યૂઝ ચેનલના જણાવ્યા પ્રમાણે દેશની જનતાને બંકરોમાં ખાણી-પીણીનો સામાન ભેગો કરવાનો આદેશ આપી દેવામાં આવ્યો છે. ચેનલે લોકોને પૂરતી માત્રામાં આયોડિનની વ્યવસ્થા કરી રાખવાની સલાહ આપી છે. જેથી રેડિયેશનના જોખમથી બચી શકાય. તે સિવાય ભાતને પણ સ્ટોર કરવાની સલાહ આપવામાં આવી છે.

    એંકરે કહ્યું છે કે, ચોખાને આઠ વર્ષ સુધી સુરક્ષીત રાખી શકાય છે. દલિયાને ત્રણ વર્ષ સુધી ખઈ શકાય છે. ટીનના ડબ્બામાં બંધ માંસના સહારે પાંચ વર્ષ સુધી જીવી શકાય છે. જ્યારે માછલીને 2 વર્ષથી વધારે સુરક્ષીત રાખી શકાતી નથી. તે ઉપરાંત દૂધનો પાઉડર, ખાંડ અને મીઠાનો પણ સંગ્રહ કરવાની સલાહ આપવામાં આવી છે. આ ઉપરાંત એંકરે કહ્યું છે કે, મીઠાઈ તમારે થોડા સમય પુરતી છોડી જ દેવી પડશે. કેમકે ચોકલેટ મીઠાઈ ખાધા પછી પાણી પીવાની વધારે ઈચ્છા થાય છે ્ને બંકરોમાં રહેતા લોકો માટે પાણી ખૂબ મહત્વનું માનવામાં આવે છે. તેથી તેનો બગાડ ખૂબ ઓછો થવો જોઈએ.

    આગળની સ્લાઈડમાં જુઓ અન્ય સંબંધિત તસવીરો

  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    +4બીજી સ્લાઈડ્સ જુઓ
    સંયુક્ત રાષ્ટ્રના મહાસચિવ એંટોનિયો ગુટેરેસે કહ્યું કે, બદલાની ભાવનામાં શીત યુદ્ધ પરત આવી ગયું
  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    +3બીજી સ્લાઈડ્સ જુઓ
    સીરિયાના તાનાશાહ અલ અસદે દેશ છોડી દીધો છે
  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    +2બીજી સ્લાઈડ્સ જુઓ
    આજે અમેરિકાએ સીરિયા પર કર્યો હવાઈ હુમલો, ફ્રાન્સ-બ્રિટને આપ્યો સાથ
  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    +1બીજી સ્લાઈડ્સ જુઓ
    અમેરિકાએ હવાઈ હુમલાની આપી હતી ચેતવણી
  • રશિયાએ શરૂ કરી ત્રીજા વિશ્વ યુદ્ધની તૈયારીઓ| Russia preparing for World War 3
    રશિયાએ ત્રીજા વિશ્વ યુદ્ધની શરૂ કરી તૈયારીઓ
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending