1

Divya Bhaskar

Home » International News » America » March to stop gun violence in Washington and 800 places

USમાં ગન કલ્ચર સામે 700 સ્થળે દેખાવો, વોશિંગ્ટનમાં 5 લાખનો વિરોધ

Divyabhaskar.com | Last Modified - Mar 25, 2018, 09:35 AM IST

વોશિંગ્ટન ઉપરાંત સમગ્ર અમેરિકામાં 700થી વધુ જગ્યાઓ પર પ્રદર્શન થયાં હતા.

  • March to stop gun violence in Washington and 800 places
    +1બીજી સ્લાઈડ્સ જુઓ
    અમેરિકાના ફ્લોરિડાની સ્કૂલમાં 40 દિવસ પહેલાં થયેલી ફાયરિંગમાં 17 બાળકોના મોત પછી હવે ગન કંટ્રોલની માંગને લઈને શરૂ થયેલું પ્રદર્શન શનિવારે ઐતિહાસિક માર્ચમાં બદલાય ગયું

    વોશિંગ્ટનઃ અમેરિકાના ફ્લોરિડાની સ્કૂલમાં 40 દિવસ પહેલાં થયેલી ફાયરિંગમાં 17 બાળકોના મોત પછી હવે ગન કંટ્રોલની માંગને લઈને શરૂ થયેલું પ્રદર્શન શનિવારે ઐતિહાસિક માર્ચમાં બદલાય ગયું. ગન કલ્ચર વિરૂદ્ધ વોશિંગ્ટનમાં અત્યારસુધીમાં વિશ્વની સૌથી મોટી માર્ચ નીકળી. આ રેલીમાં 5 લાખથી વધુ લોકો સામેલ થયાં હતા. વોશિંગ્ટન ઉપરાંત સમગ્ર અમેરિકામાં 700થી વધુ જગ્યાઓ પર પ્રદર્શન થયાં હતા. બ્રિટનમાં લંડન, જાપાનના ટોક્યો, ઓસ્ટ્રેલિયાના સિડની, ભારતમાં મુંબઈ સહિત વિશ્વના 100 શહેરોમાં ગન કંટ્રોલની માંગને લઈને પ્રદર્શનો થયાં હતા.

    વ્હાઈટ હાઉસે છાત્રોની હિંમતની પ્રશંસા કરી


    - વ્હાઈટ હાઉસના પ્રવક્તા જૈક પાર્કિન્સને છાત્રોની પ્રશંસા કરતાં કહ્યું કે, "અમે તે તમામ અમેરિકનો પ્રશંસા કરીએ છીએ જે પોતાની અભિવ્યક્તિની આઝાદીનો ઉપયોગ કરે છે." તે સાથે જ તેઓએ ગન કંટ્રોલ માટે અમેરિકાના પ્રેસિડન્ટ ટ્રમ્પે ઉઠાવેલાં પગલાંઓની પણ માહિતી આપી.
    - ટ્રમ્પ ગન કંટ્રોલના મામલે કડક પગલાં ભરવાની વાત કરી ચુક્યાં છે. ટ્રમ્પ બમ્પ સ્ટોક (એવાં ઉપકરણ જેનાથી રાયફલ મશીન ગનની જેમ ગોળીબારી કરે છે) અને સ્કૂલોની સિક્યોરિટી વધારવા માટે ટીચર્સ અને છાત્રોને ટ્રેનિંગ આપવાની વાત કરી ચુક્યાં છે.

    છાત્રોને મળી રહ્યો છે સેલિબ્રિટીઝનો સપોર્ટ


    - શનિવારે રેલી દરમિયાન મોટી સંખ્યામાં લોકો ગન કલ્ચર વિરૂદ્ધ પ્રદર્શન કરવા માટે એકઠાં થયા હતા. જેમાં કેટલીક મોટી સેલિબ્રિટીઝે પણ છાત્રોને સાથ આપ્યો.
    - ગાયક આરિયાન ગ્રાંડ, માઈલી સાયરસ અને લિન મિરાંડા જેવી સેલિબ્રિટીઝે અમેરિકાની કેપિટલ બિલ્ડિંગની સામે સ્ટેજ પરફોર્મન્સ આપી છાત્રોનો જુસ્સો વધાર્યો હતો.

    ગન કલ્ચર ખતમ કરવા ઓબામા રડી પડ્યાં હતા


    - ત્રણ વર્ષ પહેલાં ઓરેગનની કોલેજમાં નવ લોકોની હત્યા પછી તે સમયના પ્રેસિડન્ટ બરાક ઓબામા રડી પડ્યાં હતા. અમેરિકી કોંગ્રેસના 70% સાંસદ હથિયારોના સમર્થક હતા. પરિણામે ઓબામા આ અંગે કંઈજ કરી શક્યા ન હતા.
    - તો રાષ્ટ્રપતિ ડોનાલ્ડ ટ્રમ્પે ગત મહિને ફલોરિડાની સ્કૂલમાં શૂટિંગથી પીડિત પરિવારોની મુલાકાતમાં કહ્યું હતું કે- ફાયરિંગની ઘટનાઓ સામે લડી લેવા માટે ટીચરના હાથમાં બંદૂક આપી દઈશું.

    2.5 લાખ કરોડની જ ગન ઈન્ડસ્ટ્રી


    - અમેરિકામાં ગન કલ્ચરનું કારણ આર્મ લોબી છે, જે પોલિસી પ્રભાવિત કરે છે
    - ગન ઈન્ડસ્ટ્રીમાં દર વર્ષે 2.5 લાખ કરોડ રૂપિયાનો વ્યવસાય છે. 2.65 લાખ લોકો જોડાયેલા છે.
    - 51 વર્ષમાં શૂટિંગમાં 15 લાખ જીવ ગયાં. 2018માં સ્કૂલોમાં 20 વખત ફાયરિંગ થયું.
    - 9/11 પછી ફાયરિંગની 400થી વધુ ઘટનાઓ થઈ. સ્કૂલ સૌથી વધુ નિશાને બની.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લીક કરો

  • March to stop gun violence in Washington and 800 places
    શનિવારે રેલી દરમિયાન મોટી સંખ્યામાં લોકો ગન કલ્ચર વિરૂદ્ધ પ્રદર્શન કરવા માટે એકઠાં થયા હતા. જેમાં કેટલીક મોટી સેલિબ્રિટીઝે પણ છાત્રોને સાથ આપ્યો
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending