Divya Bhaskar

Home » Lifestyle » Health » Natural ways to improve white blood cells in body

બોડીમાં વ્હાઈટ બ્લડ સેલ્સ વધારી રહો બીમારીઓથી દૂર, 7 નેચરલ રીતથી વધારો

Divyabhaskar.com | Updated - Jan 15, 2018, 02:01 PM

આ 7 રીત અપનાવો, તમારા શરીરમાં ક્યારેય નહીં થાય વ્હાઈટ બ્લડ સેલ્સની ઉણપ

  • Natural ways to improve white blood cells in body
    +4બીજી સ્લાઈડ્સ જુઓ

    હેલ્થ ડેસ્ક, અમદાવાદઃ વ્હાઈટ બ્લડ સેલ્સ આપણા શરીરને વિવિધ સંક્રમણ સામે રક્ષણ પ્રદાન કરે છે, સાથે જ બાહ્ય વિષાક્ત પદાર્થોથી આપણા શરીરની રક્ષા કરીને રોગપ્રતિકારક શક્તિને વધારે છે.

    વ્હાઈટ બ્લડસ સેલ્સને નેચરલી વધારો

    વ્હાઈટ બ્લડ સેલ્સ સતત નષ્ટ થતાં રહે છે અને નવા બનતા રહે છે. વ્હાઈટ બ્લડ સેલ્સનું પ્રમુખ કાર્ય બ્લડમાં રહેલાં વિષાક્ત પદાર્થો અને બેક્ટેરિયાને ખતમ કરીને શરીરની રક્ષા કરવી છે. એઈડ્સ, કેન્સર અને હેપેટાઈટિસ જેવી બીમારીને કારણે વ્હાઈટ બ્લડ સેલ્સની સંખ્યા ઓછી થવા લાગે છે. જોકે સારાં ખોરાકની મદદથી વ્હાઈટ બ્લડ સેલ્સની સંખ્યાને વધારી શકાય છે. જેથી આજે અમે તમને એવી વસ્તુઓ વિશે જણાવીશું જેને ડાયટમાં સામેલ કરવાથી તમારા શરીરમાં વ્હાઈટ બ્લડ સેલ્સની ઉણપ ક્યારેય નહીં સર્જાય.

    આગળ વાંચો શરીરમાં વ્હાઈટ બ્લડ સેલ્સની ઉણપ ન સર્જાય તે માટે આ ખોરાક છે જરૂરી.

  • Natural ways to improve white blood cells in body
    +3બીજી સ્લાઈડ્સ જુઓ

    ગ્રીન ટી

     

    ગ્રીન ટીમાં ભરપૂર માત્રામાં એન્ટીઓક્સીડેન્ટ હોય છે અને સાથે જ તેમાં કેલરી પણ નહીવત્ હોય છે. ગ્રીન ટીમાં વિટામિન સી અને પોલીફિનોલ સિવાય એન્ટીઓક્સીડેન્ટ પણ સારી માત્રામાં હોય છે. જે શરીરમાં બેક્ટેરિયાને નષ્ટ કરીને ઈમ્યૂન સિસ્ટમને મજબૂત બનાવે છે અને વ્હાઈટ બ્લડ સેલ્સની સંખ્યા પણ વધારે છે. 

     

    દહીંનું સેવન

     

    દરરોજ દહીંનું સેવન કરવાથી બીમારીઓ સામે લડવાની ક્ષમતા અને વ્હાઈટ બ્લડ સેલ્સની સંખ્યા વધે છે. દહીંમાં દૂધની સરખામણીમાં કેલ્શિયમની માત્રા વધારે હોય છે. દહીંમાં રહેલાં બેક્ટેરિયા અને પોષક તત્વ શરીર માટે એન્ટીબાયોટિકનું કામ કરે છે અને રોગો સામે લડવાની ક્ષમતા વધારે છે. 

  • Natural ways to improve white blood cells in body
    +2બીજી સ્લાઈડ્સ જુઓ

    લસણ

     

    લસણ એક ઔષધી સમાન છે અને તેના અઢળક ફાયદાઓ છે. તેમાં એન્ટીઓક્સીડેન્ટ ભરપૂર માત્રામાં હોય છે. જે આપણી ઈમ્યૂન સિસ્ટમને બીમારીઓ સામે લડવાની તાકાત આપે છે. લસણમાં એલિસિન નામનો તત્વ હોય છે. જે શરીરને ઈન્ફેક્શન અને બેક્ટેરિયા સામે લડવામાં મદદ કરે છે. દરરોજ ભોજનમાં લસણ સામેલ કરવાથી પેટમાં અલ્સર અને કેન્સર સામે રક્ષણ મળે છે અને વ્હાઈટ બ્લડ સેલ્સની સંખ્યામાં પણ વધારો થાય છે. એક સંશોધન પ્રમાણે વ્હાઈટ બ્લડ સેલ્સ શરીરને સંક્રમણ સામે લડવા માટે સક્ષમ બનાવે છે અને આ સિવાય પ્રતિરક્ષા કોશિકાઓને પણ ઉત્તેજિત કરે છે. 
     

  • Natural ways to improve white blood cells in body
    +1બીજી સ્લાઈડ્સ જુઓ

    સેલેનિયમને ડાયટમાં કરો સામેલ

     

    સેલેનિયમ વ્હાઈટ બ્લડ સેલ્સના નિર્માણમાં મદદ કરે છે. કેટલાક સંશોધનોમાં આ વાત જાણવા મળી છે કે સેલેનિયમ શરીરને કેટલાક પ્રકારના સંક્રમણને રોકવામાં પણ મદદ કરે છે. જો તમે વ્હાઈટ બ્લડ સેલ્સ વધારવા માગો છો તો તમારા આહારમાં સેલેનિયમવાળા ખોરાકનું સેવન કરવાનું શરૂ કરી દો. તેના માટે શતાવરી, ફ્લાવર, કાકડી, લસણ, ડુંગળી, મશરૂમ, મૂળા, સાબૂત અનાજ, સમુદ્રી ઘાસ, મીટ, બ્રાઉન રાઈઝ વગેરેને સામેલ કરો. 

     

    ફોલિક એસિડ

     

    શરીરમાં વ્હાઈટ બ્લડ સેલ્સ બનાવવા માટે ફોલિક એસિડની જરૂર હોય છે અને ફોલિક એસિડની ઉણપને કારણે લાલ રક્ત કોશિકાઓનું સ્તર ઘટે છે જેના કારણે એનીમિયાનો રોગ થઈ શકે છે. શરીરમાં ફોલિક એસિડની માત્રા વધારવાથી તમને આવી સમસ્યાથી છુટકારો મળશે. તેના માટે તમારી ડાયટમાં પાલક, ખાટ્ટા ફળો અને જ્યૂસ, લીલાં શાકભાજી વગેરે સામેલ કરો. 

  • Natural ways to improve white blood cells in body

    ઝિંક

     

    ઝિંક વ્હાઈટ બ્લડ સેલ્સમાં રહેલાં એન્જાઈમના સૌથી મહત્વપૂર્ણ ઘટક હોય છે. આ મિનરલની ઉણપથી શરીરમાં વ્હાઈટ બ્લડ સેલ્સની સંખ્યા ઓછી થવા લાગે છે. જેથી તમારા આહારમાં ઝિંકને સામેલ કરવું જોઈએ. ઝિંક માટે તમે મીટ, માછલી અને દૂધનું સેવન કરી શકો છો. કરચલો, સીપ અને રેડ મીટ, સી ફૂડ પણ ઝિંકનો સારો સ્ત્રોત માનવામાં આવે છે. 

     

    વિટામિન સી

     

    વિટામિન સી બ્લડ કોલેસ્ટ્રોલને નિયંત્રિત કરે છે. વ્હાઈટ બ્લડ સેલ્સ યોગ્ય રીતે કાર્ય કરી શકે તે માટે વિટામિન સી મદદ કરે છે અને તેની સંખ્યા પણ વધારે છે. જેના કારણે ઈમ્યૂન સિસ્ટમ મજબૂત બને છે અને કોઈપણ પ્રકારના સંક્રમણ સામે લડવામાં મદદ મળે છે. વિટામિન સી ખાસ કરીને ખાટ્ટા ફળો જેમ કે સંતરા, પાઈનેપલ, ટામેટા, સિમલા મિર્ચ, લીલી શાકભાજીઓ વગેરેમાં સારી માત્રામાં મળી રહે છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending