Divya Bhaskar

Home » Lifestyle » Health » 7 Yoga Poses Steps and their benefits to your body

રોજ ઘરે જ કરો આ 7 સરળ આસનો, રોગો થશે દૂર અને ઝડપથી વધશે સ્ટેમિના

Divyabhaskar.com | Updated - Jan 19, 2018, 01:48 PM

આ 7 સરળ યોગાસન કરવાથી વધશે ફ્લેક્સિબલ અને સ્ટેમિના

  • 7 Yoga Poses Steps and their benefits to your body
    +6બીજી સ્લાઈડ્સ જુઓ

    હેલ્થ ડેસ્ક, અમદાવાદઃ શરીરને ફ્લેક્સિબલ અને તણાવમુક્ત રાખવામાં કેટલાક યોગા બહુ જ ફાયદાકારક હોય છે. સાથે જ નિયમિત યોગ કરવાથી શરીરનો સ્ટેમિના વધે છે અને રોગો દૂર રહે છે. અહીં અમુક યોગની મુદ્રાઓ જણાવવામાં આવી રહી છે, જેનો નિયમિત 20 મિનિટ સુધી અભ્યાસ કરવાથી તમારા સ્નાયુઓ મજબૂત બનશે અને શરીર રોગોથી બચીને રહેશે.

    પર્વતાસન:

    આ યોગાસનને કરવાથી આખું શરીર ખેંચાય છે. જેનાથી શરીરમાં લોહીનું પરિભ્રમણ ઉત્તમ બને છે. સ્નાયુઓની કાર્યક્ષમતા વધે છે

    રીત

    સીધા ઊભા રહો. કમરમાંથી વળીને જમીન પર હાથને ટેકવો. હથેળીઓને જમીન પર રાખો. આમ કરતી વખતે શ્વાસને બહાર કાઢો અથવા જમીન પર ઊંધા સૂઈને નિતંબમાંથી ઊંચા થાઓ. ઊંચા થવા હાથનો સહારો લો. શ્વાસને બહાર કાઢો. હાથને એવી રીતે રાખો કે શરીરનો 'વી' આકાર બને. ઘૂંટણને સીધા રાખો અને સામાન્ય શ્વાસોચ્છવાસ કરો.

    આગળ વાંચો અન્ય 6 સરળ અને કારગર યોગ મુદ્રાઓ વિશે.

  • 7 Yoga Poses Steps and their benefits to your body
    +5બીજી સ્લાઈડ્સ જુઓ

    ભુજંગાસન:

     

    આ આસનને કરવાથી કરોડરજ્જુનું હાડકું લચીલું બને છે અને કમરનું હાડકું મજબૂત બને છે. શરીરમાં લચીલાપણું આવે છે અને પેટ અને કમરની આસપાસની ચરબી દૂર થાય છે. 

     

    રીત

     

    પેટ ઉપર ઊંધા સૂઈ જાઓ. આ સમયે કપાળ જમીનને સ્પર્શ કરાવો અને બંને હાથ બાજુ પર રાખો. હવે જમણા હાથનો પંજો જમણી છાતી પાસે અને ડાબા હાથનો પંજો ડાબી છાતી પાસે ગોઠવો. હાથની મદદથી માથું ઊંચું કરો અને પછી છાતી ઉંચી કરો. છાતી સુધીનો ભાગ ઊંચો કર્યા પછી છાતી નીચેના ભાગથી શરૂ કરી નાભિ સુધી પેટ ઊંચકવાનું છે. આ વખતે બંને હાથનો થોડો ટેકો લેવાનો છે અને ગરદનથી કમર સુધીની કરોડને પાછળની બાજુ વાળવાની છે. આ સ્થિતિમાં દસથી વીસ સેકન્ડ સ્થિર રહો.

  • 7 Yoga Poses Steps and their benefits to your body
    +4બીજી સ્લાઈડ્સ જુઓ

    સેતુ આસન: 

     

    આ આસન થોડું સાવચેતીપૂર્વક કરવું જોઈએ. તેનાથી હાથનાં બાવડાં અને ખભામાં રહેલી વધારાની ચરબી ઘટી જાય છે. 

    સમતળ જમીન પર કોઇ કપડું પાથરી પીઠના બળે સૂઇ જવું. બંને હાથ સીધા અને જમીનની નજીક રાખો તેમજ હથેળીઓને જમીન તરફ રાખો. બંને પગને ઘૂંટણની ઉપર તરફ ઉઠાવો જેથી પગના તળિયા જમીન સાથે જોડાઇ જાય. હવે શ્વાસ અંદર ખેંચો, થોડી ક્ષણ માટે શ્વાસ રોકી રાખો અને ધીમે-ધીમે કમરને પણ જમીનથી ઊપર ઊઠાવો. કમરને એટલી ઊપર લઇ જાવ કે છાતી દાઢીને અડી જાય. સાથે જ હાથને કોણીમાંથી વાળીને હથેળીઓને કમરની નીચે જોડી દો.
     
    હવે આ અવસ્થામાં કમર અને શરીરનો ભાર આપના કાંડા અને હથેળી પર આવી જશે. શ્વાસ સામાન્ય કરી લો. આમ તો આ આસનમાં આટલું જ કરવું પર્યાપ્ત છે પણ વધારે લાભ મેળવવા માટે પગને આગળની તરફ સરકાવો જેથી ઘૂંટણ સીધા થઇ જાય. બંને પગને એકબીજા સાથે જોડી રાખો. થોડી ક્ષણ સુધી આ અવસ્થામાં રોકાવ અને પછી ધીમે-ધીમે શ્વાસ છોડી હાથ સીધા કરી કમરને નીચે લઇ આવો. પગને પણ સીધા કરી થોડીવાર શવાસનમાં વિશ્રામ કરો.

  • 7 Yoga Poses Steps and their benefits to your body
    +3બીજી સ્લાઈડ્સ જુઓ

    ત્રિકોણાસન: 

     

     

    આ યોગાસન એસિડિટી, કમર અને પીઠના દુખાવામાં રાહત આપવાનું કામ કરે છે. આ ઉપરાંત પેટની ચરબી અને મેદસ્વિતાને ઘટાડે છે. 

     

    રીત :
     
    તાડાસનની મુદ્રામાં ઊભા રહો. ઊંડો શ્વાસ લો અને પગ ૩ ફૂટ જેટલા બંને બાજુ પહોળા કરો. ખભાની સમાંતર હાથ જમીન સમાંતર ઊંચા કરો. પંજા નીચે રાખવા. જમણો પગ બાજુએ ૯૦ અંશના ખૂણે જમણે રાખો. ડાબા પગને અંદરથી ખેંચાય તે રીતે રાખીને જમણા ઘૂંટણ તરફ સહેજ વાળો અને ઢીંચણથી ટટ્ટાર રાખો. ગળાને જમણી તરફ ફેરવીને જમણા હાથને જુઓ. પછી ધીમે-ધીમે શ્વાસ છોડતા પહેલાની સ્થિતિમાં આવી આ અભ્યાસ ફરીથી કરો.

  • 7 Yoga Poses Steps and their benefits to your body
    +2બીજી સ્લાઈડ્સ જુઓ

    શશકાસન: 

     

    હૃદયરોગના દર્દીઓ માટે આ આસન ફાયદાકારક છે. આ આસન આંતરડાં, યકૃત, પેન્ક્રિયાસને બળ પૂરું પાડવાનું કામ કરે છે. 

     

    રીત

     

    કોઈપણ સ્વચ્છ જગ્યાએ આસન પાથરી બેસી જાઓ. બંને પગને ઘૂંટણોથી વાળીને પાછળ તરફ નિતંબ(હિપ્સ)ની નીચે રાખો અને એડિયો ઉપર બેસી જાઓ. હવે શ્વાસ લેતા બંને હાથને ઉપર તરફ કરો. ત્યારબાદ શ્વાસને બહાર છોડીને ધીરે-ધીરે આગળ તરફ ઝૂકાવીને શ્વાસને બહાર કાઢો. બંને હાથને આગળ તરફ લઈ ફેલાવીને હથેળીને જમીન ઉપર ટેકવો. પોતાના માથાને પણ જમીન ઉપર ટકાવી રાખો. આસનની આ સ્થિતમાં આવ્યા પછી થોડો સમય શ્વાસને બહાર છોડીને રોકી રાખો. પછી શ્વાસ લઈને પહેલાં પેટ, પછી છાતી અને પછી માથાને ઊઠાવો અને હાથોની સામે તરફ કરીને રાખો. થોડા સમય સુધી આ સ્થિતિમાં રહો અને પછી સામાન્ય સ્થિતિમાં થોડો સમય સુધી આરામ કરો અને આ આસનને 4-5 વાર કરો.

  • 7 Yoga Poses Steps and their benefits to your body
    +1બીજી સ્લાઈડ્સ જુઓ

    અશ્વ આસન: 

     

    આ છાતી અને હિપ્સ માટે ઉત્તમ વ્યાયામ છે. તેનાથી શ્વસનક્રિયા પણ સારી રહે છે. 

     

    આ સ્થિતિમાં શ્વાસ લેતાં લેતાં ડાબા પગને પાછળની તરફ લઇ જાઓ. છાતીને ખેંચીને આગળની તરફ તાણો. ગરદનને પાછળની તરફ ઝુકાવો. બંને હાથ સીધા ઉપર જોડીને રાખી પાછળ તરફ લઈ જાઓ. પગને તાણીને સીધા પાછળની તરફ ખેંચો અને પગના પંજાને ઊભા રાખી એ સ્થિતિમાં થોડો સમય રોકાવ. 

  • 7 Yoga Poses Steps and their benefits to your body

    શવાસન: 

     

    આ પ્રકારનું આસન ડાયાબિટીસ, હાઇ બ્લડપ્રેશર, હતાશા, હૃદયની બીમારી તથા અન્ય ઘણી બીમારીમાં ફાયદારૂપ છે. 
     
    રીત

     

    આ આસનમાં શરીરને જમીન પર એકદમ સીધું રાખીને સૂવું, આંખો બંધ કરીને શ્વાસોચ્છવાસની પ્રક્રિયા પર ધ્યાન કેન્દ્રિત કરવું. આ આસન દરમિયાન શરીરને એકદમ હળવું રાખવું. આ સ્થિતિમાં ૧૦ મિનિટ સુધી રહેવું. આ આસન દરમિયાન ધ્યાનમાં જવાની કોશિશ કરવી.

     

    નોંધ: યોગની આ મુદ્રાઓને અપનાવતી વખતે દરેક સ્થિતિમાં 40 સેકન્ડ સુધી રહો અને બીજી મુદ્રામાં જતા પહેલાં 20 સેકન્ડનું અંતર રાખો. બધી મુદ્રાઓને અઠવાડિયામાં ત્રણ વખત જરૂરથી કરો. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending