Home » Lifestyle » Health » ડોક્ટર પાસે ક્યારેય ન જવું હોય તો આ 4 વાતનું રાખો ધ્યાન | 4 rule for healthy life

આર્યુવેદના ચાર નિયમો અપનાવો, ડોક્ટરથી રહેશો દૂર

Divyabhaskar.com | Updated - Jun 18, 2018, 01:11 PM

બીમાર ન પડવા માટે રાજીવ દીક્ષિતે જણાવેલા ચાર નિયમો

  • ડોક્ટર પાસે ક્યારેય ન જવું હોય તો આ 4 વાતનું રાખો ધ્યાન | 4 rule for healthy life

    યુટિલિટી ડેસ્ક: આજે કોઈને ડોક્ટર પાસે જવું ગમતું નથી. તો ડોક્ટર પાસે વર્ષો સુધી ન જવું પડે તે માટે સ્વાસ્થ્યનું શું ધ્યાન ધ્યાન રાખવું જોઈએ તેની આજે વાત કરવી છે. સ્વદેશી આંદોલનમાં જીવ ગુમાવનાર રાજીવ દિક્ષિતે આયુર્વેદના એવા ચાર નિયમો જણાવ્યા હતા, જેનું પાલન કરવાથી શરીરમાં કોઈ રોગ પ્રવેશતો નથી અને માણસ સ્વસ્થ રહે છે.

    તમારા શરીરમાં વા, પિત્ત અને કફનું સંતુલન રાખો. વાના અસંતુલનથી 80થી વધારે બીમારી શરીરમાં આવે છે. પિત્તના અસંતુલનથી 50 જેટલા રોગ શરીરમાં આવે છે. કફનું બેલેન્સ બગડી જાય ત્યારે 28 રોગ શરીરમાં આવે છે. આ ત્રણેય બગડી જાય તો શરીરમાં 148 પ્રકારની બીમારીઓ પ્રવેશી શકે છે.

    આ વા, પિત્ત અને કફને કન્ટ્રોલ રાખવાના ચાર નિયમ છે....

    1) ભોજન પછી તરત પાણી ન પીવુંઃ જમ્યા પછી કંઈક પીવાની ઈચ્છા થાય છે તો લસ્સી પીવો, ફળોનો રસ પીવો, શેરડીનો રસ પીવો, લીંબુનો રસ પીવો. દૂધ પણ લઈ શકો છો. પાણી એક કલાક પછી પીવું. સવારે નાસ્તો કરો તેના પછી ફળોનો રસ પીવો સારો, બપોરના ભોજન બાદ લસ્સી પીવી જોઈએ અને સાંજના ભોજન પછી દૂધ પીવું જોઈએ. જે લોકો આ નિયમનું પાલન કરશે તોઓ બીમાર નહીં પડે.

    2) પાણી ગમે ત્યારે પીવો તો ચાની જેમ ઘૂંટડા ભરી ભરીને પીવોઃ ઘૂંટડો ઘૂંટડો પાણી પીવાથી મોઢાની અંદર રહેલી લાળ પાણીની સાથે પેટમાં જાય છે. તેનાથી એસિડિટી થતી નથી. તેનાથી વા, પિત્ત, કફનું બેલેન્સ બગડતું નથી.

    3) જીવનમાં ગમે તેવી તરસ કેમ ન લાગી હોય પણ ક્યારેય ઠંડુ પાણી ન પીવુંઃ બરફ નાંખેલું પાણી, ફ્રિજમાં રાખેલું પાણી ન પીવું. શરીર ગરમ હોય અને પાણી ઠંડુ હોય છે, તેનાથી પાણી પેટને ઠંડુ બનાવી દે છે. જેનાથી શરીર સંચાલનની તમામ પ્રક્રિયા પર અસર પડે છે અને તે ધીમી થવા લાગે છે.

    4) ઊઠ્યા પછી પહેલાં પાણી પીવોઃ સવારમાં પાણી શરીરમાં જશે જે મોટા આંતરડાંને સાફ કરે છે. પેટ સાફ થઈ જશે તો શરીરમાં રોગ આવશે નહીં. સવારે ઊઠીને પાણી પીવાથી મોઢાની અંદર રહેલી લાળ પણ પેટમાં જાય છે, સવારમાં પેટમાં એસીડનું પ્રમાણ વધારે હોય છે તેથી આ લાળ પેટમાં જાય તે ફાયદાકારક છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending