Home » Lifestyle » Health » In Winter apply this home care tips to avoid the cough and cold

આજથી જ રોજ કરો 7માંથી 1 ઉપાય, નહીં રહે શરદી અને કફની તકલીફ

Divyabhaskar.com | Updated - Jan 26, 2018, 09:59 AM

જમ્યા બાદ પણ ગરમ પાણી પીવાનું રાખો.ગળામાં વધારે તકલીફ હોય તો ગરમ પાણીમાં મીઠું મિક્સ કરીને સવાર-સાંજ કોગળા કરો

  • In Winter apply this home care tips to avoid the cough and cold
    +3બીજી સ્લાઈડ્સ જુઓ

    યૂટિલિટી ડેસ્કઃ શિયાળો આવતાંની સાથે અનેક બિમારીઓ પણ સાથે લાવે છે. સૌથી વધારે સમસ્યા કફ અને ગળામાં ખરાશની જોવા મળે છે. એવામાં તમારે શું કરવું એ એક મોટી સમસ્યા રહે છે. શિયાળામાં દિવસમાં 3-4 વાર ગરમ પાણી પીઓ. સાથે જમ્યા બાદ પણ ગરમ પાણી પીવાનું રાખો. જો તમને ગળામાં વધારે તકલીફ હોય તો તમે ગરમ પાણીમાં મીઠું મિક્સ કરીને સવાર-સાંજ કોગળા કરો.

    હળદરનું દૂધ
    રાતે સૂતા પહેલાં ગરમ હળદરવાળું દૂધ પીવાનું રાખો. તેનાથી કફ અને શરદીમાં રાહત મળે છે. ધ્યાન રાખો કે તે પીધા બાદ ઠંડું પાણી ન પીશો.

    આગળની સ્લાઇડ્સ પર ક્લિક કરો અને જાણો અન્ય કયા ઘરેલૂ ઉપાય છે જેની મદદથી તમે કફ અને શરદીને ઘરે જ ક્યોર કરી શકો છો...

  • In Winter apply this home care tips to avoid the cough and cold
    +2બીજી સ્લાઈડ્સ જુઓ

    સરસિયાનું તેલ
    એક ચમચી સરસિયાનું તેલ લો અને તેને હૂંફાળું ગરમ કરો. તેમાંથી ચાર ટીપાં તેલ લો અને સૂતી સમયે તેને નાકમાં નાંખો. આમ કરવાથી સવારે ઊઠતી સમયે તમને શરદીમાં રાહત અનુભવાશે. સતત બેથી ત્રણ દિવસ આમ કરવાથી રાહત મળે છે. 

     

    આદુ અને લીંબુ
    એક કપ પાણીમાં આદુ, બે મરી અને બે લવિંગ લો અને ઉકાળો. તેમાં અડધું લીંબુ મિક્સ કરો. દિવસમાં 2-3 વાર આ પાણીનો ઉપયોગ કરો. આ સિવાય બે ચમચી મધ અને એક લીંબુનો રસ હૂંફાળા પાણીમાં મિક્સ કરીને પીઓ. તે પણ તમને રાહત આપે છે. 

  • In Winter apply this home care tips to avoid the cough and cold
    +1બીજી સ્લાઈડ્સ જુઓ

    ફૂદીનો અને તુલસી
    તુલસીને ગરમ માનવામાં આવે છે. કફની તકલીફ દૂર કરવા માટે તુલસીના પાનનો રસ કાઢીને તેમાં મધ મિક્સ કરીને પીવાથી રાહત મળે છે. આ સિવાય ફૂદીના અને તુલસીના પાનની ચા પીવાથી પણ ગળા અને નાકની તકલીફ ઓછી થઇ શકે છે. તમે ઇચ્છો તો કાળા મરી અને લવિંગ પણ તેમાં મિક્સ કરી શકો છો.

     

    પાનના પાંદડાનું પાણી
    નાના બાળકોને કફની તકલીફ રહ્યા કરે છે. તો પાનના પાંદડાને એક ગ્લાસ પાણીમાં ઉકાળો. આ પાણીને બાળકોને 2-2 ચમચી દિવસમાં 3-4 વાર આપો. તેનાથી કફ મળમાં બહાર નીકળે છે. તેના સેવનથી કફમાં પણ રાહત મળે છે. 

  • In Winter apply this home care tips to avoid the cough and cold

    લસણનો સૂપ
    લસણને ફોલી લો અને બારીક પીસો. હવે એક કપ પાણીમાં તેને થોડીવાર સુધી ઉકાળો. અડધો કપ જેવું પાણી રહે પછી તેને ગાળીને પીઓ. તેનાથી શરદીમાં રાહત અનુભવાય છે.

     

    સ્ટીમ લો
    નાક બંધ હોય અને ગળામાં ખરાશ હોય તો સ્ટીમ વેપોરાઇઝરની મદદ લેવી અનિવાર્ય છે. સ્ટીમ તમારા નેઝલ ટ્રેટમાંના કીટાણુઓને ખતમ કરે છે. ધ્યાન રાખો કે સ્ટીમ લેતી સમયે પાણી વધારે ગરમ ન હોય.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ