Home » International News » Latest News » International » Germany halted all long-distance rail traffic for at least a day

યુરોપઃ 203 કિમી/કલાકની ઝડપે પવન, વાવાઝોડાંમાં વાહનો ઉડ્યા, 9નાં મોત

Divyabhaskar.com | Updated - Jan 19, 2018, 06:02 PM

વાવાઝોડાંના કારણે ઇસ્ટ સ્ટેટના થુરિન્જિયામાં એક સ્કૂલની છત સુદ્ધાં ઉડી ગઇ હતી, બાળકો હજુ પણ બિલ્ડિંગમાં ફસાયેલા છે.

  • Germany halted all long-distance rail traffic for at least a day
    +2બીજી સ્લાઈડ્સ જુઓ
    બે ટ્રક ચાલકોના સડક દુર્ઘટનામાં મોત થયા છે

    ઇન્ટરનેશનલ ડેસ્કઃ ઉત્તર યુરોપમાં આવેલા ભીષણ વાવાઝોડાંના કારણે બે ફાયરફાઇટર્સ સહિત 9 લોકોનાં મોત થયા છે. ફ્રિડરિક નામના આ વાવાઝોડાંના કારણે ઇસ્ટ સ્ટેટના થુરિન્જિયામાં એક સ્કૂલની છત સુદ્ધાં ઉડી ગઇ હતી. આ દરમિયાન બાળકો સ્કૂલમાં ભણી રહ્યા હતા અને તેઓ હજુ પણ બિલ્ડિંગમાં ફસાયેલા છે. વાવાઝોડાં અને બરફવર્ષાના કારણે ટ્રેન અને હવાઇ માર્ગ વ્યવહાર ઠપ્પ થઇ ગયો છે. જર્મનીએ લાંબા અંતરની તમામ રેલ સેવાઓને એક દિવસ માટે અટકાવી દીધી છે. ઉપરાંત દેશમાં આવેલા આ તોફાનના કારણે અનેક ડોમેસ્ટિક ફ્લાઇટ્સ કેન્સલ કરવામાં આવી છે. વાવાઝોડાંમાં મૃતકોમાં ઇમરજન્સી ઓપરેશન માટે ગોઠવાયેલા બે ફાયરકર્મીઓ પણ સામેલ છે. જ્યારે બે ટ્રક ચાલકોના સડક દુર્ઘટનામાં મોત થયા છે, જેઓના વાહન વાવાઝોડાં અને પવનના કારણે ઉડી ગયા હતા.


    203 કિમી/કલાકની ઝડપે પવન અને બરફવર્ષા


    - ફ્રેડરિક નામના આ વાવાઝોડાંએ એક સ્કૂલને પણ નુકસાન થયું છે. વાવાઝોડાંના કારણે સ્કૂલની છત ઉડી ગઇ હતી. આ દરમિયાન સ્કૂલમાં બાળકો હાજર હતા.
    - જો કે, અધિકારીઓના જણાવ્યા અનુસાર, તેમાં કોઇ જાનહાનિનો બનાવ બન્યો નથી.
    - જર્મન પોલીસના જણાવ્યા અનુસાર દેશના ઉત્તર શહેર બ્રોકેનમાં વાવાઝોડાંના કારણે 203 કિમી/કલાકની ઝડપે પવન ફૂંકાઇ રહ્યો છે. જર્મનીના હવામાન વિભાગ અનુસાર, 2007 બાદ આ સૌથી ઘાતક વાવાઝોડું છે.
    - બેવેરિયન આલ્પ્સમાં સ્કી વર્લ્ડ ચેમ્પિયનશિપ કેન્સલ કરી દેવામાં આવી છે.
    - જે પેસેન્જર્સ રેલવે સ્ટેશન પર અટવાઇ ગયા છે, તેઓને હોટેલ રૂમના વાઉચર આપવામાં આવ્યા છે. જેથી તેઓ સુરક્ષિત સ્થળે જઇ શકે.

    વધુ તસવીરો જોવા આગળની સ્લાઇડ્સ ક્લિક કરો

  • Germany halted all long-distance rail traffic for at least a day
    +1બીજી સ્લાઈડ્સ જુઓ
    જર્મનીએ લાંબા અંતરની તમામ રેલ સેવાઓને એક દિવસ માટે અટકાવી દીધી છે
  • Germany halted all long-distance rail traffic for at least a day
    વાવાઝોડાંમાં મૃતકોમાં ઇમરજન્સી ઓપરેશન માટે ગોઠવાયેલા બે ફાયરકર્મીઓ પણ સામેલ છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending

વીડિયો વધુ જુઓ