Home » Lifestyle » Health » હાર્ટ એટેકના સંકેતો | Early signs of heart attack

એલર્ટ રહેજો, હાર્ટ એટેક આવે તે પહેલા શરીર આપે છે આવા સંકેતો

Divyabhaskar.com | Updated - May 10, 2018, 03:58 PM

યોગ્ય સમયે જો હાર્ટ એટેકના સંકેતો ઓળખી લેવામાં આવે તો સારવાર શક્ય છે

  • હાર્ટ એટેકના સંકેતો | Early signs of heart attack
    +1બીજી સ્લાઈડ્સ જુઓ

    યુટિલિટી ડેસ્કઃ હાર્ટ એટેકનું નામ સાંભળતાં જ લોકો ફફડી જતાં હોય છે. અગાઉ માત્ર મોટી ઉંમરે આવતો હાર્ટ પ્રોબ્લેમ હવે ત્રીસીમાં પણ આવતો હોય છે. ન્યુ દિલ્હીના BLK હાર્ટ સેન્ટરના સિનિયર કાર્ડિયોલોજિસ્ટ ડો. અજય કૌલના જણાવ્યાનુસાર, મોટાભાગના કિસ્સાઓમાં હાર્ટ એટેકના સંકેતો એક મહિના પહેલાંથી જ મળવા લાગે છે. જો આ સંકેતોને સમય રહેતાં ઓળખી લેવામાં આવે તો યોગ્ય સારવાર શક્ય બને છે.

    જે વ્યક્તિને હાર્ટ એટેક આવવાનો હોય છે તેનું શરીર અગાઉ જ તેને કેટલાંક સંકેતો આપતું હોય છે. અહીં અમે આવા જ કેટલાંક લક્ષણો અંગે જણાવ્યું છે.

    હાર્ટ એટેક આવે તે પહેલાના સંકેતોઃ


    - અચાનક બહુ જ ગરમી લાગવી અને પરસેવો વળવો.
    - જોર જોરથી નસકોરા બોલવા. ઘણીવાર ઊંઘ તૂટવી.
    - છાતી પર દબાણ લાગવું. છાતી પર કોઇએ અચાનક જ ભાર મૂકી દીધો તેવું ફીલ થવા લાગે.
    - માથુ, પેટનો ઉપરનો ભાગ, પીઠ, ડાબો હાથ, ગરદન કે દાંતમાં કોઇ પણ કારણ વિના સતત દર્દ અનુભવાય.
    - ડાબી તરફથી પાંસળીઓની આસપાસ અથવા છાતીના વચ્ચેના ભાગમાં દુઃખાવો થવો અને બાદમાં આપમેળે દુઃખાવો બંધ થઇ જવો.
    - છાતીમાં અથવા પીઠના ઉપરના ભાગમાં સતત દબાણ થતું હોવાનો અહેસાસ થવો.

    આગળ જાણો હાર્ટ એટેકના આગોતરા લક્ષણો અંગે

  • હાર્ટ એટેકના સંકેતો | Early signs of heart attack

    - શ્વાસ લેવામાં અચાનક જ તકલીફ થવી અને ધબકારા ઝડપી થઇ જવા. 
    - અપચો અને વારંવાર ઊલટી થાય તેવું લાગે અથવા વારંવાર ઊલટી થવી. 
    - સતત નબળાઇ લાગવી. થોડું કામ કરવાથી પણ થાક લાગવો. 
    - હૃદયમાં તકલીફ હોય ત્યારે હાર્ટ યોગ્ય રીતે શરીરમાં બ્લડ પંપ કરી શકતું નથી. તેવામાં પગમાં સોજાની સમસ્યા થઇ શકે છે. 
    - હૃદયની સમસ્યા હોય ત્યારે ઘણીવાર સતત બેચેની લાગે, માથું ભમતું હોય તેવો અહેસાસ પણ થતો રહે છે.

     

    ઉપરોક્ત રજૂ કરેલા ઘણા લક્ષણો સામાન્ય લાગે છે, પરિણામે મોટાભાગના લોકો તેને નજર અંદાજ કરતાં હોય છે. પરંતુ હેલ્થ પ્રત્યે જાગરુક રહેવા માટે તમારે તમારું શરીર શું કહે છે તે ધ્યાનથી સાંભળવું જરૂરી છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending