Divya Bhaskar

Home » Lifestyle » Health » Tips Increase Blood Circulation And Immunity

બોડીમાં બ્લડ સર્ક્યુલેશન સુધારવા અને ઈમ્યૂનિટી બૂસ્ટ કરવા રોજ ચલાવો સાઈકલ અથવા કરો વોક

Divyabhaskar.com | Updated - Sep 10, 2018, 01:45 PM

સવારે, સાંજે અથવા રાત્રે ભોજન કરી લીધાના અડધા કલાક પછી કે પહેલાં વોક કરવા બોડીમાં બ્લડ સર્ક્યુલેશન સુધરે છે

  • Tips Increase Blood Circulation And Immunity

    હેલ્થ ડેસ્ક: લોહી શરીરની કોશિકાઓને પોષક તત્વો અને ઓક્સિજન જેવા જરૂરી તત્વો પહોંચાડતું તથા તે જ કોશિકાઓમાંથી વિષાક્ત તત્વોનો નિકાલ કરતું શારીરિક પ્રવાહી છે. લોહી માનવ શરીરનો સૌથી મોટો ભાગ છે. તમારા આખાં શરીરમાં ન્યૂટ્રિઅન્ટ્સ, ઇલેક્ટોલાઇટ્સ, હોર્મોન્સ, હીટ અને ઓક્સિજન પહોંચાડવાનું કાર્ય લોહી જ કરે છે. તમારા શરીરના વિવિધ ભાગોને સ્વસ્થ રાખવા અને ઇમ્યૂનિટી સિસ્ટમ એટલે કે રોગપ્રતિકારક ક્ષમતા પ્રદાન કરવાનું કામ પણ લોહી જ કરે છે. પરંતુ શું તમને જાણો છે કે, બ્લડના યોગ્ય સર્કુલેશન માટે તમારું બ્લડ પ્રેશર, હાર્ટ રેટ, બલ્ડ શુગર, બ્લડ ટાઇપ અને કોલેસ્ટ્રોલ નિયંત્રણમાં હોવું ખૂબ જ જરૂરી છે. જેથી આજે અમે તમને એવા ઉપાય વિશે જણાવીશું જેનાથી તમારા શરીરમાં બ્લડ સર્કુલેશન તો વધશે જ સાથે ઇમ્યૂનિટી સિસ્ટમ પણ મજબૂત બનશે.


    વોકઃ-

    સવારે, સાંજે અથવા રાત્રે ભોજન કરી લીધાના અડધા કલાક પછી કે પહેલાં વોક કરવા જવું. વોક પર જવાથી તમારું બ્લડ સર્કુલેશન યોગ્ય પ્રમાણમાં અને સરખી રીતે થશે. સાથે જ, તમને તાજગીનો અનુભવ થશે. આ સિવાય તમારું સ્વાસ્થ્ય પણ જળવાશે.

    પાણીઃ-

    પાણીને એક પ્રાકૃતિક ઔષધિ માનવામાં આવે છે. પાણી શરીરમાં થતી દરેક સમસ્યાનું નિવારણ કરી શકે છે. શરીરમાં પાણીનું યોગ્ય પ્રમાણ શરીરને સ્વસ્થ રાખે છે અને અને ઓછી માત્રામાં પાણી શરીરને નબળું બનાવી શકે છે. વધારે માત્રામાં શુદ્ધ જળનું સેવન કરવાથી શરીરમાં ભેગા થયેલાં વિષાક્ત પદાર્થો બહાર નીકળી જાય છે અને પ્રતિરોધક ક્ષમતા વધે છે. પાણી અથવા તો સામાન્ય તાપમાન હોવું જોઇએ અથવા થોડું નવશેકું હોવું જોઇએ. ફ્રિજના પાણીનું સેવન બને ત્યાં સુધી ન કરવું.

    સ્વીમિંગઃ-

    જો તમને સ્વીમિંગનો શોખ છે, તો આ પ્રક્રિયા પણ એક્સરસાઇઝ માટે બેસ્ટ છે. આ પ્રક્રિયા એક ફિઝિકલ એક્ટિવિટી હોવાને કારણે તેના ઘણા બેનેફિટ્સ પણ છે. બલ્ડ સર્કુલેશન યોગ્ય પ્રમાણમાં થવાની સાથે જ તે તમને એકદમ ફ્રેશ પણ બનાવી દે છે. તમે સ્વીમિંગમાં બટરફ્લાઈ સ્ટ્રોક, બેક સ્ટ્રોક, બ્રેસ્ટ સ્ટ્રોક વગેરે કરી શકો છો. આ સિવાય તમારી પસંદના સ્ટ્રોક પણ તમે કરી શકો છો. નિયમિત સ્વીમિંગ કરવાથી બ્લડ સર્કુલેશન તો સુધરે જ છે સાથે વ્યક્તિ તંદુરસ્ત પણ રહે છે.

    સાઇક્લિંગઃ-


    સાઇક્લિંગ એ બેસ્ટ કસરત છે. સાઇક્લિંગ બ્લડ સર્કુલેશન વધારે છે. રોજ સાઇક્લિંગ કરવાથી તમારા પગના મસલ્સ શેપમાં આવી જશે. જે લોકો ખૂબ જ ઓછી એક્સરસાઇઝ કરે છે તેવા લોકો માટે સાઇક્લિંગ ખૂબ જ સારો વિકલ્પ છે. જ્યારે તમારું બ્લડ સર્કુલેશન યોગ્ય પ્રમાણમાં થઇ જાય ત્યારે તમારી ઇમ્યૂનિટી પાવર આપમેળે જ વધી જાય છે.

    મસાજ કરવું-


    મસાજ શરીરને રિલેક્સ કરવા માટેની એક ખૂબ જ સારી પ્રક્રિયા માનવામાં આવે છે. નાના-બાળકોથી લઇને મોટા લોકો સુધી મસાજ બધાને પ્રિય હોય છે. મસાજ કરવાથી શરીરના અંગોમાં બ્લડ સર્કુલેશન વધે છે. બ્લડ શરીરના સોફ્ટ ટિશ્યૂમાં જાય છે. મસાજ કર્યા પછી આખા શરીરમાં તાજગી અને સ્ફૂર્તિ અનુભવ થવા લાગે છે. થાક ઉતરી જાય છે અને સાથે જ શરીરમાં રહેલ તણાવ દૂર થઇ જાય છે.


    યોગઃ-


    યોગ અને પ્રાણાયમ શરીરને સ્વસ્થ અને રોગમુક્ત રાખવામાં ખૂબ જ મહત્વપૂર્ણ ભૂમિકા નિભાવે છે. કોઇ જાણકાર પાસેથી તેને શીખીને દરરોજ ઘરે તેનો અભ્યાસ કરવો જોઇએ. યોગથી બ્લડ સર્કુલેશન ખૂબ જ વ્યવસ્થિત થવાની સાથે જ તેનાથી ઈમ્યૂન સિસ્ટમ પણ બૂસ્ટ થાય છે.

    દિવસે ઊંઘ અને આળસ અનુભવાય તો તમને થઈ શકે છે ભૂલવાની બીમારીઃ રિસર્ચ

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Lifestyle

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending