Divya Bhaskar

Home » Lifestyle » Health » Know excellent health benefits of spinach

તમારી ઘણી તકલીફોમાં ખૂબ જ ફાયદો કરશે આ 1 અતિગુણકારી શાક, જાણી લો

Divyabhaskar.com | Updated - Feb 17, 2018, 04:40 PM

સાવ સસ્તું એવું પાલક મોટા-મોટા રોગોમાં છે ફાયદાકારી, આ રીતે કરો સેવન

  • Know excellent health benefits of spinach
    +4બીજી સ્લાઈડ્સ જુઓ
    પાલક ખાવાથી બ્લડપ્રેશર, ડાયાબિટીસ, કેન્સર જેવા ઘાતક રોગો સામે રક્ષણ મળે છે

    હેલ્થ ડેસ્ક, અમદાવાદઃ પાલક અમૃત સમાન લાભકારી શાકભાજી છે પાલકમાં જે ગુણો અને પોષણ હોય છે તે બધાં સામાન્ય રીતે અન્ય કોઈ શાકભાજીઓમાં એકસાથે હોતા નથી. તેમાં એન્ટીઈન્ફ્લામેટરી અને એન્ટીકેન્સર પ્રોપર્ટી પણ રહેલી છે.

    પાલકમાંથી મળતાં ન્યૂટ્રિશન્સ

    પાલકમાં ફેટ અને કોલેસ્ટ્રોલનું પ્રમાણ ઓછું હોય છે. આ સાથે તેમાં ભરપૂર પ્રમાણમાં નિયાસિન, રીબોફ્લેવિન, ઝિંક, પ્રોટીન, ફાયબર, વિટામિન એ, સી, ઈ અને કે, થાયમિન, વિટામિન બી6, ફોલેટ, કેલ્શિયમ, આયર્ન, મેગ્નેશિયમ, ફોસ્ફરસ, પોટેશિયમ, કોપર અને મેગનીઝ જેવા પોષક તત્વો હોય છે. આ સિવાય તેમાંથી બીટા કેરોટીન, લ્યુટેન પણ મળી રહે છે.

    આગળ વાંચો પાલક ખાવાથી તમને કેવા લાભ મળે છે અને કેમ ડાયટમાં પાલકને સામેલ કરવું જોઈએ.

  • Know excellent health benefits of spinach
    +3બીજી સ્લાઈડ્સ જુઓ
    પાલક અમૃત સમાન લાભકારી શાકભાજી છે

    પાલકથી મળતાં સ્વાસ્થ્ય ફાયદાઓ


    હીમગ્લોબિન વધારે છે-


    લોહીમાં હીમગ્લોબિનનું પ્રમાણ ઘટી ગયું હોય તેવા લોકોને ડોક્ટર પાલકની ભાજીનું સેવન કરવાની સલાહ આપે છે. કબજિયાત અને અપચાની સમસ્યાનો હલ પણ પાલકની ભાજીમાં રહેલો છે. 


    શ્વાસના રોગોમાં ગુણકારી-


    આર્યુવેદ પ્રમાણે શ્વાસ ચઢવો, સોજાં ચડી જતાં હોય કે પાંડુ રોગની સમસ્યા હોય તે લોકો પણ પાલકની ભાજી ખાવી જોઈએ. 


    કોઈપણ સ્વરૂપમાં પાલક ખાવું જોઈએ


    પાલકની ભાજીનું સેવન, પાલકનો રસ, સૂપ તેમજ પાલકની ભાજીમાંથી બનેલી વાનગીઓ તમને બ્લડપ્રેશર, એનીમિયા, કબજિયાત દૂર કરવામાં મદદરૂપ છે. કેટલાક લોકો તેને કાચી પણ ખાય છે. 


    ગર્ભવતી સ્ત્રીઓ માટે લાભકારી-

     

    પાલકમાંથી મળતું કેલ્શિયમ બાળકો, વૃદ્ધો, ગર્ભવતી સ્ત્રીઓ અને સ્તનપાન કરાવતી સ્ત્રીઓ માટે બહુ લાભકારી હોય છે. ગર્ભવતી સ્ત્રીઓમાં ફોલિક એસિડની ઉણપને દૂર કરવામાં પાલક સક્ષમ હોય છે. આના નિયમિત સેવનથી યાદશક્તિ તેજ થાય છે.

  • Know excellent health benefits of spinach
    +2બીજી સ્લાઈડ્સ જુઓ
    પાલકમાં જે ગુણો અને પોષણ હોય છે તે બધાં સામાન્ય રીતે અન્ય કોઈ શાકભાજીઓમાં એકસાથે હોતા નથી

    સ્પર્મ કાઉન્ટને વધારે છે- 


    પાલકનું સેવન કરવાથી સ્પર્મ કાઉન્ટ વધે છે. પાલકમાં ફોલિક એસિડ, આયર્ન અને એન્ટીઓક્સીડેન્ટ ભરપૂર માત્રામાં હોય છે. જે સ્પર્મ કાઉન્ટને હેલ્ધી રાખવામાં મદદ કરે છે અને ફર્ટિલિટીને વધારે છે.


    ત્વચાને યુવાન બનાવી રાખે છેઃ- 


    પાલકમાં ભરપૂર માત્રામાં એન્ટીઓક્સીડેન્ટ જોવા મળે છે. તેના નિયમિત સેવનથી કરચલીઓ દૂર થઈ જાય છે. સાથે જ ત્વચામાં સંકોચન આવે છે. પાલક અને લીંબુનો રસ સરખી માત્રામાં મેળવો. આ રસમાં બે કે ત્રણ ટીપાં ગ્લિસરીન મેળવીને ત્વચા પર રાતે સૂતી વખતે લગાવો. કરચલીઓ દૂર થવા લાગશે.


    ખીલ થઈ જશે દૂરઃ- 


    પાલકનો જ્યૂસ પીવાથી સ્કિન પ્રોબ્લેમ દૂર થઈ જાય છે. ઘણીવાર શરીર ઉપર દાણા થઈ જાય છે. પાલકના નિયમિત સેવનથી લોહી સાફ રહે છે. પાલકના પાનને પીસીને ચહેરા ઉપર 15-20 મિનિટ સુધી લગાવીને રાખવાથી ખીલની સમસ્યા દૂર થઈ જાય છે અને ચહેરો ચમકવા લાગે છે. પાલકના પાનને પાણીમાં ઉકાળીને ચહેરો ધોવાથી પણ ત્વચાની સમસ્યાઓ દૂર થઈ જાય છે.


    ડાયાબિટીસના દર્દીઓ માટે ફાયદાકારકઃ-


    પાલકનું ગ્લાઈસેમિક ઈન્ડેક્સ સ્તર ઓછું હોય છે, જે શરીરમાં ગ્લૂકોઝના સ્તરને સામાન્ય બનાવી રાખે છે. એટલા માટે ડાયાબિટીસના દર્દીને નિયમિત રીતે પાલકના જ્યૂસનું સેવન કરવું ખૂબ જ ફાયદાકારક રહે છે.

  • Know excellent health benefits of spinach
    +1બીજી સ્લાઈડ્સ જુઓ
    પાલકમાં એન્ટીઈન્ફ્લામેટરી અને એન્ટીકેન્સર પ્રોપર્ટી પણ રહેલી છે

    પેટની બીમારીઓને દૂર કરે છેઃ- 


    પાલકમાં ફાયબર સારી માત્રામાં જોવા મળે છે. એટલા માટે તેના સેવનથી પાચન સારી રીતે થઈ જાય છે. કબજિયાતથી આરામ મેળવવા માટે 100 મિલિલીટર પાલકના જ્યૂસમાં એટલું જ પાણી મેળવીને પીવાથી ફાયદો થાય છે. પાલકનો રસ જઠર, આંતરડા કે પેટની બીમારીઓમાં ખૂબ જ લાભદાયી રહે છે. તેના સેવનથી કબજિયાત, એસિડીટી, ગેસ, અપચો, હરસ વગેરે સમસ્યાઓ દૂર થઈ જાય છે.


    દાંતને મજબૂત બનાવેઃ- 


    પાલકના જ્યૂસમાં કેલ્શિયમ સારી માત્રામાં જોવા મળે છે. એટલા માટે પાલક દાંતને મજબૂત બનાવી રાખે છે અને તેની સફેદી ટકાવી રાખે છે. તે મુખમાં એસિડને જમા નથી થવા દેતું.


    કેન્સર સામે રક્ષણ આપે છેઃ-


    જર્નલ ઓફ કેન્સરમાં પ્રકાશિત સંશોધન પ્રમાણે પાલકમાં ફ્લેવોનોઈડ્સ સારી માત્રામાં હોય છે. તે મહિલાઓમાં કેન્સરની સંભાવનાને 40 ટકા સુધી ઓછી કરી દે છે. તે સિવાય તે શરીરની કેન્સર પ્રતિરોધી ક્ષમતાને વધારે છે.


    અવસાદ દૂર કરે છેઃ- 


    પાલકમાં રહેલું એન્ટીઓક્સીડેન્ટ મગજને તાજગી આપે છે. સાથે જ અવસાદને પણ દૂર કરી દે છે.


    હાઈ બ્લડપ્રેશર- 


    પાલકના સેવનથી આપણા શરીરને એ તમામ જરૂરી તત્વો મળે છે જેનાથી ન માત્ર શરીરનું વિકાસ થાય છે પરંતુ લોહીની નળીઓ પણ ખુલે છે. જેથી હાઈબ્લડપ્રેશરમાં પાલકનું સેવન વરદાન સમાન છે. 

  • Know excellent health benefits of spinach
    પાલકમાં ફેટ અને કોલેસ્ટ્રોલનું પ્રમાણ ઓછું હોય છે

    પાલકના જ્યૂસના ફાયદા


    -થાઈરોઈડની સમસ્યામાં એક ગ્લાસ પાલકના રસની સાથે એક ચમચી મધ અને પા ચમચી જીરાનું ચૂર્ણ મેળવીને સેવન કરવાથી લાભ થાય છે. 


    -હૃદયરોગના દર્દીને દરરોજ એક કપ પાલકના જ્યૂસની સાથે 2 ચમચી મધ મેળવીને લેવું જોઈએ, તે ખૂબ જ ગુણકારી છે.  


    -પાલકના એક ગ્લાસ જ્યૂસમાં સ્વાદ પ્રમાણે સિંધાલૂણ મીઠું મેળવીને સેવન કરવાથી દમ અને શ્વાસ રોગોમાં ખૂબ લાભ મળે છે.    


    -પાલકમાં રહેલું ફ્લેવોનોઈડ્સ એન્ટીઓક્સીડેન્ટનું કામ કરે છે. જે રોગપ્રતિકારક ક્ષમતા વધારે છે. આ સિવાય હૃદયની બીમારી સામે રક્ષણ આપે છે.


    -પાલકનો રસ- કાચા પાલકનો રસ અત્યંત ગુણકારી હોય છે. તે સમગ્ર પાચનતંત્ર પ્રણાલીને ઠીક કરે છે. ખાંસીમાં કે ફેફસાંમાં સોજા આવ્યા હોય તો પાલકના રસના કોગળા કરવાથી લાભ થાય છે. 


    -પાલકનું રસ પીવાથી આંખોની રોશની વધે છે. પાલકનો રસ રોજ પીવાથી મેમરી બૂસ્ટ થાય છે. તેમાં આયોડીન હોવાથી મગજનો થાક દૂર કરે છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending