Home » International News » Latest News » International » more than 3,000 members of the community converged outside Chatsworth police station

સા.આફ્રિકાઃ ભારતીય મૂળની બાળકીનું અપહરણ બાદ મોત, 3000 લોકોનું પ્રદર્શન

Divyabhaskar.com | Updated - May 29, 2018, 03:36 PM

આરોપીઓએ પીછો થતો અટકાવવા માટે ગોળીઓ ચલાવી, જવાબમાં સામે તરફથી પણ ફાયરિંગ કરવામાં આવ્યું

  • more than 3,000 members of the community converged outside Chatsworth police station
    +1બીજી સ્લાઈડ્સ જુઓ
    આરોપીઓએ પીછો થતો અટકાવવા માટે ગોળીઓ ચલાવી, જવાબમાં સામે તરફથી પણ ફાયરિંગ કરવામાં આવ્યું

    ઇન્ટરનેશનલ ડેસ્કઃ સાઉથ આફ્રિકાના ડરબનમાં ભારતીય મૂળની એક નવ વર્ષીય બાળકીનું અપહરણ કર્યા બાદ તેની હત્યા કરી દેવામાં આવી છે. આ ઘટના એવા સમયે થઇ જ્યારે બાળકી સાદિયા સુખરેજા પિતાની સાથે કારમાં સ્કૂલે જઇ રહી હતી. તે સમયે બંદૂકધારી 3 લોકોએ તેમની કાર અટકાવી અને પિતાને બહાર કાઢી મુક્યા. અપહરણકારો ત્યારબાદ બાળકી સહિત કાર લઇને ભાગ્યા હતા. પિતાએ સ્થાનિક લોકોની મદદથી આરોપીઓનો પીછો કર્યો. આરોપીઓએ પીછો થતો અટકાવવા માટે ગોળીઓ ચલાવી, જવાબમાં સામે તરફથી પણ ફાયરિંગ કરવામાં આવ્યું. આ દરમિયાન સંદિગ્ધોની કાર એક પાર્કની પાસે દુર્ઘટનાગ્રસ્ત થઇ ગઇ. આ કાર્યવાહીએ એક આરોપીનું મોત થયું, જ્યારે બીજો આરોપી ભાગવામાં સફળ રહ્યો. વળી, બાળકી કારમાં ઘાયલ મળી, તેને ગોળી વાગી હતી. બાળકીને તાત્કાલિક હોસ્પિટલમાં લઇ જવામાં આવી, જ્યાં સારવાર દરમિયાન તેનું મોત નિપજ્યું. પોલીસે ત્રીજાં અપહરણકર્તાની ધરપકડ કરી લીધી છે. મંગળવારે થયેલી આ ઘટનાના વિરોધમાં 3,000 લોકોને ડરબનના ચેટ્સવર્થ પોલીસ સ્ટેશનની સામે પ્રદર્શન કર્યુ છે.

    3 હજાર લોકોએ કર્યુ વિરોધ પ્રદર્શન


    - ઘટનાના વિરોધમાં ભારતીય મૂળના 3,000થી વધુ લોકોએ ચેટ્સવર્થ પોલીસ સ્ટેશનને ઘેરી લીધું હતું. દેખાવકારોએ જ્યારે પોલીસ સ્ટેશનને ઘેર્યુ તે સમયે ત્યાં વધુ સુરક્ષાકર્મીઓ નહતા. તેથી ભીડે પોલીસ સ્ટેશનની પાસે હોબાળો કર્યો. ટાયર સળગાવ્યા અને તોડફોડ પણ કરી.
    - દેખાવકારોની માંગ હતી કે જ્યાં સુધી પોલીસ ત્રીજાં આરોપીની ધરપકડ નથી કરી લેતી ત્યાં સુધી તેઓ પોલીસ સ્ટેશન સામેથી નહીં હટે.
    - બાદમાં ભીડને વિખેરવા માટે પોલીસે રબરની ગોળીઓ ચલાવી અને ટીયર ગેસ સેલ પણ છોડ્યાં હતા.


    સ્કૂલના બાળકોને નિશાન બનાવી રહ્યા છે અપરાધીઓ


    - સ્થાનિક ક્રાઇમ ફોરમના અધ્યક્ષ મહેન્દ્ર લિલ્લકને કહ્યું કે, આ વિસ્તારમાં ક્રાઇમ ઘણો વધી ગયો છે. અપરાધીઓ હવે સ્કૂલના બાળકોને નિશાન બનાવી રહ્યા છે.
    - સાદિયાના શબના અંતિમ સંસ્કાર આવતીકાલે બુધવારે થશે. પોલીસને આશંકા છે કે, આ દરમિયાન પણ વિરોધ પ્રદર્શન થઇ શકે છે. જેને ધ્યાનમાં રાખીને સમુદાયના નેતાઓને શાંતિ જાળવી રાખવાની અપીલ કરવામાં આવી છે.

  • more than 3,000 members of the community converged outside Chatsworth police station
    ઘટનાના વિરોધમાં ભારતીય મૂળના 3,000થી વધુ લોકોએ ચેટ્સવર્થ પોલીસ સ્ટેશનને ઘેરી લીધું હતું.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending