Divya Bhaskar

Home » Lifestyle » Health » Know 11 signs and symptoms for kidney disease

શરીરમાં આ 11 તકલીફો જણાય તો સમજો હોઈ શકે છે કિડનીના રોગોની શરૂઆત

Divyabhaskar.com | Updated - Mar 10, 2018, 12:54 PM

કિડનીની સમસ્યા છે કે નહીં તેના માટે સમજો લક્ષણો અને કરો ઈલાજ

  • Know 11 signs and symptoms for kidney disease
    +5બીજી સ્લાઈડ્સ જુઓ

    હેલ્થ ડેસ્ક, અમદાવાદઃ આપણા શરીરમાં કોઈપણ રોગ થયો હોય તો તેના લક્ષણોની અગાઉથી ઓળખ થઈ જાય તો સમય પહેલાં જ મોટી બીમારીથી બચી શકાય અને યોગ્ય ઈલાજ કરાવી શકાય છે. મોટા ભાગના કિડનીનાં રોગો પણ ભેદી અને છૂપા હોય છે. આ રોગો ગુપચુપ પોતાનું કામ કરતાં રહીને આપણને નુકસાન પહોચાડી શકે છે. આ રોગોમાં શરૂ શરૂમાં ક્યારેય લક્ષણો દેખાતા નથી. જ્યાં સુધી પરિસ્થિતિ ખુબ વણસી ના જાય ત્યાં સુધી રોગીને તેની ખબર જ પડતી નથી. જેથી આપણે તેને વહેલી તકે પકડી પાડવું તે જ યોગ્ય ઉપાય છે.

    આપણા શરીરમાં ઘણા એવા ફેરફારો થવા લાગે છે જે કિડનીના રોગના સંકેત હોય છે. જો આ ફેરફારોને યોગ્ય સમયે પારખી લેવામાં આવે તો વહેલી તકે તેનુ નિદાન થઈ શકે છે અને ગંભીર બીમારીમાંથી બચી શકાય છે. તો આજે જાણી લો શરીરમાં કેવા ફેરફાર થાય તો સમજવુ કે આ છે કિડની રોગના સંકેત.

    આગળ વાંચો કયા 11 ફેરફાર થાય તો સમજવું કે છે કિડની રોગની શરૂઆત છે.

  • Know 11 signs and symptoms for kidney disease
    +4બીજી સ્લાઈડ્સ જુઓ

    પેશાબમાં તકલીફ


    કિડની રોગનું પ્રથમ લક્ષણ છે પેશાબની માત્રા અને આવર્તનમાં ફેરફાર. ઘણીવાર પેશાબની માત્રામાં વધારો અથવા ઘટાડો જોવા મળે છે ખાસ કરીને રાત્રનાં સમયે. ક્યારેક ઘેરા રંગનુ પ્રવાહી પણ નીકળે. ઘણીવાર એવું થાય કે પેશાબ કરવા જેવું લાગે પરંતુ કરવા જતાં પેશાબ થાય નહી. પેશાબ દરમ્યાન પીડા થવી અથવા કરવામાં તકલીફ થવી, ક્યારેક એવું પણ બને કે પેશાબ કરવામાં જોર પડે, તકલીફ પડે અથવા ખૂબ પીડા થાય. પેશાબની નળીઓમાં (કે અવયવોમા) ચેપનાં કારણે દુઃખાવો અને સખત બળતરાં થાય. જ્યારે આ ચેપનો વિસ્તાર કિડની સુધી પહોંચે ત્યારે પીઠમાં દુખાવો અને તાવ આવવાની શરૂઆત થાય. 

     

    પેશાબમાં લોહી


    પેશાબમાં લોહી આવવું એ કિડની રોગનું એક ચોક્કસ લક્ષણ છે કે જે એક ચિંતાનો વિષય છે. આના અન્ય કારણો પણ હોઈ શકે છે, પરંતુ જો આવા લક્ષણો દેખાય તો તે માટે તમારે ડોક્ટરની મુલાકાત લેવી જરૂરી છે.

  • Know 11 signs and symptoms for kidney disease
    +3બીજી સ્લાઈડ્સ જુઓ

    સોજો


    કિડની આપણા શરીરમાંથી કચરો અને વધારાનું પ્રવાહી દૂર કરે છે. જ્યારે તે આવું કરવા માટે અસમર્થ થાય, ત્યારે શરીરનો કચરો અને વધારાનું પ્રવાહી સોજાનું રૂપ લે છે અને આ સોજા આપણા હાથમાં, પગમાં, ઘૂંટી અને ચહેરા પર ઉપસી આવે છે.


    ઉબકા અને ઊલ્ટી

     

    કિડનીનાં રોગને લીધે લોહીમાં જમા થતી અશુધ્ધિનાં કારણે ઉબકા અને ઊલ્ટી પણ થઇ શકે છે.

  • Know 11 signs and symptoms for kidney disease
    +2બીજી સ્લાઈડ્સ જુઓ

    સતત નબળાઇ અને ભારે થાક 


    આપણી કિડની એરાઈથ્રોપોટિન નામનું એક હોર્મોન ઉત્પન્ન કરે છે જે લાલ રક્ત કોશિકાઓ બનાવવા મદદ કરી શરીરમાં ઓક્સિજનનું વહન કરે છે. કિડનીના રોગોમાં, એરાઈથ્રોપોટિનનો ઘટાડો થતાં લાલ રક્ત કોશિકાઓમાં ઘટાડો થાય છે અને શરીરમાં રક્તક્ષય થાય છે. શરીરનાં કોષોને ઓક્સિજન ઓછું મળે છે અને તેથી શરીરમાં નબળાઇ અને ભારે થાક લાગે છે.

     

    ચક્કર આવવા અને એકાગ્રતામાં મુશ્કેલી

     

    કિડનીનાં રોગમાં રક્તક્ષય (લોહીનો અપૂરતો પુરવઠો) થતાં મગજમાં ઓક્સિજનનો પુરવઠો ઘટી જાય છે જેથી આપણને ચક્કર આવે છે અને એકાગ્રતામાં મુશ્કેલી થાય છે.

  • Know 11 signs and symptoms for kidney disease
    +1બીજી સ્લાઈડ્સ જુઓ

    આખો દિવસ દરમ્યાન ઠંડી લાગવીઃ


    જો તમને કિડનીનો રોગ થયો હોય તો રક્તક્ષયનાં કારણે શરીર ઠંડુ લાગે અથવા ટાઢ લાગે છે. આસપાસનું વાતાવરણ ગરમ હોય ત્યારે પણ શરીરને ટાઢનો અનુભવ થાય. પાયલોનફ્રીટિસને લીધે તમને ઠંડીથી તાવ પણ આવી શકે છે.

     
    ત્વચા પર ખંજવાળ અને ઘસરકા :


    કિડનીનું કામ બગડતાં લોહીમાં અશુધ્ધિ અને કચરો જમા થાય છે જેને કારણે સખત અને તીવ્ર ખંજવાળ આવે છે અને ત્વચા પર ઘસરકાના નિશાન જોવા મળે છે.

  • Know 11 signs and symptoms for kidney disease

    શ્વાસમાં દુર્ગન્ધ અને જીભમાં અપ્રિય સ્વાદ


    કિડનીમાં કોઈ સમસ્યા ઉદભવે તો લોહીમાં યુરિયાનું પ્રમાણ વધી જાય છે. આ યુરિયા દુર્ગંધરૂપે મોઢામાં થતી લાળમાં ભળી જાય છે અને પેશાબ જેવી દુર્ગંધ પેદા કરે છે. ઘણીવાર આને લીધે મોઢામાં એક અપ્રિય સ્વાદ જેવું પણ લાગે છે.

     
    પીઠ અથવા પડખામાં પીડા


    કિડનીના રોગના કેટલાક કિસ્સાઓમા પીઠમાં ખેંચાણ પણ થઇ શકે છે. જો મૂત્રનળીઓમાં પથરી હોય તો આ ખેંચાણ પીઠના નીચલા ભાગથી લઇને પેઢુંના ભાગ સુધી પહોંચી શકે છે. આ દુખાવા પોલિસિસ્ટિક નામના રોગને લીધે પણ થઇ શકે છે, આ એક પ્રકારનો કિડનીનો આનુવાંશિક વિકાર છે. જેને કારણે મૂત્રાશયમાં પાણી ભરાય છે. મૂત્રાશયની દિવાલમાં ચીરા કે કાપા પડતા તીવ્ર બળતરા અને તકલીફ થાય છે.

     

    હાંફ ચઢવી:


    કિડની રોગમાં ફેફસાંમાં એક પ્રકારનું પ્રવાહી/સ્ત્રાવ પેદા થાય છે અને તેને લીધે રક્તક્ષય, કિડનીના રોગની આડઅસર, શરીરને ઓક્સિજનની ઉણપ વગેરે થાય છે. આ પરિબળોને લીધે શ્વાસ લેવામાં તકલીફ થઇ શકે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending