Divya Bhaskar

Home » International News » America » At least 500,000 people have fled Venezuela this year

વેનેઝુએલામાં મોંઘવારીથી ત્રાહિમામ, 80 હજાર રૂપિયા લીટર વેચાય છે દૂધ

Divyabhaskar.com | Updated - Feb 18, 2018, 01:26 PM

વેનેઝુએલાની પરિસ્થિતિ એટલી હદે ખરાબ છે કે, લોકો દેશ છોડીને ભાગવા વિવશ છે. કોલંબિયાએ સંકટથી ઉગરવા માટે વૈશ્વિક મદદ માંગી

  • At least 500,000 people have fled Venezuela this year
    +5બીજી સ્લાઈડ્સ જુઓ

    ઇન્ટરનેશનલ ડેસ્કઃ વિશ્વના સૌથી મોટાં તેલ ભંડારવાળા દેશોમાં જેની ગણતરી થાય છે, તેવા વેનેઝુએલાની આર્થિક પરિસ્થિતિ હાલ કથળી ગઇ છે. હાલના સમયમાં અહીં પરિસ્થિતિ એટલી હદે ખરાબ થઇ ગઇ છે કે, લોકો દેશ છોડીને બોર્ડર નજીક આવેલા કોલંબિયા ભાગી જવા વિવશ છે. વળી, કોલંબિયાએ આ સંકટમાંથી ઉગરવા માટે વિશ્વ પાસે માનવીય આધાર પર મદદ માંગી છે. આ આર્થિક સંકટને લઇને બંને દેશો એકબીજાં પર આરોપ લગાવી રહ્યા છે. બંને દેશોએ હુમલાની પણ આશંકા વ્યક્ત કરી છે. કોલંબિયાએ દાવો કર્યો છે કે, અંદાજિત દસ લાખ લોકો વેનેઝુએલાથી અહીં આવી ગયા છે. અહીં વર્તમાન સમયમાં ખાવા-પીવાની ચીજોની સાથે સાથે દવાઓની પણ ભારે ઉણપ છે. ડોક્ટર પોતાના દર્દીઓને અન્ય દેશોમાં જઇને ઇલાજ કરાવવાની સલાહ આપી રહ્યા છે. સુરક્ષાની દ્રષ્ટીએ પણ વેનેઝુએલા આજે ખતરનાક દેશોમાં સામેલ છે. આ સિવાય અમેરિકાએ વેનેઝુએલામાં સેના દ્વારા તખ્તાપલટની આશંકા પણ વ્યક્ત કરી છે.

    80 હજાર રૂપિયે લીટર થયું દૂધ


    - કોલંબિયામાં શરણાર્થીઓની સંખ્યા વધવાના કારણે અહીં ખાદ્યાન્નનું સંકટ ઘેરાયું છે. અહીં દવાઓ અને ડોક્ટરોની સંખ્યામાં પણ ઘટાડો થયો છે.
    - સરકાર લોકોને સલાહ આપી રહી છે કે, તેઓ અન્ય દેશોમાં પોતાનો ઇલાજ કરાવે. વેનેઝુએલા લાંબા સમયથી આર્થિક સંકટમાંથી પસાર થઇ રહ્યું છે.
    - અહીંની મુદ્રાની કિંમત ઝડપથી ઘટવાના કારણે એક લીટર દૂધની કિંમત 80 હજાર રૂપિયા પ્રતિ લીટર સુધી પહોંચી ગઇ છે.
    - એટલું જ નહીં, સ્થાનિક કરન્સીની કિંમતમાં ઘટાડો થવાના કારમે એક બ્રેડ હજારો રૂપિયામાં મળી રહી છે.
    - એક અંદાજ મુજબ કાચા તેલની કિંમતમાં ઘટાડાના કારણે વેનેઝુએલાની હાલત ખરાબ થઇ છે. આ સિવાય અહીં મીટની કિંમત ત્રણ લાખ રૂપિયા પ્રતિ કિલો સુધી પહોંચી ગઇ છે.

    આગળની સ્લાઇડ્સમાં જાણો, વેનેઝુએલામાં ઉભા થયેલા આર્થિક સંકટ વિશેની વધુ માહિતી...

  • At least 500,000 people have fled Venezuela this year
    +4બીજી સ્લાઈડ્સ જુઓ

    રાતોરાત પેદા નથી થયું સંકટ 


    - વેનેઝુએલાનું આ સંકટ રાતો-રાત પેદા નથી થયું, પરંતુ છેલ્લાં બે વર્ષથી લોકો આ જ પરિસ્થિતિમાં જીવવા માટે મજબૂર છે. 
    - આ દેશમાં એક મોટો કોથળો ભરીને રૂપિયા લઇ જશો તો જ કદાચ તમને એક સમયનું ભોજન મળી શકશે, તેવું કહેવું ખોટું નહીં ગણાય. 
    - બીજી તરફ, વેનેઝુએલાની સરકાર હાલ આ આર્થિક સંકટને દૂર કરવામાં નિષ્ફળ રહી છે. 

     

    આગળની સ્લાઇડમાં જાણો, પાડોશી દેશો કેમ બન્યા વેનેઝુએલાના વિરોધી... 

  • At least 500,000 people have fled Venezuela this year
    +3બીજી સ્લાઈડ્સ જુઓ

    અર્થવ્યવસ્થા ગગડી અને પાડોશી દેશો બન્યા વિરોધી 


    - વેનેઝુએલામાં આવેલા આ સંકટનું સૌથી મોટું કારણ વૈશ્વિક સ્તરે કાચા તેલની કિંમતોમાં આવેલા ઘટાડાને જવાબદાર ગણવામાં આવે છે. 
    - આ સિવાય સરકારની નીતિઓ પણ ક્યાંકને ક્યાંક આ પરિસ્થિતિ માટે જવાબદાર છે. સરકારની નીતિઓના કારણે અહીં ફેલાયેલા ભૂખમરાના કારણે દરરોજ અહીંની સડકો પર નાગરિક પ્રદર્શન કરી રહ્યા છે. 

    - હવે પરિસ્થિતિ એવી છે કે, વેનેઝુએલાના પાડોશી દેશો - મેક્સિકો, બ્રાઝીલ, આર્જેન્ટિના, ચિલી, સ્પેન સહિત યુરોપિયન યુનિયન પણ હવે સંપુર્ણ રીતે તેના વિરોધી થઇ ગયા છે. 
    - ઉપરાંત પેરુ જેવા દેશ વેનેઝુએલાની સરકારને સરમુખત્યાર ગણાવવામાં ચૂકતા નથી. હકીકતમાં, પેરુની રાજધાની લીમામાં એપ્રિલમાં એક સમારંભનું આયોજન થવાનું છે. તેમાં વેનેઝુએલાના રાષ્ટ્રપતિને આમંત્રણ નહીં આપવા, તેઓનું સ્વાગત નહીં કરવા પર અનેક દેશોએ સહમતિ વ્યક્ત કરી છે. 
    - આવું એવા સમયે થયું જ્યારે વેનેઝુએલાના પ્રેસિડન્ટ નિકોલસ માડુરો તરફથી આ સમારંભમાં જવા પર સહમતિ આપવામાં આવી. તેથી એવું કહેવું ખોટું નથી કે, વેનેઝુએલા આ સંકટની વચ્ચે એકલું ઉભું છે. 

     

    આગળની સ્લાઇડમાં જાણો, અમેરિકાએ શું કહ્યું આ આર્થિક સંકટ વિશે... 

  • At least 500,000 people have fled Venezuela this year
    +2બીજી સ્લાઈડ્સ જુઓ

    અમેરિકા સાથે અથડામણ 


    - એકમાત્ર રશિયા આ મુદ્દે વેનેઝુએલાની સાથે ઉભું રહ્યું છે. જ્યારે અમેરિકા અહીં આવેલા આર્થિક સંકટને લઇને વેનેઝુએલાની સરકાર અને પ્રેસિડન્ટને જવાબદાર ઠેરવી રહ્યું છે. 
    - અમેરિકાના પ્રેસિડન્ટ ટ્રમ્પના એક નિવેદન બાદ વેનેઝુએલાના પ્રેસિડન્ટ એવું કહી ચૂક્યા છે કે, તેમની ઉપર એ વાતનો કોઇ ફરક નથી પડતો કે, ટ્રમ્પ તેમને લઇ શું કહે છે અને વિચારે છે. પરંતુ ફરક એ વાતથી પડે છે, તેઓની (નિકોલસ માડુરો - વેનેઝુએલાના પ્રેસિડન્ટ) પોતાની જનતા તેમના વિશે શું વિચારે છે. 

     

    આગળની સ્લાઇડમાં જાણો, ભારત માટે કેટલું મહત્વનું છે વેનેઝુએલા... 

  • At least 500,000 people have fled Venezuela this year
    +1બીજી સ્લાઈડ્સ જુઓ

    ભારત માટે વેનેઝુએલા 


    - વેનેઝુએલાની અર્થવ્યવસ્થા સંપુર્ણ રીતે ઓઇલ પર ટકેલી છે. વેનેઝુએલામાં સાઉદી અરેબિયા કરતાં વધારે ઓઇલ ભંડાર છે.
    - પરંતુ અહીં ઓઇલનો પ્રકાર થોડો અલગ છે, જેને હેવી પેટ્રોલિયમ કહેવામાં આવે છે. 
    - હેવી પેટ્રોલિયમને રિફાઇન કરવું ખર્ચાળ હોય છે. આ જ કારણ છે કે, અન્ય દેશોની સરખામણીએ વેનેઝુએલાના કાચા તેલની કિંમતો ખૂબ જ ઓછી છે. 
    - ભારત સહિત વિશ્વની કંપનીઓ અહીં ઓઇલ માઇનિંગમાં સામેલ છે. પરંતુ સરકારની ખોટી નીતિઓ અને વિદેશી કંપનીઓની પકડ બાદ અહીંથી અનેક કંપનીઓ અન્યત્ર વળી ગઇ છે. 
    - આ જ કારણ છે કે, જ્યાં દરરોજ 30 લાખ બેરલ તેલ નિકલે છે, ત્યાં હવે અઢી લાખ બેરલ પણ ઓઇલ કાઢવામાં આવતું નથી. 
    - ઉલ્લેખીય છે કે, અમેરિકા બાદ માત્ર ભારત જ છે જે અહીંથી કાચું ઓઇલ ખરીદે છે. જ્યાં સુધી ભારતની વાત છે તો દવા ઉદ્યોગ માટે વેનેઝુએલા ભારત માટે મહત્વપુર્ણ માર્કેટ છે. 

     

    વેનેઝુએલા પર ચીનનું દેવું 


    - આ સિવાય ચીનનું વેનેઝુએલા પર તેનું અંદાજિત 65 અરબ ડોલરનું દેવું છે. ચીનને ઓઇલ વેચીને વેનેઝુએલાને કોઇ ફાયદો નથી થવાનો. કારણ કે, આનાથી માત્ર દેવું જ ઉતરશે, પરંતુ તેના ખજાનામાં પૈસા નહીં આવે. 
    - વેનેઝુએલાના સંકટ પર હાલ ચીન પોતાની તરફથી મૌન છે, પરંતુ જો ચીનની રણનીતિ પર નજર કરીએ તો આ સ્થિતિ તેના હિતમાં છે. 
    - કારણ કે, હાલની સ્થિતિમાં ચીને આર્થિક અને રણનીતિ સામ્રાજ્યવાદ બનાવવાની જે ચાલ શરૂ કરી છે, તેનો આધાર ક્યાંકને ક્યાંક દેવું અને રોકાણ જ છે. 

     

    આગળની સ્લાઇડમાં જાણો, પ્રેસિડન્ટના ક્યા એક નિર્ણયથી સર્જાઇ આ દેશમાં આર્થિક સંકડામણ... 

  • At least 500,000 people have fled Venezuela this year

    આવો છે મોંઘાવારીનો માહોલ 


    - વેનેઝુએલામાં મોંઘાવારીની હાલત ખૂબ જ ખરાબ થઇ ગઇ છે. ગયા વર્ષે માર્ચ બાદ વેનેઝુએલામાં ફુગાવાનો દર 220 ટકાને પાર કરી ગયો હતો. 
    - દેશની સૌથી મોટી નોટ, 100 બોલિવારની કિંમત વર્ષના અંત સુધી 0.04 ડોલરથી પણ ઓછી થઇ ગઇ હતી. 
    - વોનિવારની હાલની સ્થિતિ 0.14 અમેરિકન ડોલર સુધી પહોંચી ગઇ છે. 
    - જો ભારત સાથે આની સરખામણી કરવામાં આવે તો તે 9.32 રૂપિયા છે. અહીં ભુખમરાની એવી પરિસ્થિતિ છે કે, અહીં લોકોએ કલાકો સુધી દુકાનોની સામે ઉભા રહેવું પડે છે. 


    તેલની આવકનો કિલ્લો પડી ભાંગ્યો 


    - લેટિન અમેરિકન દેશોમાં તેલની કિંમતમાં ઘટાડો થવાનું સૌથી વધારે નુકસાન વેનેઝુએલાને થયું છે. 
    - જેનું મુખ્ય કારણ એ છે કે, વેનેઝુએલાની 95 ટકા આવક ઓઇલ અને ગેસમાંથી થાય છે. 2013/14માં દેશમાં જ્યાં લગભગ પ્રતિ બેરલ 100 ડોલર અથવા તે પહેલાં 140 ડોલર પ્રતિ બેરલ તેલ વેચતું હતું, ત્યાં માદુરોના સમયથી આ કિંમતો 25 ડોલર પ્રતિ બેરલ રહી ગઇ છે. 
    - વેનેઝુએલા ત્રણ વર્ષ પહેલાં 75 બિલિયન ડોલરના તેલની નિકાસ કરતું હતું. 2016માં તે માત્ર 27 બિલિયન ડોલર રહી ગયું. 
    - 2014માં ઓઇલની કિંમતમાં 50 ટકાના ઘટાડાના કારણે આ દેશની ઇકોનોમી પડી ભાંગી. 2013માં તેલથી 80 અરબ ડોલરની આવક થઇ હતી. જ્યારે 2016માં માત્ર 20 અરબ ડોલરની જ કમાણી વેનેઝુએલાને થઇ હતી. 


    વિરોધમાં વિપક્ષ 


    - અહીંની રાજનીતિ વિશે વાત કરીએ તો - 2015ની ચૂંટણીમાં પ્રેસિડન્ટ માદુરોની પાર્ટીને બહુમત હાસલ થયું નહતું અને તે વિપક્ષ પાર્ટીથી પણ પાછળ રહી ગઇ. 
    - આ સ્થિતિથી બચવા માટે માદુરોએ ઉતાવળે 15 જાન્યુઆરી 2016માં દેશમાં નાણાકીય કટોકટી (ફાઇનાન્શિયલ ઇમરજન્સી)ની જાહેરાત કરી દીધી. 
    - દેશની સુપ્રીમ કોર્ટે પણ પ્રેસિડન્ટના આ નિર્ણયની ગ્રીન સિગ્નલ આપી દીધી, પરંતુ તેને લઇને વિપક્ષ એકજૂથ થઇ ગયું અને પ્રેસિડન્ટના રાજીનામાની માંગ, એમયુડી તેના વિરોધમાં ઉભું થઇ ગયું. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending