FB: હવે એન્ડ્રોઇડથી ફોન નંબર-મેસેજ મેળવવાનો આરોપ, ઝૂકરબર્ગે ફરી માફી માંગી

Ars Technicaએ ડેટાને ચેક કરતાં, તેમાં અનેક લોકોનાં નામ, ટેલિફોન નંબર, કોલ ડિટેલ્સ અને ટેક્સટ મેસેજીસ મળ્યા.

divyabhaskar.com | Updated - Mar 26, 2018, 12:35 PM
થોડાં દિવસ પહેલાં ફેસબુક સીઇઓ માર્ક ઝૂકરબર્ગે પણ ડેટા લીકને લઇને માફી માંગી હતી (ફાઇલ)
થોડાં દિવસ પહેલાં ફેસબુક સીઇઓ માર્ક ઝૂકરબર્ગે પણ ડેટા લીકને લઇને માફી માંગી હતી (ફાઇલ)

ઇન્ટરનેશનલ ડેસ્કઃ ફેસબુકે અમેરિકા અને બ્રિટિશ ન્યૂઝપેપર્સમાં જાહેરાત આપી છે. તેમાં કેમ્બ્રિજ એનાલિટિકા ફર્મ દ્વારા ડેટા લીક મામલે માફી માંગવામાં આવી છે. હવે ફેસબુક પર એન્ડ્રોઇડ ડિવાઇસથી ફોન નંબર અને મેસેજ મેળવવાના નવા આરોપ લગાવ્યા છે. ડેટા લીક મામલે થોડાં દિવસો પહેલાં જ માર્ક ઝૂકરબર્ગે પોતાની ભૂલનો સ્વીકાર કર્યો હતો.


એક વેબસાઇટે કર્યો ખુલાસો


- એક વેસબાઇટ Ars Technicaએ જણાવ્યું કે, કેટલાંક યૂઝર્સે ફેસબુક દ્વારા ચોરી કરાયેલા ડેટાને ચેક કર્યો. તેમાં અનેક લોકોનાં નામ, ટેલિફોન નંબર, કોલ ડિટેલ્સ અને ટેક્સટ મેસેજીસ મળ્યા.
- આ અંગે ફેસબુકે કહ્યું કે, આ જાણકારી એક સુરક્ષિત સર્વરમાં અપલોડ કરવામાં આવે છે. આ એવા એન્ડ્રોઇડ યુઝર્સની મદદથી ફીડ થાય છે, જેઓ તેની મંજૂરી આપે છે.
- ફેસબુકના સ્પોક્સવુમને કહ્યું કે, ડેટા કોઇ પણ યુઝર્સના મિત્ર અથવા બહારના વ્યક્તિને વેચવામાં કે શૅર કરવામાં નથી આવ્યા.
- ફેસબુકની માફક એમ પણ કહેવામાં આવ્યું છે કે, અમારી સોશિયલ મીડિયા સાઇટ જાણકારીનો ઉપયોગ મેસેન્જર્સમાં પોતાના સંપર્કોને રેન્ક કરવા માટે કરે છે. આનાથી તેઓના વિશે જાણકારી મેળવવી સરળ બની જાય છે.


યૂઝર્સની પાસે ડેટા કલેક્ટ કરવાનો વિકલ્પ


- યૂઝર્સની પાસે વિકલ્પ રહેશે કે, તેઓ જ્યારે ફેસબુક મેસેન્જર્સ અથવા ફેસબુક લાઇટ પર સાઇન ઇન કરે તો ડેટા કલેક્શનને મંજૂરી આપે કે નહીં. ફેસબુકે પોતાની પોસ્ટમાં કહ્યું કે, જો તમે આ ઓપ્શનને ઓન કરો છો, તો અમે સતત જાણકારી લેતા રહીશું. આ ઓપ્શનને તમે જેવી રીતે ઓન કરો છો, તેવી જ રીતે ઓફ પણ કરી શકો છો.
- તેનો ઓપ્શન ફેસબુક સેટિંગ્સમાં આપવામાં આવ્યો છે. ફેસબુક એપ પર જૂના કોલ લોગ અને ટેક્સટ હિસ્ટ્રી પણ મોજૂર રહી છે. જો તમે આ ઓપ્શનને ઓફ એટલે કે, બંધ કરી દો છો તો તેમાં રહેલી જાણકારી આપમેળે ડિલીટ થઇ જશે.
- ઉલ્લેખનીય છે કે, સૌથી પહેલાં ફેસબુક મેસેન્જર્સ પર આ ફિચર 2015માં એડ કરવામાં આવ્યું હતું. જો કે, ફેસબુક લાઇટ પર તેને બાદમાં એડ કરવામાં આવ્યું. કેટલાંક લોકોએ ગૂગલના ઓફિસરો પાસેથી આ સિક્યોરિટી ફિચર વિશે વધુ જાણકારી માંગી છે અને આ માટેના મેસેજીસ મોકલાવ્યો છે. તેઓએ જ એન્ડ્રોઇડ ઓપરેટિંગ સિસ્ટમ બનાવી છે.


એડમાં શું લખ્યું છે?


- જો અમે યૂઝર્સની પ્રાઇવેટ ઇન્ફોર્મેશન સુરક્ષિત નથી રાખી શકતા, તો અમને સોશિયલ મીડિયા પ્લેટફોર્મ આપવાનો કોઇ હક નથી.
- કેમ્બ્રિજ યુનિવર્સિટીના રિસર્ચરે એક ક્વિઝ એપ બનાવી હતી. તેણે જ 4 વર્ષ પહેલાં ફેસબુકના લાખો યૂઝર્સના ડેટા લીક કર્યા. આ ભરોસાને તોડવા જેવું છે. આવું ફરીથી ના બને તે માટે અમે કડક પગલાં ઉઠાવીશું.


ફેસબુકના શેર્સમાં 10 ટકાનો ઘટાડો


- 5 કરોડ યૂઝર્સના ડેટા લીક થવાના સમાચાર બાદ યૂઝર્સનો ફેસબુક પ્રત્યે મોહ ઘટી રહ્યો છે. 10 કરોડ યૂઝર્સ ફેસબુક છોડવા માટે તૈયાર છે.
- આ સિવાય છેલ્લાં 5 દિવસમાં ફેસબુકના શેર્સમાં 10 ટકાનો ઘટાડો થયો છે. જેના કારણે કંપનીને અંદાજિત 4 લાખ કરોડ રૂપિયાનું નુકસાન થયું છે.
- જો કે, ફેસબુકના સીઇઓ માર્ક ઝૂકરબર્ગે જણાવ્યું કે, આ જે પણ આંકડાઓ દર્શાવવામાં આવ્યા છે, તે ખોટાં છે, આ આંકડાઓનો કોઇ અર્થ નથી.
- ફેસબુકના વિશ્વભરમાં અંદાજિત 210 કરોડ યૂઝર્સ છે.

આગળની સ્લાઇડમાં જાણો, ફેસબુક પર અનેક કંપનીઓએ જાહેરાત અટકાવી...

એક વેસબાઇટ Ars Technicaએ જણાવ્યું કે, કેટલાંક યૂઝર્સે ફેસબુક દ્વારા ચોરી કરાયેલા ડેટાને ચેક કર્યો. (ફાઇલ)
એક વેસબાઇટ Ars Technicaએ જણાવ્યું કે, કેટલાંક યૂઝર્સે ફેસબુક દ્વારા ચોરી કરાયેલા ડેટાને ચેક કર્યો. (ફાઇલ)

ફેસબુક પર અનેક કંપનીઓએ જાહેરાત અટકાવી


- કેમ્બ્રિજ એનાલિટિકા વિવાદ સામે આવ્યા બાદ ફેસબુકને મળતી એડવર્ટાઇઝમેન્ટ ઉપર પણ અસર પડી છે. 
- જર્મન કંપની કોમર્જબેંક અને ઇલેક્ટ્રોનિક પ્રોડક્ટ બનાવતી કંપની સોનોસે ફેસબુકને જાહેરાત આપવાનું હાલ અટકાવ્યું છે. 
- ડેટા એન્ડ નેટવર્ક એનાલિસિસ કરતી કંપની નેટવર્ક ઇન્ટેલિજન્સના ગ્લોબલ બિઝનેસ હેડ અલ્તાફ હાલ્દેકાનું કહેવું છે કે, યૂઝર્સને કોઇ પણ એડ ઉપયોગ કરતા પહેલાં તેની વિશ્વસનીયતા સુનિશ્ચિત કરી લેવી જોઇએ. આ ડેટા ચોરી માટેની સારી રીત છે. 

X
થોડાં દિવસ પહેલાં ફેસબુક સીઇઓ માર્ક ઝૂકરબર્ગે પણ ડેટા લીકને લઇને માફી માંગી હતી (ફાઇલ)થોડાં દિવસ પહેલાં ફેસબુક સીઇઓ માર્ક ઝૂકરબર્ગે પણ ડેટા લીકને લઇને માફી માંગી હતી (ફાઇલ)
એક વેસબાઇટ Ars Technicaએ જણાવ્યું કે, કેટલાંક યૂઝર્સે ફેસબુક દ્વારા ચોરી કરાયેલા ડેટાને ચેક કર્યો. (ફાઇલ)એક વેસબાઇટ Ars Technicaએ જણાવ્યું કે, કેટલાંક યૂઝર્સે ફેસબુક દ્વારા ચોરી કરાયેલા ડેટાને ચેક કર્યો. (ફાઇલ)
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App