Divya Bhaskar

Home » International News » America » More than 30 million people are under flood watches or warnings from Texas to Michigan

US: ભારે વરસાદના કારણે 3 કરોડ લોકો પૂરમાં ફસાયા, રાહતકાર્ય શરૂ

Divyabhaskar.com | Updated - Feb 23, 2018, 04:22 PM

કોસ્ટગાર્ડે મિશિગનમાં અત્યાર સુધી 40 લોકોને બચાવ્યા છે. આ સિવાય યુએસના અલગ અલગ સ્ટેટ્સમાં વોટર રેસ્ક્યુ ચાલી રહ્યું છે.

  • More than 30 million people are under flood watches or warnings from Texas to Michigan
    +4બીજી સ્લાઈડ્સ જુઓ
    ભારે વરસાદ અને અગાઉ થયેલી બરફવર્ષાનો બરફ પીગળવાના કારણે નદીના પાણીનું સ્તર સતત વધી રહ્યું છે.

    ઇન્ટરનેશનલ ડેસ્કઃ અમેરિકાના મિડવેસ્ટ અને સાઉથમાં આવેલા પૂરના કારણે ત્રણ લોકોનાં મોત થયા છે. જ્યારે સતત વધતી જતી પાણીની સપાટીના કારણે હજારો લોકોએ પોતાના ઘર છોડવા પડ્યા છે. નોર્થ ઇન્ડિયાના, સાઉથ મિશિગન અને ઓહિયો સહિતના વિસ્તારોમાં ભારે વરસાદ અને અગાઉ થયેલી બરફવર્ષાનો બરફ પીગળવાના કારણે નદીના પાણીનું સ્તર સતત વધી રહ્યું છે. બુધવારે સેન્ટ્રલ મિશિગનના ફેરપ્લેન ટાઉનશિપમાં એક વર્ષની બાળકીનું મોત થયું હતું. તેના ઘરના પાછળના ભાગે બરફ પિગળવાના કારણે ભરાયેલા પાણીમાં તેનું શબ મળી આવ્યું હતું. આ જ પ્રકારે ઓક્લાહોમા અને પીટોન, ઇલિનોઇસમાં અનુક્રમે એક પુરૂષ અને સ્ત્રીનું મોત થયું હતું. સેન્ટ્રલ અને સાઉથ યુએસમાં ફ્લડ વોર્નિંગ જાહેર કરી દેવામાં આવી છે. અમેરિકાના વિસ્કોન્સિન, ઇલિનોઇસ અને ઓહિયોથી લઇને ટેક્સાસ અને લ્યુસિયાનામાં પૂરના કારણે ઇમરજન્સી જાહેર કરી દેવામાં આવી છે.

    3 કરોડથી વધુ લોકો પૂરમાં ફસાયા


    - ટેક્સાસથી મિશિગન સુધી અંદાજિત 3 કરોડ લોકો પૂરમાં ફસાયા છે. વેધર ડિપાર્ટમેન્ટે અહીં ઇમરજન્સી જાહેર કરી છે.
    - નોર્થ ઇન્ડિયાના, સાઉથ મિશનન અને મિડવેસ્ટ, સાઉથના કેટલાંક વિસ્તારોમાં પૂરનાં કારણે પાણી ભરાઇ ગયા છે.
    - આ અઠવાડિયામાં મિશિગનમાં ઘરના પાછળના ભાગે એક વર્ષની બાળકીનું પૂરમાં ડૂબી જવાના કારણે મોત થયું છે.
    - જ્યારે ઇલિનોઇસ અને ઓક્લાહોમામાં બે વ્યક્તિના મોત થયા છે. આ બંને વ્યક્તિઓ પૂરના સમયે ડ્રાઇવ કરી રહ્યા હતા. તે દરમિયાન પૂરના પાણીમાં તેમની કાર વહી ગઇ હતી.
    - કોસ્ટગાર્ડે મિશિગનમાં અત્યાર સુધી 40 લોકોને બચાવ્યા છે. આ સિવાય યુએસના અલગ અલગ સ્ટેટ્સમાં વોટર રેસ્ક્યુ ચાલી રહ્યું છે.

    આગળની સ્લાઇડ્સમાં જાણો, પૂરના કારણે અન્ય સ્ટેટ્સની સ્થિતિ...

  • More than 30 million people are under flood watches or warnings from Texas to Michigan
    +3બીજી સ્લાઈડ્સ જુઓ
    સાઉથ બેન્ડમાં 1 લાખ લોકો રહે છે. અહીં સેન્ટ જોસેફ રિવરનું પાણીનું સ્તર વધી જતાં હાઇ એલર્ટ જાહેર કરવામાં આવ્યું છે. આગામી મંગળવાર સુધી આ નદીનું પાણી ચોક્કસ સપાટીથી વધારે રહેશે તેવી સંભાવના છે.
  • More than 30 million people are under flood watches or warnings from Texas to Michigan
    +2બીજી સ્લાઈડ્સ જુઓ
    રાજ્યોના અલગ અલગ શહેરોમાં ઇમરજન્સી જાહેર કરી દેવામાં આવી છે.
  • More than 30 million people are under flood watches or warnings from Texas to Michigan
    +1બીજી સ્લાઈડ્સ જુઓ
    યુએસમાં હજારો લોકો પોતાના ઘર છોડીને શેલ્ટર હાઉસમાં રહે છે.
  • More than 30 million people are under flood watches or warnings from Texas to Michigan
    નોર્થ ઇન્ડિયાના, સાઉથ મિશનન અને મિડવેસ્ટ, સાઉથના કેટલાંક વિસ્તારોમાં પૂરનાં કારણે પાણી ભરાઇ ગયા છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From International News

Trending