USમાં ઇન્ડિયન એમ્બેસીના ફોનનો ઉપયોગ કરે છે ઠગ, પાસપોર્ટ-વિઝાના માંગે છે પૈસા

ખોટા કોલ કરીને અત્યાર સુધી લોકો પાસેથી પાસપોર્ટ અને વિઝાના નામે પૈસા માગવામાં આવ્યા છે

divyabhaskar.com | Updated - Mar 05, 2018, 04:45 PM
અમેરિકામાં રહેનારા અનેક ભારતીયોને આવા ફેક કોલ્સ કરવામાં આવ્યા. ત્યારબાદ લોકોએ તેની ફરિયાદ એમ્બસીમાં કરી. (ફાઇલ)
અમેરિકામાં રહેનારા અનેક ભારતીયોને આવા ફેક કોલ્સ કરવામાં આવ્યા. ત્યારબાદ લોકોએ તેની ફરિયાદ એમ્બસીમાં કરી. (ફાઇલ)

ઇન્ટરનેશનલ ડેસ્કઃ અમેરિકામાં ભારતીય એમ્બસીની ટેલિફોન લાઇન્સનો ઉપયોગ લોકોની ઠગી માટે કરવામાં આવી રહ્યો છે. આ મામલામાં એમ્બસીએ એક એડવાઇઝરી જાહેર કરી છે જેમાં કહેવામાં આવ્યું છે કે કેટલાક ઠગોએ એમ્બેસીની ટેલિફોન લાઇન્સ હેક કરી લીધી છે. અધિકારીઓ દ્વારા જણાવ્યા મુજબ, ખોટા કોલ કરીને અત્યાર સુધી લોકો પાસેથી પાસપોર્ટ અને વિઝાના નામે પૈસા માગવામાં આવ્યા છે. તેના માટે એક ઇન્ટરનલ ઇન્વેસ્ટિગેશન પણ હાથ ધરવામાં આવી રહ્યું છે. એડવાઇઝરીમાં લોકોને એમ્બસી તરફથી આવનારા ખોટા કોલ્સને લઈને ચેતવણી આપવામાં આવી છે.

પાસપોર્ટ અને વિઝાના નામે કરવામાં આવી રહી છે ઠગી


- એમ્બેસી દ્વારા જાહેર કરાયેલી એડવાઇઝરીમાં કહેવામાં આવી રહ્યું છે કે, "ઠગ લોકોને ફોન કરી પોતાની પર્સનલ માહિતી માંગી રહ્યા છે. જેમાં ક્રેડિટ કાર્ડ્સ જેવી જાણકારીઓ પણ સામેલ છે. આ ઉપરાંત પાસપોર્ટ, વિઝા ફોર્મ્સ અને ઇમિગ્રેશન ફોર્મ્સ પણ ભૂલ સુધારવાના નામે પણ લોકો પાસેથી પૈસાની માંગણી કરવામાં આવી રહી છે."
- "સાથોસાથ ઠગ ફોન પર વોર્નિંગ પણ આપી રહ્યા છે કે ડોક્યુમેન્ટ્સમાં ભૂલ સુધારવાના પૈસા નહીં ચૂકવ્યા તો શખ્સને ડિપોર્ટ/ધરપકડ કરવામાં આવી શકે છે."
- એડવાઇઝરીમાં કહેવામાં આવ્યું છે કે ભારતીય એમ્બસીના કોઈપણ અધિકારી તરફથી ફેક કોલ્સ નથી કરવામાં આવ્યા. જો અમને કોઈ શખ્સના વધારાના દસ્તાવેજની જરૂર હોય છે તો તેને ઓફિશિયલ આઈડીથી ઈ-મેલ કરવામાં આવે છે.

કેવી રીતે સામે આવ્યો મામલો?


- ન્યૂઝ એજન્સી મુજબ, અમેરિકામાં રહેનારા અનેક ભારતીયોને આવા ફેક કોલ્સ કરવામાં આવ્યા. ત્યારબાદ લોકોએ તેની ફરિયાદ એમ્બસીમાં કરી.
- આ ફેક કોલ્સના શિકાર બનેલા લોકોની ફરિયાદ છે કે ઠગોએ પોતાને એમ્બસીના અધિકારી જણાવીને તેમની પાસેથી પૈસા માગ્યા. કોલ્સમાં ઠગોએ દાવો કર્યો કે તેમને તમામ માહિતી એમ્બસીમાંથી મળી રહી છે.
- મામલો સામે આવ્યા બાદ ભારતીય એમ્બસીએ ઠગીનો શિકાર બનેલા લોકોને તેમના બેંક એકાઉન્ટસ ડિટેલ્સ અને વેસ્ટર્ન યૂનિયન ટ્રાન્સફર એકાઉન્ટ નંબર લેવાનું શરૂ કરી દીધું છે, જેથી આ એકાઉન્ટ્સની લેવડ-દેવડ પર નજર રાખી શકાય.

આગળની સ્લાઇડમાં જાણો, યુરોપિયન એમ્બેસીમાં પણ દાખલ થયા આવા કેસ...

અમેરિકન સરકારના અધિકારી મુજબ, પહેલા પણ આવા મામલા સામે આવી ચૂક્યા છે. (ફાઇલ)
અમેરિકન સરકારના અધિકારી મુજબ, પહેલા પણ આવા મામલા સામે આવી ચૂક્યા છે. (ફાઇલ)

યૂરોપિયન એમ્બસીમાંથી પણ આવી ચૂક્યા છે આવા કેસ


- અમેરિકન સરકારના અધિકારી મુજબ, પહેલા પણ આવા મામલા સામે આવી ચૂક્યા છે. જોકે, મોટાભાગના કેસ યૂરોપિયન એમ્બસીમાંથી જ આવતા હતા. આવું પહેલીવાર બન્યું છે કે ભારતીય એમ્બસીની ફોન લાઇન્સને હેક કરી લેવામાં આવી.
- અધિકારીઓએ જણાવ્યું કે આ પ્રકારની હેકિંગ ટેક્નોલોજી સરળતાથી મળી જાય છે. જોકે, આવા કેસોમાં ઠગો સુધી પહોંચવું ઘણું મુશ્કેલ હોય છે. અમેરિકન નાગરિક આવા ફોન કોલ્સના સૌથી વધુ શિકાર થાય છે. 

X
અમેરિકામાં રહેનારા અનેક ભારતીયોને આવા ફેક કોલ્સ કરવામાં આવ્યા. ત્યારબાદ લોકોએ તેની ફરિયાદ એમ્બસીમાં કરી. (ફાઇલ)અમેરિકામાં રહેનારા અનેક ભારતીયોને આવા ફેક કોલ્સ કરવામાં આવ્યા. ત્યારબાદ લોકોએ તેની ફરિયાદ એમ્બસીમાં કરી. (ફાઇલ)
અમેરિકન સરકારના અધિકારી મુજબ, પહેલા પણ આવા મામલા સામે આવી ચૂક્યા છે. (ફાઇલ)અમેરિકન સરકારના અધિકારી મુજબ, પહેલા પણ આવા મામલા સામે આવી ચૂક્યા છે. (ફાઇલ)
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App