UK: ગુજરાતીઓની વધુ વસ્તીવાળા લીસેસ્ટરની એક બિલ્ડિંગમાં બ્લાસ્ટ, 4ના મોત

4 વર્ષ પહેલા
  • કૉપી લિંક

લંડન: લંડનથી 143 કિલોમીટર દૂર આવેલા ગુજરાતીઓની વધુ વસતીવાળા લેસ્ટર શહેરના હિંકલે  રોડ વિસ્તારની એક ઇમારત રવિવારે સાંજે પ્રચંડ વિસ્ફોટને કારણે ધરાશાયી થતા 5 લોકો માર્યા ગયા છે. વિસ્ફોટને કારણે ફાટી નીકળેલી આગમાં દુકાન અને તેની ઉપરની ઇમારતનો નાશ થયો હોવાનું પોલીસે જણાવ્યું છે. જોકે, બ્રિટિશ પોલીસે કોઇ પણ આતંકી ગતિવિધિ હોવાનો ઇનકાર કર્યો છે. ફાયર અને રેસ્ક્યુ સર્વિસની મહિલા પ્રવક્તાએ જણાવ્યું કે ઇમારતના કાટમાળ નીચે કોઇ ફસાયું હોવાનું હજી સ્પષ્ટ થયું નથી.


પોલીસે એક નિવેદનમાં જણાવ્યું છે કે પોલીસ લેસ્ટરશાયર ફાયરબ્રિગેડ અને બચાવ વિભાગની સંયુક્ત ટીમ વિસ્ફોટના કારણોની તપાસ કરશે. મીડિયા અને જનતાને આ ઘટનાની પરિસ્થિતિઓ વિશે અટકળો નહીં કરવાની અપીલ કરવામાં આવી છે. ઘટનાસ્થળે ફાયર બ્રિગેડ વિભાગના છ વાહનો મોકલવામાં આવ્યાં હતાં અને સાથે બચાવ કામગીરી હાથ ધરવામાં આવી હતી.


ઇમરજન્સી સર્વિસે આ વિસ્તારના આશરે 60 ઘરોને ઘેરી લીધાં હતાં. વિસ્તારમાં સ્ટોર, કબાબ રેસ્ટોરન્ટ અને કરિયાણાની દુકાન સહિત નાની દુકાનો અને એપાર્ટમેન્ટ આવેલા છે. નજરે જોનારાઓએ જણાવ્યું કે પ્રચંડ વિસ્ફોટ અને આગને કારણે વિસ્તારમાં ધુમાડા ફેલાઇ ગયા હતા. એક પાડોશી મહિલાએ જણાવ્યું કે તેમણે ભૂકંપ જેવો પ્રચંડ અવાજ સાંભળ્યો હતો.

 

આગળની સ્લાઇડ્સમાં જુઓ, આ ઘટનાની વધુ તસવીરો... 

અન્ય સમાચારો પણ છે...