Home » International News » Latest News » International » 13 years will be completed to online video website YouTube

YouTubeને 13 વર્ષ પૂરાં, લોકો અહીં વીતાવે છે એવરેજ એક અબજ કલાક

Divyabhaskar.com | Updated - Feb 11, 2018, 11:02 AM

માત્ર સ્માર્ટફોન યુઝર્સ જ દરરોજનો એવરેજ 1 કલાકથી વધુ સમય યુટ્યૂબ પર વીતાવે છે

  • 13 years will be completed to online video website YouTube
    +1બીજી સ્લાઈડ્સ જુઓ
    ઇંગ્લેન્ડના ડેનિયલ રોબર્ટે 2017માં યુટ્યૂબ પર પોતાના વીડિયોથી 1.65 કરોડ ડોલરની કમાણી કરી. (પ્રતીકાત્મક તસવીર)

    વોશિંગ્ટન: YouTube 14 ફેબ્રુઆરીના રોજ 13 વર્ષ પૂરાં કરવા જઇ રહ્યું છે. ચૈડ હર્લે, સ્ટીવ ચેન અને જાવેદ કરીમ જ્યારે પોતાના આ કોન્સેપ્ટ પર કામ કરી રહ્યા હતા ત્યારે તેઓ પહેલા તેને એક વીડિયો ડેટિંગ સાઇટ બનાવવા માંગતા હતા. કદાચ ત્યારે એમણે એવું નહીં વિચાર્યું હોય કે આ આટલું બધું પોપ્યુલર થઇ જશે. આજે આ વીડિયો શેરિંગ વેબસાઇટ પર યુઝર્સ એવરેજ એક અબજ કલાકથી વધુ સમય વીતાવી રહ્યા છે.

    મોબાઇલ યુઝર્સ એવરેજ 1 કલાકનો સમય વીતાવે છે

    - માત્ર સ્માર્ટફોન યુઝર્સ જ દરરોજનો એવરેજ 1 કલાકથી વધુ સમય યુટ્યૂબ પર વીતાવે છે.

    - વર્ષ 2016ના અંતમાં દુનિયાભરમાં લોકો 46,000 વર્ષોના સમયની બરાબરના સમય જેટલું વાર્ષિક યુટ્યૂબ જોઇ રહ્યા હતા.
    - 88 દેશો અને 76 ભાષાઓમાં લોકો યુટ્યૂબ ચલાવી રહ્યા છે. દુનિયાભરમાં દર પાંચ લોકોમાંથી એક યુટ્યૂબ જોઇ રહ્યું છે.
    - 1.5 અબજ લોકો દર મહિને બકાયદા યુટ્યૂબ પર લોગ-ઇન કરીને વીડિયો જુએ છે. દુનિયામાં આટલા ઘરોમાં તો ટીવી પણ નથી.

    પહેલો વીડિયો 4 કરોડ લોકોએ જોયો હતો

    - યુટ્યૂબ પર પહેલો વીડિયો 23 એપ્રિલ, 2005ના રોજ અપલોડ કરવામાં આવ્યો હતો.

    - 'મી એટ ધ ઝૂ' નામથી આ વીડિયો અત્યાર સુધીમાં 4 કરોડ 25 લાખથી વધુ લોકોએ જોયો છે.
    - આ હાથી સાથે શૂટ કરવામાં આવ્યો છે. તેમાં યુટ્યૂબના કો-ફાઉન્ડર જાવેદ કરીમ જોવા મળી રહ્યા છે.

    આ છે યુટ્યૂબના મોટા સ્ટાર

    - સ્વીડનના વેબ-બેઝ્ડ કોમેડિયન પ્યૂડાઇપાઇ અત્યારે ફક્ત 28 વર્ષના છે, પરંતુ તેમની ચેનલના અત્યારે 6 કરોડથી વધુ સબસ્ક્રાઇબર છે.

    - 6 કરોડ 53 લાખ 847 સબસ્ક્રાઇબર્સ સાથે તેઓ યુટ્યૂબ પર ટોપ પર છે.

    આગળની સ્લાઇડમાં વાંચો ઇંગ્લેન્ડના એક વ્યક્તિએ એક વીડિયોથી કરી 1.65 કરોડ ડોલરની કમાણી

  • 13 years will be completed to online video website YouTube
    યુટ્યૂબ પર એવરેજ એક કલાકથી વધુ સમય યુઝર્સ દરરોજ ફક્ત મોબાઇલ પર વીતાવે છે. (પ્રતીકાત્મક તસવીર)

    1.65 કરોડ ડોલર સૌથી વધુ આવક

     

    - ઇંગ્લેન્ડના ડેનિયલ રોબર્ટે 2017માં યુટ્યૂબ પર પોતાના વીડિયોથી 1.65 કરોડ ડોલરની કમાણી કરી. તેના ચેનલ ડેનટીડીએમના 1 કરોડ 70 લાખથી વધુ સબસ્ક્રાઇબર્સ છે. 

     

    10 કરોડ વ્યુ, ફક્ત 3 દિવસમાં સૌથી વાયરલ

     

    - દક્ષિણ કોરિયાના સિંગર સાઇનો જેન્ટલમેન વીડિયો સૌથી જલદી વાયરલ થનાર વીડિયો છે. આ વીડિયોને 3 દિવસની અંદર 10 કરોડ લોકોએ જોયો હતો. 

     

    આ રીતે વધતા ગયા યુટ્યૂબ પર વીડિયો

     

    - યુટ્યૂબનો પહેલો વીડિયો 18 સેકન્ડ્સનો હતો. ત્યારબાદ સતત કન્ટેન્ટ વધતું જ જઇ રહ્યું છે. 

     

    યુટ્યૂબ પર દર મિનિટે કેટલા કલાકનું કન્ટેન્ટ અપલોડ કરવામાં આવે છે?

     

    જૂન 2007: 6 કલાક

    જાન્યુઆરી 2012: 30 કલાક
    મે 2013: 100 કલાક
    નવેમ્બર 2014: 300 કલાક
    જૂલાઇ 2015: 400 કલાક

     

    સ્ત્રોત: ટ્યૂબલર લેબ્સનો રિપોર્ટ, ફોર્બ્સ, ટેકક્રંચ, ગૂગલ બ્લોગ, સ્ટૈટિસ્ટા વગેરે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending

વીડિયો વધુ જુઓ