Divya Bhaskar

Home » Lifestyle » Health » Possible Heart Symptoms You Should not Ignore

ખૂબ જ ઝડપથી વધી રહી છે હાર્ટએટેકની પ્રોબ્લેમ, તેનાથી બચવા આ કારણો જાણી લો

Divyabhaskar.com | Updated - Jan 15, 2018, 05:14 PM

યુવાનોમાં વધી રહ્યો છે હાર્ટએટેકનો પ્રોબ્લેમ, તેની પાછળના કારણો સમજો

  • Possible Heart Symptoms You Should not Ignore
    +4બીજી સ્લાઈડ્સ જુઓ

    હેલ્થ ડેસ્ક, અમદાવાદઃ આપણી જીવનશૈલી બદલાઈ ગઈ છે. આહાર, આચાર અને વિચાર જીવનશૈલીના મુખ્ય પાયા છે. પાશ્ચાત્ય ઢબનો ખોરાક, ફાસ્ટફૂડનો ચટકારો, સમયની અનિયમિતતા, વધુ ચરબી અને કાર્બોહાઇડ્રેટ્સ, ઓછાં શાકભાજી અને ફળો, શારીરિક પરિશ્રમનો અભાવ, બેઠાડું જીવન, તણાવ, વાતાવરણ-હવા પાણીનું પ્રદૂષણ, આ બધાં પરિબળો અગત્યનો ભાગ ભજવે છે. એમાં તમાકુ, બીડી, સિગારેટ ઉમેરો અને વારસાગત રીતે રોગ ઉમેરો તો પછી હૃદયરોગનું પ્રમાણ વિસ્ફોટક ના બને તો શું નવાઈ! નોર્મલ કોલેસ્ટ્રોલ શું છે, તેનાથી શું થાય?

    આગળ વાંચો કોલેસ્ટ્રોલ શું છે, તેનાથી શું થાય અને હાર્ટએટેક આવવાના કારણો.

  • Possible Heart Symptoms You Should not Ignore
    +3બીજી સ્લાઈડ્સ જુઓ

    બહુ ઓછા લોકો જાણે છે કે, કોલેસ્ટ્રોલ પાંચ પ્રકારનાં હોય છે :
     
    1. લોહીમાં ટોટલ કોલેસ્ટ્રોલનું લેવલ 200 એમજી (પરસેન્ટ)થી ઓછું હોવું જોઈએ.

     

    2. એચડીએલ- સારા પ્રકારનું કોલેસ્ટ્રોલ છે. તેનું લેવલ પુરુષોમાં 55 ટકા કરતાં વધારે અને સ્ત્રીઓમાં 65 ટકાથી વધારે હોવું જોઈએ.

     

    3. ટ્રાયગ્લિસરાઇડ- આ એક ખરાબ પ્રકારનું કોલેસ્ટ્રોલ છે. તેનું લેવલ 150 એમજીથી ઓછું હોવું જોઈએ.

     

    4. એલડીએલ- ખરાબ કોલેસ્ટ્રોલ છે. તેનું લેવલ 100 એમજીથી ઓછું અને ડાયાબિટીસના દર્દીમાં 70 એમજીથી ઓછું હોવું જોઈએ.

     

    5. વીએલડીએલ- આ કોલેસ્ટ્રોલનું લેવલ 30 ટકાથી ઓછું હોવું જોઈએ. જેમાં કોલેસ્ટ્રોલ-એચડીએલનો રેશિયો 3 કરતાં ઓછો અને એલડીએલ-એચડીએલ કરતાં અઢી કરતાં ઓછો હોવો જોઈએ.

     

    આગળ વાંચો નાની ઉંમરમાં હાર્ટએટેક આવવા પાછળના કારણો વિશે.

  • Possible Heart Symptoms You Should not Ignore
    +2બીજી સ્લાઈડ્સ જુઓ

    કોલેસ્ટ્રોલ નોર્મલ હોવા છતાં હાર્ટએટેક આવવાનાં કારણો?
     
    કોલેસ્ટ્રોલ એકલું જોખમી પરિબળ નથી, પણ હાર્ટએટેક થવાનાં અન્ય પરિબળો પણ ધ્યાનમાં લેવાં જોઈએ, જેને કંટ્રોલ કરીને હાર્ટએટેક આવતો અટકાવી શકાય છે અને તેની તીવ્રતા પણ ઘટાડી શકાય છે.
     
    મેદસ્વીપણું અને વધુ વજન કોને કહેવાય?
     
    જવાબ : મેદસ્વિતા બીએમઆઈ (બોડી માસ ઇન્ડેક્સ)ને આધારે નક્કી થાય છે. વ્યક્તિનો બીએમઆઈ 18થી 25 હોય તો નોર્મલ કહેવાય, બીએમઆઈ 25થી 30 વચ્ચે હોય તો વધુ વજન અને બીએમઆઈ 30થી વધુ હોય તો મેદસ્વી કહેવાય.
     
    બીએમઆઈ કેવી રીતે માપી શકાય?
     
    જવાબ : વજન (કિગ્રા.) ભાગ્યા (ઊંચાઈ) 2 મીટરમાં આવે તે બીએમઆઈ ગણાશે.
     
    બાળકોનું વજન વધુ હોય તે ચિંતાજનક છે?
     
    જવાબ : બાળકોનું વધુ વજન ચોક્કસ ચિંતાનજક ગણાય, કારણ કે નાની ઉંમરમાં મેદસ્વિતાને લીધે ડાયાબિટીસ, બીપી અને કોલેસ્ટ્રોલનું પ્રમાણ વધે છે અને તે આગળ જતાં હૃદયરોગનું કારણ બની શકે.

  • Possible Heart Symptoms You Should not Ignore
    +1બીજી સ્લાઈડ્સ જુઓ

    મેદસ્વી બાળકની ઉંમર વધતાં હૃદયરોગ થવાની શક્યતા કેટલી?
     
    જવાબ : મેદસ્વી બાળકની ઉંમર વધતાંની સાથે હૃદયરોગની શક્યતા અતિશય વધારે હોય છે. આવાં બાળકોમાં ડાયાબિટીસ, બીપી અને કોલેસ્ટ્રોલને લીધે લોહીની નળીઓ ઉંમર કરતાં વહેલી સાંકડી થાય છે અને બ્લોકેજ થવાની શક્યતા વધી જાય છે.
     
    પેટનો ઘેરાવો કે ફાંદ હૃદયરોગ નોતરી શકે?
     
    જવાબ : પેટનો ઘેરાવો પુરુષોમાં 40 ઇંચથી વધારે અને મહિલાઓમાં 35 ઇંચથી વધુ હોય છે. (પેટનો ઘેરાવો નાભિ (ડૂંટી)થી આજુબાજુનો ગોળ ફરતો એરિયા માપવો) જે લોકોના પેટના ઘેરાવાનું માપ ઉપર જણાવ્યા કરતાં વધુ હોય તો હૃદયરોગની શક્યતા 40 ટકા સુધી વધી જાય છે.
     
    પૂરતી કસરત અને યોગ્ય ડાયટથી પણ વજન ઘટે તો શું કરવું જોઈએ?
     
    જવાબ : જો આવું થાય તો ચિંતા કરવાની જરૂર નથી, કસરત અને ડાયટનો ફાયદો એ છે કે તેનાથી હૃદયરોગ અટકાવવામાં મદદરૂપ થઈ શકે છે, કારણ કે નિયમિત ડાયટ અને કસરતથી હૃદયરોગ માટે જોખમી પરિબળો જેવાં કે, ડાયાબિટીસ, બીપી અને કોલેસ્ટ્રોલ કંટ્રોલમાં રહે છે.

  • Possible Heart Symptoms You Should not Ignore

    વજન વધુ નથી છતાં કસરત જરૂરી છે?
     
    જવાબ : એ જરૂર નથી કે, માત્ર મેદસ્વીને જ હૃદયરોગ થઈ શકે. નોર્મલ વજન હોવા છતાં હૃદયરોગનાં અન્ય પરિબળો ડાયાબિટીસ, બીપી અને કોલેસ્ટ્રોલ, અનિયમિત લાઇફસ્ટાઇલ, બેઠાડું જીવન અને ધૂમ્રપાનથી પણ હૃદયરોગ થઈ શકે છે, જેથી દરેક વ્યક્તિ માટે કસરત આવશ્યક છે.
     
    દિવસમાં કેટલો સમય કસરત કરવાથી હૃદયરોગ નિવારી શકાય?
     
    જવાબ : દરરોજ નિયમિત ઓછામાં ઓછું 30 મિનિટ ચાલવું જોઈએ. જો તમે શારીરિક રીતે મજબૂત હોવ અને 45 વર્ષથી ઓછી વય હોય તો જોગિંગ કરી શકો છો, સાથોસાથ સ્વિમિંગ, સાઇકલિંગ અને દોરડાં કૂદવાં જેવી એરોબિક્સ કરી શકો છે. જો ઉંમર 45 વર્ષ કરતાં વધુ હોય તો શારીરિક ક્ષમતા પ્રમાણે વોકિંગ (ઝડપથી ચાલવું) કરવું.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending