Home » Lifestyle » Health » Types and The Genetics of Cancer

જિનેટિક કેન્સર વિશે જાણો છો? બે કે વધુ કેન્સર હોય તો જિનેટિક ટેસ્ટિંગ વિશે જાણો

Divyabhaskar.com | Updated - Jan 12, 2018, 12:33 PM

આનુવંશિક કેન્સર વિશે જાણવું જરૂરી છે

  • Types and The Genetics of Cancer
    +2બીજી સ્લાઈડ્સ જુઓ

    હેલ્થ ડેસ્ક, અમદાવાદઃ આપણા શરીરના કોષોમાં DNA રહેલ છે. કોષોનાં કાર્ય, વિભાજન અને નવા કોષો બનાવવા માટે યોગ્ય કાર્ય કરતું DNA અનિવાર્ય છે. DNAમાં લગભગ 30,000 જનીન (Genes) હોય છે, જે કોષોના કાર્યને કરવાની ખૂબ અગત્યની માહિતી ધરાવે છે.

    એક અથવા વધુ જનીનમાં જો અયોગ્ય પરિવર્તન આવે તો કોષનું કાર્ય જોખમાય છે અને અસામાન્ય કોષ બનવા લાગે છે. આવા કોષ આગળ જતાં કેન્સરમાં પરિવર્તિત થાય છે.

    આગળ વાંચો જનીનના પ્રકાર અને કેન્સરને લગતા જનીનો વિશે.

  • Types and The Genetics of Cancer
    +1બીજી સ્લાઈડ્સ જુઓ

    જનીનમાં પરિવર્તન મુખ્યત્વે બે પ્રકારે થાય છે.

     

    1. એક્વાયર્ડ (Acquired) પરિવર્તન : આ પરિવર્તન બાહ્ય પરિબળોના લીધે થાય છે. એ આનુવાંશિક નથી હોતાં. તમાકુ, રેડિયેશન, વાઇરસ અથવા તો વૃદ્ધત્વ જેવાં પરિબળોના કારણે થાય છે.

     

    2. જર્મલાઇન મ્યુટેશન (Germline Mutation)
    આનુવાંશિક હોય છે. માતા-પિતા દ્વારા બાળકમાં જઈ શકે છે. બધાં કેન્સરમાં 5-10% આ પ્રકારના કેન્સરના હોય છે.

     

    કેન્સરને લગતા જનીનો :-

     

    1. ટ્યુમર સપ્રેસર જીન (Tumor Suppressor Gene) 

     

    આ પ્રકારના જીન રક્ષણાત્મક હોય છે. શરીરના કોષોનું વિભાજન, ખરાબ DNAનું સમારકામ અને સમયાંતરે નવા કોષોના મૃત્યુ માટે એ જવાબદાર છે. આ જનીનના પરિવર્તનથી રક્ષણાત્મક પરિબળ નબળું બને છે. BRCA 1 અને BRCA 2 પરિવર્તન સ્તન કેન્સર તથા અંડાશયના કેન્સર માટે જવાબદાર છે. લગભગ 50% કેન્સર માટે p53 જનીનનું ન હોવું અથવા પરિવર્તન હોવું કારણભૂત હોય છે.

     

    2. ઓન્કોજીન (Oncogene)


    આ જનીન તંદુરસ્ત DNA સાથે જોડાઈ એને કેન્સરયુક્ત બનાવે છે. HER 2: સ્તન અને અંડાશયના કેન્સર તથા તેના ફેલાવા માટે જવાબદાર છે. RAS: કોષોના સંદેશાવ્યવહાર, વૃદ્ધિ અને મૃત્યુ માટે જવાબદાર છે.

  • Types and The Genetics of Cancer

    આનુવંશિક કેન્સર એટલે શું?

     

    ઘણાં જેનીનિક પરિવર્તન માતા-પિતા દ્વારા બાળકમાં સંકૃમિત થતાં હોય છે. આવાં કેન્સરજન્ય પરિવર્તનો વ્યક્તિનું કેન્સર થવાનું જોખમ વધારે છે. 5-10% કેન્સર આ કક્ષામાં આવે છે. જિનેટિક ટેસ્ટિંગથી આ જાણી શકાય છે અને કેન્સર થવાના જોખમ, આગળની પેઢીમાં જવાના જોખમ, કેન્સરની પ્રબળતા વિશે પણ જાણી શકાય છે. નિષ્ણાત દ્વારા જિનેટિક કાઉન્સેલિંગની મદદથી માહિતી મેળવી શકાય છે.

    પરિવારમાં ત્રણ કે વધારે વ્યક્તિને સમાન કેન્સર હોય, બે કે વધુ વ્યક્તિને નાની ઉંમરે કેન્સર હોય અથવા એક વ્યક્તિને બે કે વધુ પ્રકારનાં કેન્સર હોય તો તમારા ડૉક્ટરને મળી જિનેટિક ટેસ્ટિંગ અને કાઉન્સેલિંગની ઉપયોગિતા વિશે જાણવું જરૂરી છે.

     

    સ્તન, અંડાશય, મોટા આંતરડા, થાઇરોઇડ અને અમુક બીજાં કેન્સરો માટે આવા ટેસ્ટ ઉપલબ્ધ છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ