Divya Bhaskar

Home » Lifestyle » Health » ઓરી બાળકની રોગપ્રતિકારક શક્તિ નબળી પાડે તે પહેલાં ચેતી જાઓ । chicken pox affect child's immunity system

ઓરી બાળકની રોગપ્રતિકારક શક્તિ નબળી પાડે તે પહેલાં ચેતી જાઓ

Divyabhaskar.com | Updated - Apr 14, 2018, 08:29 PM

ઓરી (MEASLES) મુખ્યત્વે 5 વર્ષથી નાનાં બાળકોમાં પેરામિક્સો વાઇરસ દ્વારા થાય છે

  • ઓરી બાળકની રોગપ્રતિકારક શક્તિ નબળી પાડે તે પહેલાં ચેતી જાઓ । chicken pox affect child's immunity system
    +1બીજી સ્લાઈડ્સ જુઓ

    યુટિલિટી ડેસ્કઃ ઓરી (MEASLES) મુખ્યત્વે 5 વર્ષથી નાનાં બાળકોમાં પેરામિક્સો વાઇરસ દ્વારા થાય છે, જે ખૂબ જ ચેપી હોય છે અને ઝડપથી લોકોમાં ચેપ ફેલાય છે. એક ચેપી બાળક બીજાં 12-18 બાળકોમાં સંપર્કથી ચેપ ફેલાવી શકે છે. ઓરીનો વાઇરસ છીંક-ખાંસીના સ્ત્રાવથી હવા દ્વારા ફેલાય છે. ઓરીનો વાઇરસ બાળકની રોગપ્રતિકારક શક્તિને બહુ નબળી બનાવે છે. ઓરીને લીધે 2016માં 89,780 મૃત્યુ થયાં, જેમાં 5 વર્ષથી ઓછી ઉંમરનાં બાળકોનું પ્રમાણ વધારે હતું. 2017માં યુરોપના 10 દેશો. જેવા કે, રોમાનિયા, ઇટાલીમાં ઓરીના 17,584 દર્દી નોંધાયા છે. મોટાભાગે અપૂરતું રસીકરણ કારણ છે. અપૂરતા રસીકરણવાળાં બાળકો અને પ્રેગ્નન્ટ માતાઓને ઓરીનું જોખમ વધારે હોય છે. બાળકને ઓરીથી બચાવવું તે જ ઉત્તમ ઉપાય છે.

    લક્ષણો-ચિહ્નો

    - સતત, વધારે પ્રમાણમાં તાવ 4-7 દિવસ સુધી.
    - ખાંસી, શરદી, આંખો લાલ થવી, બાળકના ગાલના અંદરના ભાગમાં ઝીણા સફેદ ડાઘા થવા.
    - બાળકના શરીર ઉપર 4 દિવસના તાવ પછી ઝીણાં લાલ ચકામાં (RASH) જે કાનના પાછળના ભાગથી શરૂઆત થાય છે, ત્યારબાદ આખા શરીરમાં ફેલાય છે અને આશરે 4થી 5 દિવસ સુધી રહે છે.
    - ઓરીનું બાળક શરીર ઉપર લાલ ચકામાં થાય તે પહેલાં અને પછીના 4 દિવસ ચેપ ફેલાવી શકે છે.
    - 2-3 વર્ષનાં કુપોષિત બાળકોમાં વિટામિન ‘એ’ની ખામી અને રોગપ્રતિકારક શક્તિ ઓછી હોય તેવા HIVગ્રસ્ત બાળકોમાં ઓરી વધારે ગંભીર જોવા મળે છે.

    નિદાન


    ડોક્ટર દ્વારા બાળકની શારીરિક તપાસ અને ઓરીનાં લક્ષણોની તપાસ કરીને નિદાન કરવામાં આવે છે.


    આગળની સ્લાઇડ્સમાં વાંચો સારવાર અંગે

  • ઓરી બાળકની રોગપ્રતિકારક શક્તિ નબળી પાડે તે પહેલાં ચેતી જાઓ । chicken pox affect child's immunity system

    સારવાર
    - બાળકને પ્રવાહી વધારે પ્રમાણમાં આપવું.
    - પોષણયુક્ત આહાર આપવો
    - વિટામિન ‘એ’ના બે ડોઝ આપવા
    ઓરીને થતો અટકાવવાના ઉપાય
    - દરરોજ પોષણયુક્ત આહાર આપવો જોઈએ.
    - ઓરીગ્રસ્ત બાળકને શાળાએ ન મોકલવું.
    - વિટામિન ‘એ’ના કુલ 9 ડોઝ, 9 મહિનાથી 5 વર્ષનાં બાળકોને આપવામાં આવે છે.
    - બાળકોને સરકારી કેન્દ્રમાં ઓરીની રસીનો પહેલો ડોઝ 9-12 મહિને અને બીજો ડોઝ 16-24 મહિને આપવામાં આવે છે.
    - બાળકોમાં રસીકરણનું પ્રમાણ (95%થી વધારે) કરવામાં આવે. ભારતમાં દરેક 5 વર્ષથી નીચેની ઉંમરના બાળકે ઓરીની રસીના (Measles Vaccine) બે ડોઝ લેવા જરૂરી છે.
    - ઓરીની રસીમાં MEASLES અથવા MR અથવા MMR કોઈ પણ આપી શકાય.
    - જો બાળકને ઓરીનો રોગચાળો હોય તેવા દેશમાં જવાનું હોય તો મુસાફરી પહેલાં 6 મહિનાના બાળકને પણ ઓરીની રસી આપી શકાય છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending