1

Divya Bhaskar

Home » International News » Latest News » International » clash between Israel army and Pelestians at Gaza Border on land day 16 killed

ઇઝરાયેલ સેના-પેલેસ્ટિયન્સ વચ્ચે ગાઝા બોર્ડરે અથડામણ, 16ના મોત

Divyabhaskar.com | Last Modified - Mar 31, 2018, 11:23 AM IST

ઘટના સામે આવ્યા બાદ યુએન સિક્યોરિટી કાઉન્સિલે ઇઝરાયેલને સંયમ જાળવવાની અપીલ કરી છે

  • clash between Israel army and Pelestians at Gaza Border on land day 16 killed
    +3બીજી સ્લાઈડ્સ જુઓ
    ગાઝા-ઇઝરાયેલ બોર્ડર પર શુક્રવારે લેન્ડ ડે ઊજવી રહ્યા હતા પેલેસ્ટિયન નાગરિકો.

    જેરુસલેમ: ગાઝા-ઇઝરાયેલ બોર્ડર પર શુક્રવારે હજારો પેલેસ્ટાઇન નાગરિકોએ દેખાવો કર્યા. ગ્રેટ માર્ચ ઑફ રિટર્ન તરીકે ઓળખાતા 6 અઠવાડિયાના વિરોધ પ્રદર્શનના પહેલા દિવસે ઇઝરાયેલની સેના સાથેની લડાઇમાં આશરે 16 પેલેસ્ટિયન નાગરિકોના મોત થઇ ગયા. તે સાથે જ લગભગ 1500થી વધુ લોકો ઘાયલ થયા હોવાનું જણાવવામાં આવી રહ્યું છે. ઘટના સામે આવ્યા બાદ યુએન સિક્યોરિટી કાઉન્સિલે ઇઝરાયેલને સંયમ જાળવવાની અપીલ કરી છે.

    ત્રણ પોઇન્ટ્સમાં જાણો આખો મામલો?

    1. બોર્ડર પર શું થયું?

    - ઇઝરાયેલ ડિફેન્સ ફોર્સ (આઇડીએફ)ના જણાવ્યા પ્રમાણે, 'લેન્ડ ડે'ના દિવસે આશરે 17 હજાર પેલેસ્ટિયન નાગરિકો બોર્ડ પાસે આવેલા પાંચ સ્થળોએ ભેગા થયા હતા. મોટાભાગના લોકો પોતાના કેમ્પ્સમાં જ હતા, જોકે કેટલાક યુવાનો ઇઝરાયેલી સેનાની ચેતવણી છતાં સરહદ પર જ હોબાળો કરવા લાગ્યા. તેમણે બોર્ડર પર પેટ્રોલ બોમ્બ અને પથ્થરોથી હુમલો કર્યો. ત્યારબાદ આઇડીએફએ ભીડને હટાવવા માટે ફાયરિંગ કરી દીધું.

    - ઇઝરાયેલના ન્યુઝપેપર જેરૂસલેમ પોસ્ટ પ્રમાણે, સેનાના ગોળીબારમાં માર્યા ગયેલા લોકો સરહદ પર આવેલા વાડાને ઓળંગવાની કોશિશ કરી રહ્યા હતા. પેલેસ્ટિયન લોકોની ભીડને જોતા ઇઝરાયેલે ટેન્ક્સ અને સ્નાઇપર્સનો પણ સહારો લીધો. પ્રત્યક્ષદર્શીઓના જણાવ્યા પ્રમાણે, તેમણે ટિયર ગેસ છોડવા માટે ડ્રોનનો ઉપયોગ થતો પણ જોયો.

    2. ગોળીબાર પર ઇઝરાયેલનો પક્ષ?

    - ઇઝરાયેલની સેના સુરક્ષાની દ્રષ્ટિએ ગાઝા બોર્ડર પર નો-ગો ઝોનની રખેવાળી કરે છે. સેનાને પેલેસ્ટાઇનના 'લેન્ડ ડે'માં હજારો નાગરિકોના ભેગા થવાની આશંકા હતી. એટલા માટે અહીંયા સેના વધારવામાં આવી હતી, જેથી પેલેસ્ટિયન્સ તરફથી બોર્ડર પાર કરવા જેવી ઘટનાઓને અટકાવી શકાય.

    - ઇઝરાયેલના વિદેશ મંત્રાલયે આ ઘટનાને ઇઝરાયેલ સાથે જાણીજોઇને ટક્કર વધારવાનો પ્રયાસ જણાવ્યો. સાથે જ આ માટે પેલેસ્ટાઇનના સંગઠન હમાસને જવાબદાર ગણાવ્યું.

    3. કેમ થઇ રહ્યો છે ટકરાવ?

    - ઇઝરાયેલ-ગાઝા બોર્ડર પર વિરોધ પ્રદર્શન માટે પેલેસ્ટાઇન તરફથી 5 કેમ્પ્સ લગાવવામાં આવ્યા છે. તેને 'ગ્રેટ માર્ચ ઑફ રિટર્ન' નામ આપવામાં આવ્યું છે.

    - વિરોધ પ્રદર્શન 30 માર્ચથી શરૂ થયા છે. આ દિવસે પેલેસ્ટાઇન લેન્ડ ડે ઊજવે છે. કહેવામાં આવે છે કે આ દિવસે 1976માં પેલેસ્ટાઇન પર ઇઝરેયેલના કબ્જા વિરુદ્ધ પ્રદર્શન કરનારા 6 નાગરિકોને ઇઝરાયેલની સેનાએ મારી નાખ્યા હતા.
    - આ વિરોધ પ્રદર્શન 15 મેની આસપાસ ખતમ થશે. આ દિવસને પેલેસ્ટાઇનમાં નકબા (કયામત)ના દિવસ તરીકે ઊજવવામાં આવે છે. 1948માં આ જ દિવસે ઇઝરાયેલ બન્યું હતું, જેના કારણે હજારો પેલેસ્ટિયન્સને પોતાના ઘર છોડવા પડ્યા હતા.

    વધુ તસવીરો જોવા આગળની સ્લાઇડ્સ ક્લિક કરો

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • clash between Israel army and Pelestians at Gaza Border on land day 16 killed
    +2બીજી સ્લાઈડ્સ જુઓ
    ઇઝરાયેલની સેનાએ પ્રદર્શન કરનારાઓ પર ટિયર ગેસના સેલ પણ છોડ્યા હતા.
  • clash between Israel army and Pelestians at Gaza Border on land day 16 killed
    +1બીજી સ્લાઈડ્સ જુઓ
    'લેન્ડ ડે'ના દિવસે આશરે 17 હજાર પેલેસ્ટિયન નાગરિકો બોર્ડ પાસે આવેલા પાંચ સ્થળોએ ભેગા થયા હતા.
  • clash between Israel army and Pelestians at Gaza Border on land day 16 killed
    સેનાના ગોળીબારમાં માર્યા ગયેલા લોકો સરહદ પર આવેલા વાડાને ઓળંગવાની કોશિશ કરી રહ્યા હતા.

More From International News

Trending