Home » Lifestyle » Health » 3 must know causes of eye problems nowadays

તમારી આંખો ખરાબ કરવા પાછળ આ 3 કારણો છે જવાબદાર, બચવા જાણો 3 ઉપાય

Divyabhaskar.com | Updated - Jan 13, 2018, 10:00 AM

આઈ કેર : આંખોમાં તકલીફ માટે જવાબદાર મુખ્ય ત્રણ કારણો જાણો

  • 3 must know causes of eye problems nowadays
    +1બીજી સ્લાઈડ્સ જુઓ

    હેલ્થ ડેસ્ક, અમદાવાદઃ આજકાલ આંખ સંબંધી સમસ્યાઓ ઘણી જ વધતી જઈ રહી છે. તેની પાછળ ઘણાં કારણો જવાબદાર હોઈ શકે છે. જેમાંથી એક છે આપણી બેદરકારી અને આંખોનું પૂરતું ધ્યાન ન આપવું. શું તમે જાણો છો કે આજકાલ મુખ્ય ત્રણ કારણોથી આંખોને નુકસાન પહોંચે છે. જેના વિશે આજે અમે તમને જણાવીશું.

    1. મેકઅપ

    લિપસ્ટિક, આઈલાઇનર, મસ્કારા મેકઅપ બોક્સમાં હોય છે એટલે મેકઅપ બોક્સમંા ઘણા બધા બેક્ટેરિયા રહેલા હોય છે. બ્રિટનની લંડન મેટ્રોપોલિટન યુનિવર્સિટીના અભ્યાસમાં જાણવા મળ્યું છે કે મેકઅપ બ્રશ અને આઉટ ઑફ ડેટ કોસ્મેટિકમાં 6 પ્રકારના બેક્ટેરિયા જોવા મળે છે.

    શું કરવું જોઈએ

    રાત્રે સૂતા પહેલાં આઈ મેકઅપ દૂર કરી દેવો. મસ્કારા અને આઈલાઇનર જેવી પ્રોડક્ટને દર ત્રણ મહિને બદલવી જોઈએ. જેને સરળતાથી ધોઈ શકાય તેવા આઈલાઇનરની પસંદગી કરવી.

    આગળ વાંચો અન્ય 2 કારણો વિશે જેનાથી આંખોને બહુ જ નુકસાન થાય છે અને તેનાથી બચવાના ઉપાય.

  • 3 must know causes of eye problems nowadays

    2. ખાંડ 

     

    બ્લેફરાઇટિસ એટલે કે આંખમાં સોજો આવવાનો સંબંધ આહાર સાથે છે. વધુ પડતી ખાંડ પછી તે પ્રોસેસ્ડ ફૂડ હોય કે રાંધેલા આહારમાં લેવામાં આવી હોય બંને પ્રકારે નુકસાનકારક છે. તે સોજો આવવા માટે કારણભૂત છે. 

     

    શું કરવું જોઈએ

     

    આહારમાં એન્ટિ ઇન્ફ્લેમેટરી ડાયટ જેવાં કે લીલાં શાકભાજી, ફેટી એસિડ અને મિનરલ્સયુક્ત આહારનું સેવન કરવું જોઈએ. યોગ્ય ફેટી એસિડયુક્ત આહાર લેવાથી આંખનાં આંસુની ગુણ‌વત્તા સુધરે છે, જે આંખને લ્યુબ્રિકેટ કરે છે. 

     

    3. કમ્પ્યૂટર 

     

    આંખોને થોડા થોડા સમયે નિયમિત બ્રેકની જરૂર હોય છે. લાંબા સમય સુધી કમ્પ્યૂટર સામે બેસીને કામ કરવાથી આંખોમાં સોજા આવે છે અને થાક લાગતો હોય છે. સૌથી વધુ આંખોમાં થતી ડિજિટલ સિન્ડ્રોમની સમસ્યાનું એક કારણ આ પણ છે. કમ્પ્યૂટર સાથે મોબાઇલ પણ આંખોના સ્વાસ્થ્ય માટે હાનિકારક છે. 

     

    શું કરવું જોઈએ

     

    આંખોને માલિશ કરવાથી આરામ રહે છે. ઓફિસમાં 20-20-20 રૂલ ફોલો કરવો જોઈએ. 20 મિનિટ બાદ 20 સેકન્ડ માટે ઉપર તરફ જોવું જોઈએ તથા 20 સેકન્ડ માટે નીચેની બાજુ જોવું જોઈએ. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

Trending

વીડિયો વધુ જુઓ