Home » Lifestyle » Health » vrschikasana yoga steps and benefits

ચહેરાનો તેજ નિખારવા અને મનની શાંતિ મેળવવા, રોજ કરો માત્ર આ 1 આસન

Divyabhaskar.com | Updated - Jan 20, 2018, 05:18 PM

વૃશ્ચિકાસન મુખ પર કાંતિ આવે છે. તણાવ ઘટે છે. મનમાં શાંતિનો અનુભવ થાય છે

  • vrschikasana yoga steps and benefits
    +1બીજી સ્લાઈડ્સ જુઓ

    હેલ્થ ડેસ્ક, અમદાવાદઃ યોગાસન કરવાથી આપણે સુવિધા અનુભવીએ તેને ઉત્તમ આસન માનવું જોઇએ. વિવિધ પ્રકારનાં યોગાસન અભ્યાસુઓ કરતાં હોય છે. યોગમાં આત્મસંયમ માટે સિદ્ધાસન, પદ્માસન અને સ્વસ્તિકાસન વધારે ફળદાયી છે.

    ચહેરાને નિખારવા કરો વૃશ્ચિકાસન

    આસનમાં મસ્તક, ડોક અને પાંસળીનાં હાડકાં સીધાં હોવાં જોઇએ. આપણી નજર નાક પર કે ભમ્મર રહેવી જોઇએ. આસનમાં આંખો બંધ રાખીને બેસવું જોઇએ. આસન યોગની ક્રિયા આપણા સ્વાસ્થ્ય પર પણ અસર કરે છે. આસન કરવાથી શરીર નિરોગી રહે છે, જેનાથી તણાવ ઘટે છે. મનમાં શાંતિનો અનુભવ થાય છે. નિસ્તેજ ચહેરાને નિખારવા માટે વૃશ્ચિકાસનનો નિયમિત અભ્યાસ કરવો જોઇએ. વૃશ્ચિકાસન ઉપરાંત ઊર્ધ્વ વૃશ્ચિકાસનનો અભ્યાસ પણ કરી શકાય છે.

    આગળ વાંચો કઈ રીતે કરવું વૃશ્ચિકાસન અને શું ધ્યાન રાખવું.

  • vrschikasana yoga steps and benefits

    આસન કઇ રીતે કરવું? 

     

    એકાંત સ્થળે સમતળ જમીન પર આસન પાથરવું. બેસીને બંને હાથની કોણીઓને થોડા-થોડા અંતરે જમીન પર ટેકવી દો. હવે શીર્ષાસનની જેમ મસ્તકને બે હાથની વચ્ચે ટેકવી પગને ઉપર લઇ જાવ. પગ ઉપર જાય ત્યારે માથાને ઉપર ઉઠાવવાનો પ્રયત્ન કરો. અભ્યાસની શરૂઆતમાં થોડું અઘરું જરૂર લાગશે પણ ધીમે ધીમે પ્રેક્ટિસ કરવાથી મસ્તક અને પગથી વૃશ્ચિક જેવી આકૃતિ બનશે. પૂર્ણ સ્થિતિમાં પગને માથાની ઉપર રાખવાનો અભ્યાસ કરો.

     

    શું સાવચેતી રાખવી?

     

    -વૃશ્ચિકાસનનો અભ્યાસ ધીરજ પૂર્વક કરવો. ઝડપ કરીને શરીર પર વધારે જોર ન આપવું.

    -શરૂઆતમાં આસનનો અભ્યાસ કરવો કઠિન લાગશે, પ્રયાસ કરવાથી મસ્તક અને પગથી વૃશ્ચિક જેવી આકૃતિ બનશે. આસન કરવાથી શરીર નિરોગી રહે છે, જેનાથી તણાવ ઘટે છે. મુખ પર કાંતિ આવે છે તથા મનમાં શાંતિનો અનુભવ થાય છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ