Divya Bhaskar

Home » Lifestyle » Health » 6 home remedies for watery eyes problem

આંખોમાંથી વારંવાર પાણી આવવું, સોજો, લાલાશ કે ખુજલી માટે 6 ઘરેલૂ ઉપાય

Divyabhaskar.com | Updated - Mar 29, 2018, 12:46 PM

આંખોની નાની-નાની સમસ્યાઓમાં બેદરકારી ન કરો, આ 6 ઘરેલૂ ઉપાય કરો

  • 6 home remedies for watery eyes problem
    +2બીજી સ્લાઈડ્સ જુઓ


    હેલ્થ ડેસ્ક, અમદાવાદઃ આંખોમાંથી પાણી નિકળવું બહુ જ સામાન્ય સમસ્યા છે અને આ સમસ્યા બહુ વધારે પ્રદૂષણવાળા વાતાવરણ અને સિઝનલ એલર્જીને કારણે થાય છે. આ સમસ્યામાં આંખોમાંથી પાણી નીકળવાની સાથે આંખોની ચારેય તરફ ખુજલી પણ થાય છે. આંખોને વધારે સ્પર્શ કરનારા અથવા તો આંખોને વારંવાર મસળનારા લોકોને આ સમસ્યા વધારે થાય છે. આ સમસ્યાને તમે ઘરે જ ઝડપથી દૂર કરી શકો છો. જેના માટે કેટલાક ઘરેલૂ ઉપાયો અજમાવવાની જરૂર છે. જે તમારા રસોડામાં સરળતાથી ઉબલબ્ધ છે. જેના વિશે આજે અમે તમને જણાવીશું, જોકે કેટલાક ગંભીર કિસ્સાઓમાં ડોક્ટરને બતાવવું હિતાવહ છે.


    બટાકા

    બટાકામાં રહેલાં એસ્ટ્રિજેન્ટ ગુણને કારણે તેની મદદથી આંખોમાં વારંવાર પાણી આવવાની સમસ્યા દૂર કરી શકાય છે. આ સિવાય આંખમાં લાલાશ અને સોજાને દૂર કરવામાં પણ તેનો ઉપયોગ કરી શકાય છે. તેના માટે બટાકાની સ્લાઈઝ કાપી લેવી. થોડીવાર માટે તેને ફ્રિઝમાં મૂકી દેવું. હવે આ ઠંડી સ્લાઈઝને આંખો પર 15થી 20 મિનિટ માટે મૂકવી. આ ઉપાયને રાતે સૂતા પહેલાં બે કે ત્રણવાર નિયમિત કરવાથી ઝડપથી ફાયદો થશે. આ એક કારગર ઉપાય છે.


    આગળ વાંચો આંખોમાંથી વારંવાર પાણી નિકળવાની, સોજા, લાલાશ કે ખુજલી આવવાની સમસ્યા માટે બેસ્ટ અન્ય ઘરેલૂ ઈલાજ.

  • 6 home remedies for watery eyes problem
    +1બીજી સ્લાઈડ્સ જુઓ

    ઠંડો શેક

     

    આંખમાં જે ભાગ પ્રભાવિત હોય તેની આસપાસ ઠંડો શેક કરવાથી રાહત મળે છે. ઠંડો શેક કરવાથી સૌથી સરળ રીત મુજબ એક સાફ કપડાને બરફના ઠંડા પાણીમાં પલાળીને આંખ પર રાખવું. આવું દિવસમાં અનેકવાર કરવું. આ સિવાય તમે આંખોમાં પાણી આવવાની સમસ્યાથી બચવા માટે કેમોમાઈલ ટી બેગનો ઉપયોગ પણ કરી શકો છો. તેના માટે કેમોમાઈલ ટી બેગને અડધા કલાક માટે ફ્રિઝમાં મૂકી દેવું. ત્યારબાદ તેને ફ્રિઝમાંથી કાઢીને આંખો પર ઓછામાં ઓછું 10 મિનિટ સુધી રાખવું. ઝડપથી સારું કરવું હોય તો આ ઉપાયને દિવસમાં ત્રણથી ચાર વાર કરવું. ફાયદો થશે. 

                                           
    કાકડી

     
    કાકડીના એન્ટી-ઈરિટેશન ગુણ આંખોમાં પાણી નીકળવાની સાથે-સાથે બળતરા અને ખુજલીની સમસ્યાને પણ દૂર કરવામાં મદદ કરે છે. જેના માટે કાકડીને સારી રીતે ધોઈને તેની પાતળી સ્લાઈઝ કાપી લેવી. આ સ્લાઈઝને 15થી 20 મિનિટ માટે ફ્રિઝમાં મૂકી દેવું. ત્યારબાદ આંખોની આસપાસ આને ઓછામાં ઓછું 10 મિનિટ માટે રાખો. આ પ્રક્રિયાને દિવસમાં ચારથી પાંચવાર કરો. આ પ્રયોગ આંખોમાં પાણી નિકળવાની સાથે-સાથે ડાર્ક સર્કલની સમસ્યાને દૂર કરવામાં પણ મદદ કરે છે. 

  • 6 home remedies for watery eyes problem

    ઠંડુ દૂધ


    દૂધ પણ આંખોમાંથી પાણી નિકળવાની સમસ્યા માટે ઉપયોગ કરવામાં આવતા ઘરેલૂ ઈલાજમાં લોકપ્રિય ઉપચારોમાંથી એક છે. તેના માટે ઠંડુ દૂધ લેવું, હવે તેમાં કોટન બોલને ડિપ કરીને આંખોની આસપાસ હળવા હાથે રગડવું. આ સિવાય તમે વધુ ઠંડક મેળવવા આ કોટન બોલને થોડા સમય માટે આંખોની આસપાસ રાખી પણ શકો છો. આ ઉપાયને સવારે અને સાંજે કરવાથી સારું પરિણામ પ્રાપ્ત થાય.


    ગુલાજ જળ


    શુદ્ધ ગુલાબ જળનો ઉપયોગ આંખોમાં વારંવાર પાણી આવવાની સમસ્યામાં પ્રભાવી ઘરેલૂ ઉપચારમાંથી એક છે. ગુલાબજળ ઠંડક આપનારું હોય છે અને આંખોને સ્વચ્છ કરવામાં પણ મદદ કરે છે. ગુલાબ જળનો ઉપયોગ આંખો માટે અનેક રીતે કરી શકાય છે. તમે ગુલાબ જળથી આંખોને દિવસમાં ઓછામાં ઓછું બેવાર ધોઈ શકો છો. આ સિવાય ઝડપી રાહત માટે ગુલાબ જળને ડ્રોપ તરીકે પણ આંખોમાં નાખી શકો છો. 


    ગ્રીન ટી


    ગ્રીન ટીનો ઉપયોગ સ્વાસ્થ્ય માટે ફાયદાકારક હોવાની સાથે આંખોમાં પાણી આવવાની સમસ્યા માટે પણ લાભકારી છે. ગ્રીન ટીના એન્ટી-ઈન્ફ્લામેટરી ગુણોને કારણે તે આંખોને રાહત આપે છે. તેના માટે એક કપ પાણીમાં બે ગ્રીન ટી બેગ નાખવા. ત્યારબાદ આને થોડીવાર માટે ઠંડુ થવા મૂકી દેવું. ઠંડુ થયા બાદ આ મિશ્રણથી તમારી આંખોને દિવસમાં બેવાર ધોવી. ચોક્કસથી ફાયદો થશે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending