Home » Lifestyle » Health » 5 main reason of damaging knees

ઘૂંટણને એકદમ નબળાં અને ખરાબ કરી શકે છે આ 5 ભૂલો, તમે ક્યારેય ન કરતાં

Divyabhaskar.com | Updated - May 15, 2018, 02:31 PM

કોઈપણ ઉંમરમાં ઘૂંટણને સખત નુકસાન પહોંચાડે છે આ 5 કામ, ભૂલથી પણ ન કરતાં

  • 5 main reason of damaging knees
    +1બીજી સ્લાઈડ્સ જુઓ


    હેલ્થ ડેસ્ક, અમદાવાદઃ અત્યારે માત્ર વૃદ્ધોમાં જ નહીં પણ યુવાનોમાં પણ ઘૂંટણના દુખાવાની તકલીફ જોવા મળે છે. આજકાલ ઘૂંટણની તકલીફ સામાન્ય બનતી જાય છે. ની-રિપ્લેસમેન્ટ સર્જરીનું પ્રમાણ પણ વધી રહ્યું છે. ઘૂંટણ ડેમેજ થવા પાછળ રોજિંદા જીવનમાં એવી ઘણી આદતો જવાબદાર છે, પણ આજે અમે તમને એવા 5 અગત્યના કારણો વિશે જણાવીશું જેને લીધે ઘૂંટણ ડેમેજ થવાનું રિસ્ક ઘણું વધી જાય છે અને આ બાબતે જાગૃત બનીને આપણે આપણા ઘૂંટણને બચાવી શકીએ છીએ.

    આગળ વાંચો ઘૂંટણને નબળાં અને ડેમેજ કરવા પાછળ જવાબદાર 5 મુખ્ય કારણો વિશે.

  • 5 main reason of damaging knees

    ઘૂંટણને નબળાં અને ખરાબ કરતાં 5 મુખ્ય કારણો 


    હાઈ હીલ્સ


    આજકાલની સ્ત્રીઓને ખાસ હાઈ-હીલ્સ પહેરવાનો ખૂબ શોખ હોય છે. પણ શું તમે જાણો છો કે આ ઊંચી એડીનાં સેન્ડલ પહેરવાથી પીઠ અને ઘૂંટણની જીવનભરની તકલીફ શરૂ થઈ જાય છે. જે સ્ત્રીઓ હાઈ-હીલ્સ પહેરે છે તેમના ઘૂંટણ પર બહુ વધારે વજન આવે છે અને ઘૂંટણ અને સાંધાઓ પર ખરાબ અસર પડે છે અને આ અસર લાંબા ગાળે ઘૂંટણ માટે તકલીફ થાય છે અને સ્નાયુઓ નબળાં થાય છે.
     

    વધુ વજન 


    બેઠાડુ જીવન જીવતાં લોકોના સ્નાયુ, હાડકાં અને સાંધાઓ નબળાં થઈ જાય છે. વજન જ્યારે વધુ હોય છે ત્યારે ઘૂંટણ પર સૌથી વધુ અસર થાય છે. જો આપણું વજન જરૂર કરતાં વધુ હોય તો ઘૂંટણ પર લોડ વધુ આવે છે અને એને લીધે એના સ્નાયુઓ નબળા પડતા જાય છે અને ઘૂંટણમાં દુખાવો પણ થાય છે.


    એક્સરસાઇઝ 


    કોઈપણ એક્સરસાઈઝ કરવામાં સાવધાની રાખવી ખૂબ જ જરૂરી હોય છે. અમુક ખોટી રીતે  એક્સરસાઇઝને કરવાથી ઘૂંટણ હંમેશાં માટે ડેમેજ થઈ શકે છે. ઘણી એક્સરસાઈઝમાં ઘૂંટણ પણ બહુ વધારે પ્રેશર આવે છે. જેના કારણે ઘૂંટણ કાયમી ડેમેજ થઈ શકે છે. જેથી કોઈપણ એક્સરસાઈઝ કરતાં પહેલાં શરીરને તેના માટે તૈયાર કરો. ઘૂંટણને મજબૂત બનાવો પછી જ એક્સરસાઈઝ કરો. 


    દોડવું 


    આજકાલ લોકો એવું માને છે કે દોડવું ખૂબ જ હેલ્ધી છે અને સમજ્યા-વિચાર્યા વગર દોડવાનું ચાલુ જ કરી દે છે અને ઘૂંટણને ડેમેજ કરી દે છે. જ્યારે આપણે દોડીએ છીએ ત્યારે ઘૂંટણ પર ઝાટકો આવે છે અને સ્નાયુઓ પણ પ્રેશર વધે છે જેના કારણે ઘૂંટણને નુકસાન થઈ શકે છે. 


    કેલ્શિયમની કમી


    ઘૂંટણ ઘસાવા પાછળ શરીરમાં પોષક તત્વો, કેલ્શિયમ અને વિટામિન ડીની કમી પણ જવાબદાર છે. આજકાલ લોકો ખોરાક પ્રત્યે સાવ બેદરકાર બની ગયા છે જેથી ખોરાકમાં કેલ્શિયમ અને વિટામિન્સની કમી થવાથી હાડકાં અને સાંધાઓના રોગ પણ વધ્યા છે. તો આની કમી શરીરમાં ન થાય તેનું ખાસ ધ્યાન રાખો. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending