Home » Lifestyle » Health » what happen when your immune system is weak

રોગપ્રતિકારક શક્તિ નબળી હોય તો શું થાય? તો ઈમ્યૂનિટી વધારવાના બેસ્ટ ઉપાય

Divyabhaskar.com | Updated - Jan 21, 2018, 03:00 PM

રોગપ્રતિકારક ક્ષમતા નબળી હોય તો કેવી પ્રોબ્લેમ થાય છે જાણો

  • what happen when your immune system is weak
    +1બીજી સ્લાઈડ્સ જુઓ

    હેલ્થ ડેસ્ક, અમદાવાદઃ ઇમ્યુન સિસ્ટમ એટલે કે રોગપ્રતિકારક ક્ષમતા શરીરને કોઈ પણ પ્રકારના ચેપથી બચાવવામાં મદદ કરે છે. જ્યારે ઇમ્યુન સિસ્ટમ યોગ્ય રીતે કાર્ય નથી કરતી ત્યારે કેટલીય મુશ્કેલીઓ ઊભી થતી હોય છે. શરીરમાં હાજર શ્વેત રક્તકણિકાઓમાં ઉપસ્થિત બ્લડ અને ટિશ્યૂ બેક્ટેરિયા, વાઇરસ અને કેન્સર સેલ્સ સામે લડવામાં મદદરૂપ થાય છે. જ્યારે કોશિકાઓ આ ટૉક્સિન અને એન્ઝાઇમ સામે લડી શકતી નથી ત્યારે વ્યક્તિને શરદી-સળેખમ, સાઇનસ, ક્રોનિક ઇન્ફેક્શન, ધૂળથી એલર્જી, ડાયેરિયા, ન્યુમોનિયા જેવા રોગ થઈ શકે છે.

    રોગપ્રતિકારક ક્ષમતા નબળી પડવાનાં કારણો

    રોગપ્રતિકારકતંત્રની મજબૂતાઈ માટે પૂરતી ઊંઘ લેવી જરૂરી છે. માણસને સરેરાશ 8થી 9 કલાક ઊંઘની જરૂરિયાત હોય છે. યોગ્ય પોષણક્ષણ આહારની ઊણપ, અનિયમિત દિનચર્યાને કારણે સ્થૂળતામાં વધારો થાય છે, જેને કારણે રોગપ્રતિકારક તંત્ર યોગ્ય રીતે કાર્ય કરી શકતું નથી. વધુ પડતી તાણ અને ભાવુક સ્થિતિને કારણે, હોર્મોનલ અસંતુલનને કારણે પણ આ સમસ્યા થઈ શકે છે. ધૂમ્રપાનને કારણે શ્વેત રક્તકણિકાઓ ખતમ થાય છે, જેને કારણે ઇમ્યુનિટી નબળી પડે છે.

    રોગપ્રતિકારક ક્ષમતા નબળી હોવાનું જોખમ કોને રહે છે?

    જો કોઈના કુટુંબમાં લોકોની રોગપ્રતિકારક શક્તિ નબળી હોય તો તે વ્યક્તિમાં રોગપ્રતિકારક ક્ષમતા નબળી હોવાની શક્યતા રહે છે. વધતી વય સાથે કુદરતી રીતે રોગપ્રતિકારક ક્ષમતા ઘટવા લાગે છે, કારણ કે શરીરમાં વ્હાઇટ બ્લડ સેલ બનવાનું પ્રમાણ ઘટી જાય છે.

    આગળ વાંચો રોગપ્રતિકારક શક્તિ નબળી હોય તો શું કરવું.

  • what happen when your immune system is weak

    રોગપ્રતિકારક શક્તિ નબળી હોય તો આ પ્રમાણે તકેદારી રાખવી

     

    1 જો રોગ પ્રતિકારક શક્તિ નબળી હોય તો ઊંઘમાં ઘટાડો બિલકુલ ન કરવો જોઈએ. પૂરતી ઊંઘ લેવી.

     

    2 રાત્રે 10 વાગ્યા બાદ જમવાથી કે જમ્યા બાદ તરત જ સૂઈ જવું સ્વાસ્થ્ય માટે હાનિકારક છે. તેને કારણે રોગ પ્રતિકારક શક્તિ નબળી પડે છે.

     

    રોગપ્રતિકારક ક્ષમતા મજબૂત કરવાના ઉપાય

     

    એક વ્યવસ્થિત દિનચર્યા મુજબ ચાલવું અને તાણનો ઉકેલ કાઢવો આહારમાં વિટામિન અને ખનીજતત્ત્વસભર આહારનું સેવન કરવું જોઈએ, જે ઇમ્યુનિટીને મજબૂત કરવામાં અને એન્ટિઓક્સિડન્ટ યોગ્ય રીતે કામ કરે તે માટે મદદ કરે છે. લીલાં શાકભાજી, ફળો અને સૂકા મેવા તેનો ઉત્તમ સ્રોત છે.

     

    આહારમાં આ સામેલ કરી શકાય

     

    -ગ્રીન ટી અને બ્લેક ટી બંને રોગપ્રતિકારક તંત્ર માટે લાભદાયી છે, પરંતુ દિવસમાં એક કે બે કપ જ પીવા જોઈએ. વધુ પ્રમાણમાં સેવન કરવાથી નુકસાન થાય છે.

     

    -કાચું લસણ ખાવાથી રોગપ્રતિકારક શક્તિ વધે છે, તેમાં પૂરતા પ્રમાણમાં એલિસિન, ઝિંક, સલ્ફર, સેલેનિયમ અને વિટામિન એ તેમજ ઈ હોય છે.

     

    -દહીંના સેવનથી પણ રોગપ્રતિકારક શક્તિ વધે છે. વળી, દહીંને કારણે પાચનતંત્રની કાર્યક્ષમતા સારી રહે છે. જવમાં પૂરતાં પ્રમાણમાં ફાઇબર ઉપરાંત તેમાં એન્ટી-માઇક્રોબિયલ ગુણ પણ હોય છે. દરરોજ જવનું સેવન કરવાથી રોગપ્રતિકારક ક્ષમતા મજબૂત બને છે.

     

    -વિટામિન ડી માનવશરીર માટે ઉપયોગી છે. તે રોગ સામે લડવાની તાકાત આપે છે. હાડકાંને મજબૂત બનાવી રાખવા માટે અને હૃદયસંબંધી રોગને દૂર રાખવા માટે વિટામિન ડી લેવું બહુ જરૂરી છે.

     

    -વિટામિન સીનું સેવન ચેપી રોગ સામે રક્ષણ માટે ફાયદાકારક સાબિત થાય છે. લીંબુ અને આમળાંમાં વિટામિન સી પૂરતા પ્રમાણમાં હોય છે, જે રોગપ્રતિકારક શક્તિ વધારે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ