Divya Bhaskar

Home » Lifestyle » Health » home remedies for improve babies health

નાના બાળકોની નાની-નાની સમસ્યાઓનો ઘરે જ કરો ઈલાજ, અપનાવો દેશી દવા

Divyabhaskar.com | Updated - Mar 28, 2018, 03:23 PM

બાળકોની નાની-નાની સમસ્યાઓ દૂર કરવા, અજમાવો આ ઘરેલૂ ઉપાયો

  • home remedies for improve babies health
    +4બીજી સ્લાઈડ્સ જુઓ

    હેલ્થ ડેસ્ક, અમદાવાદઃ નાના બાળકોને નાની-નાની સ્વાસ્થ્ય સમસ્યાઓ તો ચાલતી જ રહે છે. પરંતુ નાના બાળકોને જ્યારે કોઈ સમસ્યા થાય ત્યારે તેની તકલીફ સમજવી બહુ જ મુશ્કેલ હોય છે કારણ કે નાના બાળકો બોલી ન શકે અથવા તો સરખી રીતે જણાવી ન શકે કે તેમને શું તકલીફ થઈ રહી છે તો તેનું નિદાન પણ મુશ્કેલ બને છે. જેના માટે આડઅસર વિનાના ઘરેલૂ ઉપાય જ અપનાવવા જોઈએ. તો આજે જાણી લો એવા ઉપાયો વિશે.

    બાળકોની સમસ્યાઓ માટે ઉપાયો

    -અંજીરવાળું દૂધ આપવાથી બાળકોને સારું પોષણ મળે છે.

    -સાકર અથવા ગોળ સાથે નાનાં બાળકોને કોપરું ખવડાવવાથી તેમનું સુકલકડી શરીર હૃષ્ટપુષ્ટ થાય છે.

    -નિયમિત પપૈયું ખવડાવવાથી બાળકોની ઉંચાઈ વધી શરીર મજબૂત અને તંદુરસ્ત બને છે.

    -પાકાં ટામેટાંનો તાજો રસ નાનાં બાળકોને દિવસમાં બે-ત્રણ વાર આપવાથી બાળકો નિરોગી, બળવાન અને હૃષ્ટપુષ્ટ બને છે.

    આગળ વાંચો નાના બાળકોની નાનકડી સ્વાસ્થ્ય સમસ્યાઓ માટે ઘરેલૂ ઉપચાર.

  • home remedies for improve babies health
    +3બીજી સ્લાઈડ્સ જુઓ

    બાળકના દાંત આવવા 

     

    -ખજૂર ધોઈ ચોખ્ખા સુતરઉમાં પરોવી બાળકના ગળે બાંધી દેવું, જેથી એ ખજૂર સતત ચુસતું રહે. ખજૂર ખાવાથી દાંત આવવાની કોઈ પણ તકલીફ બાળકને થશે નહીં. ખજૂર પૌષ્ટિક હોવાથી બાળક માટે એ શક્તિવર્ધક પણ રહેશે.

    -લીલી તાજી હળદરનો રસ બાળકના પેઢા પર દિવસમાં બેત્રણ વખત લગાવવાથી દાંત આવવામાં કોઈ તકલીફ રહેતી નથી.

     

    બાળકનો વિકાસ

     

    -જે બાળકનો શારીરીક અને માનસિક વિકાસ ન થતો હોય તેને દરરોજ આહારમાં બાળકની પાચન શક્તિ મુજબ અંકુરીત ઘઉં આપવા. અંકુરીત ઘઉં નિયમીત લેવાથી બાળકનો સર્વાંગી વિકાસ શક્ય બને છે.

    -બટાટાનો તાજો રસ ૧-૧ નાનો કપ સવાર-સાંજ નિયમીત આપવાથી નાના બાળકનો વિકાસ બરાબર ન થતો હોય તેમાં ફાયદો થાય છે. બટાટાનો તાજો રસ નાનાં ધાવતાં બાળકોને પણ આપી શકાય.

  • home remedies for improve babies health
    +2બીજી સ્લાઈડ્સ જુઓ

    બાળક પથારીમાં પેશાબ કરે 

     

    -કાળા તલ રાત્રે બાળકને ખવડાવવાથી પથારીમાં પેશાબ કરવાની તકલીફ મટે છે.

    -આમળાં અને હળદરનું સમાન ભાગે બનાવેલા ૧-૧ ચમચી ચુર્ણનું મધ સાથે બાળકને દિવસમાં ત્રણવાર સેવન કરાવવાથી પથારીમાં પેશાબ કરવાની તકલીફ મટે છે.

    -સાંજે પ્રવાહી બને તેટલું ઓછું આપવું અને સાંજના આહારમાં બટાટા આપવા. સાંજે બટાટા ખાવાથી રાત્રે પેશાબ કરવાની તકલીફ મટે છે.

     

    ઉધરસ 

     

    -ધાણા અને સાકરને ચોખાના ઓસામણમાં પીવડાવવાથી બાળકોની ઉધરસ મટે છે.

    -દાડમના રસનું ચાટણ અથવા તેના ફળની છાલ પાણીમાં ઘસી ચટાડવાથી બાળકોની ઉધરસ મટે છે.

    -એેલચીને ઘીના દીવા પર સહેજ શેકીને વાટી મધ સાથે ચટાડવાથી ઉધરસમાં ફાયદો થાય છે.

    -દિવસમાં ચારેક વખત બાળકને સહેજ સહેજ કોપરેલ ચટાડવાથી ખાંસી મટી જાય છે.

    -લસણની કળીઓને કચરી પોટલી બનાવી ગળામાં બાંધી રાખી વાસ લેવાથી કફ મટે છે.

    -બાળકોને ઊલટીની સમસ્યામાં કારેલાનાં ત્રણ બી અને ત્રણ કાળાં મરી પાણી સાથે પથ્થર પર ઘસી બાળકને પીવડાવવાથી તીવ્ર ઊલટી બંધ થાય છે.

    -ડુંગળી અને ગોળ રોજ ખવડાવવાથી બાળકની ઉંચાઈ જલ્દી વધે છે.

  • home remedies for improve babies health
    +1બીજી સ્લાઈડ્સ જુઓ

    બાળકોના ઝાડા 

    -જાયફળ અને સુંઠને ગાયના ઘીમાં ઘસીને તેનો ઘસરકો ચટાડવાથી બાળકને શરદીને લીધે થતા ઝાડા મટે છે.

    -દાડમના ફળની છાલ પાણીમાં ઘસી પાણી સાથે મેળવીને પાવાથી બાળકોનો અતીસાર મટે છે.

    -બાળકના ઝાડા બંધ કરવા દાડમની છાલ પથ્થર પર ઘસી મધમાં ચટાડવી.

    -થોડા તલ અને સાકર વાટી મધમાં ચટાડવાથી બાળકોના લોહીના ઝાડા મટે છે.

    -બે એલચી અને એક ચમચી ખસખસ બદામી થાય ત્યાં સુધી શેકી વાટીને મધ અથવા વાટેલી સાકર સાથે ચટાડવાથી બાળકના ઝાડા મટે છે.

     

    બાળકોના કૃમી 

     

    -એક ચમચી ડુંગળીનો રસ આપવાથી અન્ન ખાતાં બાળકોના ઝીણા કૃમી મરી જાય છે, અને ફરી થતા નથી તથા અપચો પણ મટે છે.

    -છાશમાં વાવડીંગનું ચુર્ણ નાખી પાવાથી બાળકોના કૃમિ મટે છે.

  • home remedies for improve babies health

    બાળકોને દૂધની ઉલટી 

     

    -ટામેટાનો એક-બે ચમચી રસ દૂધ પીવડાવતાં પહેલાં આપવાથી બાળકોને થતી દૂધની ઉલટી મટે છે.

    -લીંબુના રસમાં મધ મેળવી ચટાડવાથી બાળકોનું દૂધ ઓકવું બંધ થાય છે.

    -બહુ નાનાં બાળકોને શરદીમાં મધ અને આદુનો રસ ભેગાં કરી સેવન કરાવવાથી રાહત થશે.

    -સ્તનપાન કરતાં નાનાં બાળકને માના ધાવણમાં સહેજ જાયફળ ઘસીને પાવાથી શરદીમાં લાભ થાય છે.

     

    બાળકને તાવ 

     

    -એકાદ નાની ચમચી મરીનું ચુર્ણ ગરમ પાણીમાં સવાર-સાંજ આપવું. પ્રયોગ બાદ બાળકને એકાદ કલાક આરામ કરાવવો. બાળકનો સામાન્ય તાવ આ પ્રયોગથી ઉતરી જાય છે.


    બાળકને પેટનો દુખાવો 


    -નાના બાળકને પેટમાં દુખતું હોય અને પેટ ફુલી ગયું હોય તો અડધી ચમચી હિગ, બે-ત્રણ ટીપાં બ્રાન્ડી કે પાણીમાં પેસ્ટ બનાવી ડુંટીમાં લગાવવાથી પેટનો દુખાવો મટે છે. હીંગને ગરમ કરીને પણ પેટ પર ચોપડી શકાય.


    -તુલસીના પાનના રસમાં થોડી સૂંઠ મેળવીને આપવાથી બાળકોને પેટની ચુંક મટે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending