Home » Lifestyle » Health » disease and fitness tips for age of 40 and more

ચાલીસી વટાવી ગયા છો, તો આ રીતે પોતાને રાખો ફીટ એન્ડ ફાઇન

Divyabhaskar.com | Updated - Jan 20, 2018, 05:09 PM

મેનોપોઝ બાદ ઘણી સમસ્યાઓ, ચીડિયો સ્વભાવ, થાક, વજન વધવું, સતત ખાતા રહેવાની ઇચ્છા જેવી આદતો જન્મ લે છે

  • disease and fitness tips for age of 40 and more
    +2બીજી સ્લાઈડ્સ જુઓ

    યુટિલિટી ડેસ્કઃ સામાન્ય રીતે 40 વર્ષ બાદ મહિલાઓમાં અનેક પ્રકારની બીમારીઓ જોવા મળે છે. આ ઉમરનો એ પડાવ છે, જ્યારે સ્ત્રીના શરીરમાં અનેક પ્રકારના બદલાવ જોવા મળે છે. આ ઉમરમાં મેનોપોઝ બાદ ઘણી સમસ્યાઓ, ચીડિયો સ્વભાવ, થાક, વજન વધવું, સતત ખાતા રહેવાની ઇચ્છા જેવી આદતો જન્મ લે છે. જોકે આ તમામ સમસ્યાઓ મહિલાઓમાં એક સરખી જોવા મળતી નથી. અનેક મહિલાઓને લાગે છે કે તે એકદમ સ્વસ્થ છે, પરંતુ તે સંપૂર્ણપણે સ્વસ્થ ન હોય તેવું પણ બને. તેવામાં એ જાણવું જરૂરી છેકે તમારી હેલ્થને ક્રોસ ચેક કરો અને ડોક્ટરની સલાહ લો. આ સાથે જ રૂટિન ચેકઅપ કરાવતા રહો અને ખાનપાન તથા ફીટનેસ પર ધ્યાન આપો.


    40ની ઉમર બાદ થતી સમસ્યાઓ અને તેનાથી બચવાના ઉપાયો શું છે

    બ્લડ પ્રેશર


    આ ઉમરમાં બ્લડ પ્રેશરનો ખતરો રહે છે, જ્યારે મહિલાઓ ખાનપાનમાં ધ્યાન નથી આપતી ત્યારે આ સમસ્યા ઉભી થાય છે.


    ડાયટઃ ઓમેગા-થ્રી ફેટી એસિડયુક્ત આહારનું સેવન બ્લડ પ્રેશરને નિયંત્રિત કરવાની સાથે હૃદયની અનિયમિત ગતિને પણ યોગ્ય કરવામાં મદદરૂપ થાય છે.


    ફિટનેસઃ એક સંશોધન અનુસાર સિલ્વર યોગ બ્લડ પ્રેશરની સમસ્યાને ઓછી કરે છે. જો તમે એકપણ યોગ નથી કરી શકતા તો સવારે 45 મીનિટ ચાલો. પ્રારંભની 10 મીનિટ સામાન્ય ગતિથી અને બાદની 20 મીનિટ ઝડપથી ચાલો, બાદમાં 10 મીનિટ ગતિ મધ્યમ રાખો. જો સવારે ન ચાલી શકો તો રાત્રે ભોજન લીધા બાદ 30 મીનિટ ચાલવાનું રાખો.

    આગળ વાંચો 40ની ઉમર બાદ થતી સમસ્યાઓ અને તેનાથી બચવાના ઉપાયો શું છે

  • disease and fitness tips for age of 40 and more
    +1બીજી સ્લાઈડ્સ જુઓ

    કોલેસ્ટ્રોલ
    મહિલાઓમાં કોલેસ્ટ્રોલની સમસ્યા પણ હોય છે. તેથી મહિલાઓએ દર પાંચ વર્ષમાં કોલેસ્ટ્રોલની તપાસ કરાવવી જોઇએ. એક સંશોધનમાં જાણવા મળ્યું છેકે ક્યારેક ક્યારેક એચડીએલ અથવા સારું કોલેસ્ટ્રોલ પણ ટાઇપ 1 ડાયાબિટિસથી પીડિત મહિલાઓને હૃદય રોગનો ખતરો વધારી દે છે. 

    ડાયટઃ ઉચ્ચ ફાયબરયુક્ત પદાર્થ જેમ કે દલિયા, જવ, ઘઉં, ફળ અને શાકભાજીનું સેવન કરો. આ લોહીમાં કોલેસ્ટ્રોલ ઓછું કરવામાં મદદ કરે છે. 

    ફિટનેસઃ અઠવાડિયામાં પાંચ દિવસ 30થી 40 મીનિટ એરોબિક એક્સરસાઇઝ કરો અને પોતાના લિપિડ પ્રોફાઇલને મોનિટર કરો. 

  • disease and fitness tips for age of 40 and more

    ડાયાબિટિસ

    ડાયાબિટિસ એક ગંભીર સમસ્યા છે, યોગ્ય સમયે તેની ખબર ન પડે તો હૃદય રોગ, કિડની અને આંખો સંબંધિત સમસ્યાઓ થવાની શક્યતાઓ રહેલી છે. તેથી સ્ત્રીઓએ વર્ષમાં એકવાર ડાયાબિટિસની તપાસ અવસ્ય કરાવી લેવી જોઇએ.

    ડાયટઃ ફાયબર ડાયટ સુગર લેવલને નિયંત્રિત કરે છે. તેથી ઘઉં, બ્રાઉન રાઇસ અથવા તો વ્હીટ બ્રેડ વગેરેને પોતાના ડાયટમાં સામેલ કરો. સાથે જ તાજા ફળ અને શાકભાજીનું સેવન કરો. આ ઉપરાંત ઉચ્ચ પ્રોટીન ડાયટ લો અને ખુબ પાણી પીવો. 

    ફીટનેસઃ વ્યાયામ કરવાથી શરીરમાં રક્તસંચાર યોગ્ય રીતે થાય છે. તેનાથી બ્લડ સુગર નિયંત્રિત રહે છે. મેટાબોલિજમ સંતુલિત રહે છે અને ડાયાબિટિસનો ખતરો ટળે છે. ડાયાબિટિસના દર્દીઓએ અનેક પ્રકારની કસરતો કરવી જોઇએ. ક્યારેક યોગ કરો, કાર્ડિયો કરો અને ક્યારેક વેટ લિફ્ટિંગ કરો. હંમેશા એક પ્રકારની કસરત ન કરો. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ