Home » Lifestyle » Health » વર્કિંગ વુમન આરોગ્ય ટિપ્સ, Working Women Health Tips: Some severe Health problems occur to working women

વર્કિંગ વુમનને થઈ શકે છે આ 6 ગંભીર બિમારીઓ, ધ્યાનમાં રાખો આ બાબતો

Divyabhaskar.com | Updated - May 30, 2018, 11:00 AM

ઓફિસ વચ્ચે કામકાજનો તાલમેળ સાધતી મહિલાઓ ઘણી ગંભીર બિમારીઓનો ભોગ બનતી હોય છે

  • વર્કિંગ વુમન આરોગ્ય ટિપ્સ, Working Women Health Tips: Some severe Health problems occur to working women
    +2બીજી સ્લાઈડ્સ જુઓ
    મહિલાઓ ઘણી ગંભીર બિમારીઓનો ભોગ બનતી હોય છે

    યુટિલિટિ ડેસ્ક: પરિવાર અને ઓફિસ વચ્ચે કામકાજનો તાલમેળ સાધતી મહિલાઓ ઘણી ગંભીર બિમારીઓનો ભોગ બનતી હોય છે. હા જોકે, કેટલીક બાબતોનું ધ્યાન રાખવામાં આવે તો, આ બિમારીઓથી ચોક્કસથી બચી શકાય છે, પણ જો પૂરતું ધ્યાન આપવામાં ન આવે તો તેનું ગંભીર પરિણામ પણ આવી શકે છે.


    પુરૂષોની તુલનામાં મહિલાઓ સ્ટ્રેસનો ભોગ વધુ બને છે. તેનું એક કારણ એ છે કે, મહિલાઓને જૉબ સિવાય ઘરની અને પરિવારની જવાબદારી પણ હોય છે. તેમના પર આ બધી જવાબદારીઓ સમયસર નિભાવવાનું સતત દબાણ પણ હોય છે. આ માટે મહિલાઓએ પોતે કરી શકે એટલાં કામની જ જવાબદારી લેવી, જેથી સ્ટ્રેસ વધી ન જાય. સાથે-સાથે પૂરતી ઊંઘ લેવી અને એક્સરસાઇઝ પણ કરવી. ડિપ્રેશનમાં રહેતી મહિલાઓએ એવી વ્યક્તિ સાથે વાત કરવી, જેમના પર તેમને વિશ્વાસ હોય.

    વર્કિંગ મહિલાઓને વજન વધી જવાની સમસ્યા બહુ સતાવતી હોય છે. તેમનું વજન તો લિમિટ કરતાં વધી જાય તો હાર્ટની બિમારીની પણ શક્યતા રહે છે. વજન ઘટાડવા માટે તેમણે ખૂબજ પાણી પીવું જોઇએ અને જરૂરિયાત મુજબ પ્રોટીન લેવું જોઇએ. નિયમિત કસરત કરવી જોઇએ. શક્ય હોય ત્યાં સુધી મસાલેદાર અને તળેલા ભોજનને ટાળવું જોઇએ. વધારે માત્રામાં ગળી વસ્તુઓ અને મીઠાનું સેવન પણ ટાળવું. ગરમ પાણીમાં લીંબુનો રસ અને મધ મિક્સ કરી સેવન કરવું જોઇએ. તેનાથી વજન ઘટે છે.


    આગળની સ્લાઇડ પર ક્લિક કરી જુઓ બીજી કઈ-કઈ બિમારીઓ થઈ શકે છે (Working Women Health Tips)....

  • વર્કિંગ વુમન આરોગ્ય ટિપ્સ, Working Women Health Tips: Some severe Health problems occur to working women
    +1બીજી સ્લાઈડ્સ જુઓ
    વચ્ચે-વચ્ચે બ્રેક લેવાથી ઘણો ફાયદો મળે છે

    માઇગ્રેન એક પ્રકારનો મસ્તિષ્ક વિકાર છે, જે એક પ્રકારનો માથાનો દુખાવો છે. તેમાં માથામાં એકતરફો દુખાવો રહે છે. આ બિમારી કોઇને પણ થઈ શકે છે, પરંતુ કેટલાક લોકોમાં આ ખતરો વધુ હોય છે. છતાં પણ કેટલીક સાવધાની રાખવામાં આવે તો, તમે બિમારીને દૂર રાખી શકો છો. પોતાની લાઇફ સ્ટાઇલમાં, ખાવા-પીવાની આદતમાં બદલાવ લાવવાથી અને ઓફિસના કામ દરમિયાન વચ્ચે-વચ્ચે બ્રેક લેવાથી ઘણો ફાયદો મળે છે. 
     


    ઓફિસમાં વધારે શારીરિક શ્રમ ન હોય તો મેદસ્વિતાની શક્યતાઓ વધી જાય છે. તેનાથી શરીરમાં અને લોહીમાં કોલેસ્ટ્રોલની માત્રા વધી જાય છે. જેના કારણે મેદસ્વિતાની સમસ્યા જન્મે છે. ધુમ્રપાન કે આલ્કોહોલથી પણ આ સમસ્યા વધે છે. કોલેસ્ટ્રોલને નિયંત્રણમાં રાખવા ખાવા-પીવાનું ધ્યાન રાખવું જોઇએ. તળેલી વસ્તુઓ અન ફાસ્ટફૂડ ન લેવાં. આ સિવાય ખાવામાં મીઠાનો ઉપયોગ ઓછો કરવો. નિયમિત કસરત કરવી. 


    આગળની સ્લાઇડ પર ક્લિક કરી જુઓ બીજી કઈ-કઈ બિમારીઓ થઈ શકે છે....

  • વર્કિંગ વુમન આરોગ્ય ટિપ્સ, Working Women Health Tips: Some severe Health problems occur to working women
    ઓફિસમાં ભૂખ લાગવાથી મહિલા અને યુવતીઓ ફાસ્ટફૂડ લેતી હોય છે

    મોટાભાગે ઓફિસમાં ભૂખ લાગવાથી મહિલા અને યુવતીઓ ફાસ્ટફૂડ લેતી હોય છે. જેના કારણે મેદસ્વિતા વધે છે. પ્રોટીન અને ફાઇબર ઓછાં લેવાથી અને ફેટી ફૂડ વધારે પડતાં લેવાથી શરીરમાં ગ્લૂકોઝ વધે છે, જેના કારણે ડાયાબિટીઝ થઈ જાય છે. તેનાથી બચવા માટે શુગર ચેક કરાવતા રહેવું જોઇએ. વજન નિયંત્રિત રાખવું જોઇએ. ખાવામાં પ્રોટીન અને ફાઇબરથી ભરપૂર ડાયટ લેવું જોઇએ. આલ્કોહોલ ન લેવો જોઇએ. 
     


    ઓફિસમાં ખોટી મુદ્રામાં બેસવાથી, વધારે સમય સુધી ખુરશી પર બેસી રહેવાથી ઑસ્ટિયોરોસિસની સમસ્યા થાય છે. જેમાં હાડકાં નબળાં પડી જાય છે અને ફ્રેક્ચરની શક્યતાઓ વધી જાય છે. પોષક આહારનું સેવન કરવું જોઇએ. કેલ્શિયમ અને વિટામિન ડીથી ભરપૂર ડાયટ લેવું જોઇએ. લીલાં શાકભાજી, ડેરી પ્રોડક્ટ્સ, માછલી વગેરેનું સેવન કરવું જોઇએ. કામ કરતાં-કરતાં બ્રેક લેતા રહેવું અને વજન વધવા ન દેવું. નિયમિત વૉક પર જવું અને એક્સરસાઇઝ સાથે યોગ પણ કરવા. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending