Divya Bhaskar

Home » Lifestyle » Health » Ayurveda oil for every types of hair problems

ઘરે જ આ 3 ઓઈલ બનાવીને લગાવો, વાળ થશે નેચરલી કાળા અને નહીં પડે ટાલ

Divyabhaskar.com | Updated - Mar 03, 2018, 05:04 PM

3 આયુર્વેદિક તેલની રીત: જાતે બનાવીને લગાવો, વાળની દરેક સમસ્યા કરશે દૂર

  • Ayurveda oil for every types of hair problems
    +3બીજી સ્લાઈડ્સ જુઓ
    આ સસ્તાં ઓઈલ વાળ માટે બહુ જ કારગર છે.

    હેલ્થ ડેસ્ક, અમદાવાદઃ પહેલાંના સમયમાં આપણી દાદી અને નાનીના વાળ ખૂબ જ લાંબા અને મજબૂત રહેતાં હતાં કારણ કે પહેલાંના સમયમાં તેઓ ઘરે જ બનાવેલાં આયુર્વેદિક તેલ લગાવતા હતા.


    તેલ લગાવવું છે જરૂરી


    તેલને નવશેકું ગરમ કરીને તેનાથી વાળમાં મસાજ કરવાથી બેજાન વાળમાં પણ જાન આવી જાય છે અને વાળ સંબંધી સમસ્યાઓ દૂર રહે છે. સપ્તાહમાં બે વાર તેલ અવશ્ય લગાવવું જોઈએ. તેલ લગાવતી વખતે હળવા હાથે માલિશ કરવી જોઈએ. જેથી આજે અમે તમને એવા ત્રણ પ્રકારના આયુર્વેદિક તેલ વિશે જણાવીશું જે બધાં જ પ્રકારના વાળ માટે બેસ્ટ છે, અને તેનો નિયમિત પ્રયોગ વાળની તમામ સમસ્યાઓને દૂર કરવામાં મદદ કરશે. આયુર્વેદિક તેલમાં જાસૂદ, તુલસી કે આમળાનું તેલ શ્રેષ્ઠ રહે છે. તો ચાલો આજે જાણી લો.


    આગળ વાંચો વાળને નેચરલી કાળા કરવા અને ખરતાં રોકવા માટેના બેસ્ટ 3 ઘરેલૂ ઓઈલની રીત.

  • Ayurveda oil for every types of hair problems
    +2બીજી સ્લાઈડ્સ જુઓ
    તેલને નવશેકું ગરમ કરીને તેનાથી વાળમાં મસાજ કરવાથી બેજાન વાળમાં પણ જાન આવી જાય છે

    જાસૂદનું તેલ


    સામગ્રી-


    3-4 જાસૂદના ફૂલ, એક મુઠ્ઠી તેના પાન, 1 ચમચી મેથી દાણા, નારિયેળ તેલ


    બનાવવાની વિધિ-


    જાસૂદના ફૂલ અને તેના પાનને મિક્ચરમાં પીસીને તેની પેસ્ટ તૈયાર કરી લો. હવે તેમાં નારિયેળ તેલ નાખીને તેને ગરમ કરો. તેને સતત હલાવતાં રહો. પછી તેમાં મેથી દાણા નાખો. કેટલીક સેકન્ડ ગરમ કરો. બસ પછી ગેસ બંધ કરો. તમારું તેલ તૈયાર છે. તમે જ્યારે પણ આ તેલનો પ્રયોગ કરો તેને નવશેકું ગરમ કરી લેવું. આ તેલનો નિયમિત પ્રયોગ કરવાથી પાતળા વાળ ભરાવદાર અને કાળા બને છે. વાળ હેલ્ધી અને ચમકીલા અને મુલાયમ બને છે. સાથે જ વાળનો ગ્રોથ વધશે. ટાલ નહીં પડે. મેથીનો પ્રયોગ કર્યો હોવાથી જો તમને ડેન્ડ્રફની સમસ્યા હશે તો તેમાં પણ ફાયદો થશે.

  • Ayurveda oil for every types of hair problems
    +1બીજી સ્લાઈડ્સ જુઓ
    સપ્તાહમાં બે વાર તેલ અવશ્ય લગાવવું જોઈએ

    તુલસીનું તેલ


    વાળને ચમકીલા બનાવવા અને વાળને મૂળથી મજબૂત બનાવવા માટે આ તેલનો પ્રયોગ શ્રેષ્ઠ છે. 


    સામગ્રી-


    તુલસી પાઉડર, નારિયેળ તેલ, પાણી અને મેથીના દાણા
     

    બનાવવાની વિધિ-


    2 ચમચી તુલસી પાઉડરમાં થોડું પાણી નાખીને તેની પેસ્ટ તૈયાર કરવી. હવે એક વાસણમાં નારિયેળ તેલ ગરમ કરવું અને તેલ ઉકળવા આવે ત્યારે તેમાં તુલસીની પેસ્ટ નાખી સતત હલાવતાં રહેવું. પછી તેમાં થોડાં મેથી દાણા નાખવા અને થોડી સેકન્ડ રાખી ગેસ બંધ કરવો. પછી તેલ ઠંડુ થયા પછી ગાળીને બોટલમાં ભરી લેવું. આ તેલને હમેશા નવશેકું ગરમ કરીને તેનો પ્રયોગ કરવો. 

  • Ayurveda oil for every types of hair problems
    તેલ લગાવતી વખતે હળવા હાથે માલિશ કરવી જોઈએ

    આમળાનું તેલ


    વાળનું ખરવું, સફેદ વાળની સમસ્યા કે વાળની અન્ય કોઈપણ સમસ્યા માટે આમળાના તેલનો પ્રયોગ બહુ જ ફાયદાકારી સિદ્ધ થાય છે. 


    સામગ્રી-


    આમળા પાઉડર, નારિયેળ તેલ, પાણી


    એક વાસણમાં આમળાનો પાઉડર લઈને તેમાં પાણી મિક્ષ કરીને 15 મિનિટ સુધી તેને ઉકાળો. હવે આંચ ધીમી કરીને તેને ઠંડુ થવા દો, પછી તેને ગાળી લો. 


    હવે એક અલગ વાસણમાં આમળા પાઉડર લઈને તેમાં થોડું પાણી નાખીને તેની પેસ્ટ બનાવો. હવે તૈયાર કરેલું આમળાનું પાણી, નારિયેળ તેલ અને પેસ્ટને મિક્ષ કરો. તેને ધીમી આંચ પર ઉકાળો. જ્યારે તેની ઘટ્ટ પેસ્ટ બને ત્યાં સુધી સતત હલાવો. હવે ગેસ બંધ કરો. આ તેલ ઠંડુ થાય એટલે હળવા હાથે માથામાં આ તેલથી નિયમિત મસાજ કરો. 


    જો તમે અહીં જણાવેલા તેલને બનાવીને એયર ટાઈટ કંટેનરમાં રાખશો તો લાંબા સમય સુધી આ તેલને સાચવી શકો છો. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending