Home » International News » America » US administration's proposed rules of bringing in place an electronic registration for H-1B

H-1B: વિઝા પર અમેરિકાનો નવો પ્રસ્તાવ, ભારતીય પ્રોફેશનલ્સ પર થશે સૌથી વધુ અસર

Divyabhaskar.com | Updated - Dec 03, 2018, 07:00 PM

આ પગલાંથી અનિશ્ચિતતાઓ ઉભી થશે અને અમેરિકામાં નોકરી ઉપર સંકટ આવી જશે

  • US administration's proposed rules of bringing in place an electronic registration for H-1B
    અમેરિકાના સાંસદે એક વર્ષમાં H-1B વિઝાની મહત્તમ અવધિને નક્કી કરીને રાખી છે. (ફાઇલ)

    - નાસ્કોમે કહ્યું, એપ્રિલ 2019માં ખૂલનારા એચ-1બી વિઝાની આગામી લોટરી માટે વધુ સમય નથી બચ્યો.

    - આ કાર્યવાહી અમેરિકન નોકરીઓને જોખમમાં મુકી શકે છે અને આઇટીના કામકાજને અમેરિકામાં કરવાના બદલે વિદેશ મોકલવાનો પ્રસ્તાવ મુકી શકે છે.

    ઇન્ટરનેશનલ ડેસ્કઃ અમેરિકાની સરકારના H-1B વિઝા પોલીસીને લઇને નવા પ્રસ્તાવે ભારતીય આઇટી સેક્ટરની ચિંતામાં ઓર વધારો કર્યો છે. હકીકતમાં ટ્રમ્પ સરકારે ગત શુક્રવારે એચ1-બી વિઝા એપ્લિકેશનની પ્રક્રિયામાં મોટો ફેરફાર કરવાનો પ્રસ્તાવ આપ્યો હતો.


    શું છે નવો પ્રસ્તાવ?


    - નવા પ્રસ્તાવ હેઠળ H-1B વિઝા ઇચ્છતી દરેક કંપનીઓએ પહેલા પોતાની અરજી ઇલેક્ટ્રોનિક માધ્યમથી રજિસ્ટર કરવાની જરૂર પડશે.
    - આ પ્રસ્તાવનો ઉદ્દેશ્ય H-1B વિઝાને મોર્ડન સ્કિલ અને હાઇપેડ સેલેરી વાળા વિદેશી કર્મચારીઓને આપવાનો છે. ઉલ્લેખનીય છે કે, ભારતીય આઇટી કંપનીઓ અને પ્રોફેશનલ્સની વચ્ચે H-1B વિઝા ખૂબ જ લોકપ્રિય છે.
    - તેથી જ આ પ્રક્રિયામાં ફેરફારના કારણે સૌથી વધુ પ્રભાવિત ભારતીય પ્રોફેશનલ્સ થશે.

    નાસ્કોમે ચિંતા વ્યક્ત કરી


    - ટાઇમ્સ ઓફ ઇન્ડિયાના સમાચાર અનુસાર, આઇટી સર્વિસના ઉચ્ચ સંગઠન નેશનલ એસોસિએશન ઓફ સોફ્ટવેર એન્ડ સર્વિસિસ કંપની (નાસ્કોમ)એ પણ અમેરિકન સરકારના તાજેતરના પ્રસ્તાવને લઇને ચિંતા વ્યક્ત કરી છે.
    - નાસ્કોમે કહ્યું કે, આ પગલાંથી અનિશ્ચિતતાઓ ઉભી થશે અને અમેરિકામાં નોકરી ઉપર સંકટ આવી જશે. જો કે, નાસ્કોમે એમ પણ કહ્યું કે, આ નવા પ્રસ્તાવોની સાવધાનીપૂર્વક સમીક્ષા કરશે અને તેના મૂલ્યાંકન બાદ જ ટિપ્પણી કરશે.
    - નાસ્કોમે કહ્યું, એપ્રિલ 2019માં ખૂલનારા એચ-1બી વિઝાની આગામી લોટરી માટે વધુ સમય નથી બચ્યો. કંપનીઓ પહેલેથી જ પોતાની જરૂરિયાતોનું મૂલ્યાંકન શરૂ કરી દીધું છે અને આગામી વર્ષ માટે આવેદન જમા કરવાની તૈયારીઓ કરી રહી છે.
    - તેથી અમે એવી અનિશ્ચિતતાઓ વિશે ચિતિંત છીએ, જે અમેરિકાના નવા પ્રસ્તાવના કારણે ઉભી થઇ શકે છે.


    અમેરિકામાં સ્પેશિયલ સર્વિસને મોંઘી બનાવે છે


    - નાસ્કોમે ભાર મુક્યો કે ટ્રમ્પ સરકારની નીતિ વિદેશી આઇટી કંપનીઓ માટે અમેરિકામાં પોતાની સ્પેશિયલ સર્વિસને વધુ કડક અને મોંઘી બનાવે છે.
    - આનાથી એવી અમેરિકન કંપનીઓ કમજોર બનશે જે પોતાની સ્કિલની ઉણપને પુરી કરવા માટે અન્ય કંપનીઓ પર નિર્ભર રહે છે. આ કાર્યવાહી અમેરિકન નોકરીઓને જોખમમાં મુકી શકે છે અને આઇટીના કામકાજને અમેરિકામાં કરવાના બદલે વિદેશ મોકલવાનો પ્રસ્તાવ મુકી શકે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ