Divya Bhaskar

Home » International News » Latest News » International » The far-right candidate is undergoing life-saving surgery after being stabbed

બ્રાઝિલ: પ્રેસિડન્ટ પદના ઉમેદવારની ચૂંટણી રેલી દરમિયાન હત્યાનો પ્રયાસ, આરોપીની ધરપકડ

Divyabhaskar.com | Updated - Sep 07, 2018, 02:49 PM

ઘટનાના ફૂટેજમાં ઉમેદવાર બોલ્સોનારોને ટોળાંએ ઉંચક્યા અને અચાનક જ તેઓ ચીસો પાડતા જોવા મળે છે

  • ઇન્ટરનેશનલ ડેસ્કઃ બ્રાઝિલના પ્રેસિડન્ટ પદના ઉમેદવાર જેર બોલ્સાનારો પર ગુરૂવારે એક કેમ્પેઇન રેલી દરમિયાન જીવલેણ હુમલો કરવામાં આવ્યો છે. જ્યૂઝ ડે ફોરા શહેરમાં રેલી દરમિયાન જેરને ટોળાંએ ઉંચકી લીધા હતા. આ દરમિયાન જ કોઇએ તેઓના પેટના નીચેના ભાગે ચાકૂથી જીવલેણ ઘા કર્યો હતો. બ્રાઝિલના ફાર-રાઇટ ઉમેદવારની આ ઘટના બાદ સર્જરી કરવામાં આવી હતી અને તેઓની હાલત હજુ પણ ગંભીર છે. આગામી મહિને યોજાનારી ચૂંટણીમાં પ્રચાર કરી રહેલા આ ઉમેદવારના લિવરને ગંભીર નુકસાન થયું છે.


    હોસ્પિટલમાં લગભગ મૃત હાલતમાં પહોંચ્યા


    - જેરના પુત્ર ફ્લાવિઓ બોલ્સોનારોએ આ ઘટનાની પુષ્ટિ કરી હતી. તેણે કહ્યું કે, તેના પિતાની હાલત અત્યંત ગંભીર છે. કારણ કે, આ જીવલેણ ઘાથી તેઓના લિવર, ફેફસાં અને આંતરડાંમાં ઇજા થઇ છે.
    - ફ્લાવિઓએ કહ્યું કે, જ્યારે તેઓને હોસ્પિટલમાં લાવવામાં આવ્યા તે દરમિયાન ઘણું લોહી વહી ગયું હતું. તેઓ લગભગ મૃત હાલતમાં હતા. હાલ ડોક્ટરો સારવાર કરી રહ્યા છે. તેઓની માટે પ્રાર્થના કરો.


    પોલીસે આરોપીની ધરપકડ કરી


    - મિલિટરી પોલીસે આરોપીની ધરપકડ કરી લીધી છે. આરોપીની ઓળખ એડલિઓ બિસ્પો ડી ઓલિવેરા તરીકે થઇ છે. એડલિયોએ જેર પર હુમલો કરી નાસવાની કોશિશ કરી હતી. પરંતુ ટોળાંએ તેને પકડીને માર માર્યો હતો.
    - આ ઘટનાના ફૂટેજમાં ઉમેદવાર બોલ્સોનારોને ટોળાંએ ઉંચક્યા અને અચાનક જ તેઓ ચીસો પાડતા જોવા મળે છે. વીડિયોમાં હુમલાખોરના હાથમાં મોટું ચાકૂ પણ જોવા મળે છે.
    - બ્રાઝિલના ઓ ગ્લોબો ન્યૂઝપેપરના જણાવ્યા અનુસાર, પોલિટિશિયન ઉમેદવારો સામાન્ય રીતે બૂલેટ પ્રૂફ વેસ્ટ પહેરતા હોય છે, પરંતુ આ રેલી દરમિયાન જેર કોઇ પણ જાતના પ્રોટેક્શન વગર હતા.
    - બોલ્સોનારો એક્સ પ્રેસિડન્ટ લુઇઝ નાસિઓ લુલા દા સિલ્વાથી પોલમાં બીજાં નંબરે હતા.

    આગળની સ્લાઇડ્સમાં જુઓ, આ ઘટનાની વધુ તસવીરો...

  • The far-right candidate is undergoing life-saving surgery after being stabbed
    +3બીજી સ્લાઈડ્સ જુઓ
    જેર બોલ્સાનારો પર ગુરૂવારે એક કેમ્પેઇન રેલી દરમિયાન જીવલેણ હુમલો કરવામાં આવ્યો
  • The far-right candidate is undergoing life-saving surgery after being stabbed
    +2બીજી સ્લાઈડ્સ જુઓ
    બ્રાઝિલના ફાર-રાઇટ ઉમેદવારની આ ઘટના બાદ સર્જરી કરવામાં આવી હતી અને તેઓની હાલત હજુ પણ ગંભીર છે.
  • The far-right candidate is undergoing life-saving surgery after being stabbed
    +1બીજી સ્લાઈડ્સ જુઓ
    આરોપીની ઓળખ એડલિઓ બિસ્પો ડી ઓલિવેરા તરીકે થઇ છે.
  • The far-right candidate is undergoing life-saving surgery after being stabbed
    એડલિયોએ જેર પર હુમલો કરી નાસવાની કોશિશ કરી હતી. પરંતુ ટોળાંએ તેને પકડીને માર માર્યો હતો.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending