Home » Lifestyle » Health » dont do this when wash your face

તમે તો નથી કરતાને ચહેરો ધોતી વખતે આ ભૂલો, ત્વચાને થશે નુક્સાન

Divyabhaskar.com | Updated - Feb 07, 2018, 06:53 PM

તમારી ત્વચાને જરૂરિયાત કરતા વધારે વખત ધુઓ છો તો પાણીના કારણે ત્વચા સુકી થઇ શકે છે

  • dont do this when wash your face
    +4બીજી સ્લાઈડ્સ જુઓ
    ત્વચામાં તાજગી જાળવી રાખવા માટે લોકો પોતાના ચહેરાને સમયાંતરે ધોતા રહે છે

    યુટિલિટી ડેસ્કઃ પોતાની ત્વચાને લઇને દરેક વ્યક્તિ ચિંતિત હોય છે, કારણ કે ત્વચા ઘણી જ સંવેદનશીલ હોય છે અને એક નાની અમથી ભૂલ મોટું નુક્સાન પહોંચાડી શકે છે. ત્વચામાં તાજગી જાળવી રાખવા માટે લોકો પોતાના ચહેરાને સમયાંતરે ધોતા રહે છે, જેથી ચહેરા પર થતી ગંદકી, બેક્ટેરિયાનો નષ્ટ થઇ જાય. ચહેરો ધોવાથી ખીલ થતા નથી અને સાથે જ ત્વચા સંબંધી સમસ્યાઓ પણ ઘટી જાય છે. તેનાથી ત્વચા પર સોજો, બળતરા ઓછી થઇ જાય છે, પરંતુ જો તમે તમારી ત્વચાને જરૂરિયાત કરતા વધારે વખત ધુઓ છો તો પાણીના કારણે ત્વચા સુકી થઇ શકે છે, ત્વચા ઢીલી થઇ શકે છે. તેવામાં તમને એ વાતની જાણકારી હોવી જરૂરી છેકે ચહેરા પરની ત્વચાને કેટલીવાર ધોવામાં આવે તો ફાયદો થાય છે, કેટલાક લોકો ચહેરાને ધોતી વખતે કેટલીક ભૂલો કરે છે, આજે અમે એવી જ ભૂલો અંગે જણાવી રહ્યાં છીએ કે જેને ટાળવામાં અથવા તો એ ભૂલો કરવામાં ન આવે તો નુક્સાનનો ખતરો રહેતો નથી કે પછી ખતરો ઓછો થઇ જાય છે.

    વધુ વખત ચહેરો ધોવો


    ત્વચાને નિખરેલી અને સ્વસ્થ રાખવા માટે કેટલાક લોકો વારંવાર ચહેરો ધોતા હોય છે. આવું સૌથી વધારે એ લોકો કરે છે, જેમની ત્વચા તૈલી હોય છે. જોકે ચહેરો વારંવાર ધોવાથી ત્વચા શુષ્ક થઇ શકે છે અને જેમની ત્વચા તૈલી હોય તેમની ત્વચાના તેલનું ઉત્પાદન વધી જાય છે. તેથી દિવસમાં બે વાર ચહેરો ધોવો એ શ્રેષ્ઠ વિકલ્પ માનવામાં આવે છે.

    આગળની સ્લાઇડ્સમાં વાંચો અન્ય નુક્સાન

  • dont do this when wash your face
    +3બીજી સ્લાઈડ્સ જુઓ
    હાથ ધોયા વગર ચહેરો ધોવાથી હાથમાં રહેલા બેક્ટેરિયા ત્વચામાં ચોંટી જાય છે

    ગંદા હાથોથી ચહેરો ધોવો

    મોટાભાગે લોકો ચહેરો ધોતા પહેલાં હાથ ધોવાનું ભૂલી જાય છે. જેના કારણે તમે તમારા ચહેરાને ધુઓ છો તો તમારા હાથમાં રહેલા બેક્ટેરિયા, કીટાણું અને ગંદકી તમારી ત્વચામાં ચોંટી જાય છે, જેના કારણે ત્વચા સંબંધી સમસ્યાઓ થાય છે. તેથી ચહેરાને ધોતા પહેલાં તમારા હાથને સારી રીતે ધોવાનું રાખો. 

    આગળની સ્લાઇડ્સ પર વાંચો ગરમ પાણીથી ધોવું

  • dont do this when wash your face
    +2બીજી સ્લાઈડ્સ જુઓ
    ગરમ પાણીના કારણે રક્ત વાહિણીઓ વધી જાય છે અને સંવેદનશીલ તંતુઓ તૂટવા લાગે છે

    ગરમ પાણીથી ધોવું

    ગરમ પાણી ત્વચા માટે હાનિકારક હોય છે કારણ કે ત્વચા સંવેદનશીલ હોય છે. ગરમ પાણીના કારણે રક્ત વાહિણીઓ વધી જાય છે અને સંવેદનશીલ તંતુઓ તૂટવા લાગે છે, જેના કારણે ત્વચામાં વિભિન્ન પ્રકારની સમસ્યાઓ થવા લાગે છે. ગરમ પાણી સ્વાભાવિક રીતે જરૂરી તેલને ત્વચામાંથી ખતમ કરી નાંખે છે, જે ત્વચાની ઇન્ટિગ્રિટીને જાળવી રાખવામાં મદદ કરે છે. જેના કારણે ત્વચા સુકી અને બેજાન થવા લાગે છે. 
     

    આગળની સ્લાઇડ્સમાં વાંચો વધુ એક્સફોલિએશન કરવું

  • dont do this when wash your face
    +1બીજી સ્લાઈડ્સ જુઓ
    જરૂરિયાત કરતા વધારે એક્સફોલિએટ કરો છો તો તમારા ચહેરા પર લાલાશ આવે છે અને ત્વચા છોલાવા લાગે છે

    વધુ એક્સફોલિએશન કરવું

    એક્સફોલિએશનનો અર્થ થાય છે ત્વચાની મૃત કોશિકાઓને હટાવવી. રેગ્યુલર એક્સફોલિએશન ત્વચાને નરમ, સ્વસ્થ અને નિખરવામાં મદદ કરે છે, પરંતુ તમે જરૂરિયાત કરતા વધારે એક્સફોલિએટ કરો છો તો તમારા ચહેરા પર લાલાશ આવે છે અને ત્વચા છોલાવા લાગે છે. તેથી ત્વચાને વધુ એક્સફોલિએટ ન કરવી જોઇએ. 

    આગળની સ્લાઇડ્સમાં વાંચો ડર્ટી વોશિંગ ટૂલ્સનો ઉપયોગ કરવો

  • dont do this when wash your face
    ળકો માટેના રૂમાલનો ઉપયોગ કરવો શ્રેષ્ઠ વિકલ્પ છે, જે ત્વચાને નરમ રાખે છે

    ડર્ટી વોશિંગ ટૂલ્સનો ઉપયોગ કરવો

    જો તમે તમારા ચહેરાને સાફ કરવા માટે રૂમાલ અથવા વોશક્લોથનો ઉપયોગ કરો છો તો એ વસ્તુઓને પણ સાફ રાખવાની જરૂર છે. ગંદા રૂમાલ તમારી ત્વચા પર ગંદકીને ફરીથી જમા કરી શકે છે, જેનાથી તમારી ત્વચાને ઇન્ફેક્શન થઇ શકે છે. તેથી બાળકો માટેના રૂમાલનો ઉપયોગ કરવો શ્રેષ્ઠ વિકલ્પ છે, જે ત્વચાને નરમ રાખે છે, ખંજવાળ અને બળતરાની સમસ્યાથી દૂર રાખે છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ