નોટરીની ધીકતી પ્રેક્ટિસ છોડીને રાજકારણના રંગે રંગાયેલા દર્શિનીબેન મહિલાઓ માટે છે પથદર્શક

અનેક જવાબદારીઓ વહન કરના દર્શિનીબેનનું ટાઈમ મેનેજમેન્ટ
અનેક જવાબદારીઓ વહન કરના દર્શિનીબેનનું ટાઈમ મેનેજમેન્ટ
લોકોના પ્રશ્નો માટે લડતાં પહોંચી ગયા રાજકારણમાં
લોકોના પ્રશ્નો માટે લડતાં પહોંચી ગયા રાજકારણમાં
ડોક્ટર મળ્યાં તે ક્ષણ સૌથી યાદગાર
ડોક્ટર મળ્યાં તે ક્ષણ સૌથી યાદગાર

DivyaBhaskar.com

Nov 03, 2018, 06:21 PM IST

સુરતઃ પુરૂષોના આધિપત્યવાળું ક્ષેત્ર મનાતા રાજકારણમાં મહિલાઓ માટે સ્થાન બનાવવું તલવારની ધાર પર ચાલવાં જેવું કપરૂં કામ છે. મહિલાઓને પ્રમાણમાં પુરૂષો કરતાં અસંખ્ય જવાબદારીઓનું વહન કરવાનું હોય છે. ઘર,વર અને પોતાના કામની સાથે સામાજિક અને પારિવારિક જવાબદારીઓને પણ સંભાળવાની હોય છે. ત્યારે મહિલાઓ માટે જાહેર જીવનમાં વિરોધીઓ વચ્ચે કામ કરવું લોઢાના ચણા ચાવવાં જેવું થઈ જતું હોય છે. ત્યારે આકરાં લાગતાં કામને પોતાના સાલસ અને હસમુખા સ્વભાવથી દર્શિનીબેન બરોબર નિભાવી રહ્યાં છે. પોતાની નોટરી અને વકીલાતની ધીકતી પ્રેક્ટિસ છોડીને દર્શિનીબેન સમાજસેવા કરવાની સાથે સાથે મહિલાઓને તકલીફો સામે લડવાની હિંમત પુરી પાડે છે. મજબૂત મનોબળ ધરાવતાં અને મહેનતની સાથે સમયના પાબંદ દર્શિનીબેન મહિલાઓ માટે પથદર્શક સમાન છે.



સમાજસેવી એજ્યુકેટેડ પરિવારમાં થયો જન્મ

આજે એકવીસમી સદીમાં જ્યારે ઈન્ટરકાસ્ટ મેરેજનો વિરોધ થઈ રહ્યો છે. ત્યારે દાયકાઓ અગાઉ સૌની સહમતીથી ઈન્ટરકાસ્ટ મેરેજનું ઉદાહરણ પુરૂં પાડનાર ચીફ ફાર્માસિસ્ટ પ્રેમજીભાઈ શામજીભાઈ ખૂંટ અને વત્સલાબેનના ત્રણ સંતાનોમાં સૌથી મોટી સંતાન તરીકે દર્શિનીબેનનો જન્મ 4 નવેમ્બર 1976ના રોજ થયો હતો. વિક્રમ સંવંત પ્રમાણે ધનતેરસ અને ગુરૂવારે જન્મ થયો હોવાથી પરિવારમાં દત્તુ નામથી પણ ઓળખાય છે. માતાએ દામિની નામ પાડ્યું હતું પરંતુ નાનાએ તે વખતના પ્રિયદર્શિનીમાંથી પ્રિય હટાવીને માત્ર દર્શિની નામ રાખ્યું. માતા યુનિવર્સિટીમાં કામ કરતાં અને પિતા સિવિલ હોસ્પિટલમાં ફાર્માસિસ્ટ હોવાથી સલાહ સૂચનથી લઈને નાના મોટા કામ માટે લોકો તેમની પાસે અડધી રાત્રે પણ આવતાં અને નિરાશ થયા વગર પરત ફરતાં હતાં.

પારિવારિક જવાબદારી નિભાવતાં કર્યો LLM સુધીનો અભ્યાસ

પરિવારમાં સૌથી મોટા હોવાથી નાનપણથી ઘરની જવાબદારીઓ માથે આવી ગઈ હતી. નાની બે બહેનોની સારસંભાળ રાખવાની સાથે સાથે ઘરકામથી લઈને સામાજિક જવાબદારીઓ પણ ઉપાડી લીધી હતી. ભણવામાં ફર્સ્ટ કલાસ સાથે પાસ થનારા દર્શિનીબેને 12 સુધી જીવનભારતીમાં અભ્યાસ કર્યા બાદ કેપી કોમર્સમાં કોલેજમાંથી ગ્રેજ્યુએશન કરીને વીટી ચોક્સી લો કોલેજમાંથી એલએલએમ સુધીનો અભ્યાસ કર્યો હતો.

સિવિલ હોસ્પિટલના કેમ્પસમાં જ મળી ગયો જીવનસાથી

સિવિલ હોસ્પિટલના ક્વાર્ટરમાં તે વખતે રહેતા દર્શિનીબેને જણાવ્યું હતું કે, ડોક્ટર(પતિ-પ્રવિણભાઈ કોઠીયા-એમ એસ.જનરલ એન્ડ લેપ્રોસ્કોપીક સર્જન) ત્યારે સિવિલમાં અભ્યાસ કરતાં હતાં. અને પિતાની સલાહ લેવા અને માર્ગદર્શન મેળવવા ઘરે આવતાં રહેતાં હતાં. વળી,દૂરના સંબંધમાં હોવાથી પહેલેથી જ એકબીજાના પરિચયમાં હોવાનું કહેતા ઉમેર્યું હતું કે, મેં બીકોમ પછી ભણવાનો વિચાર છોડી દીધેલો પરંતુ ડોક્ટર(પતિ-પ્રવિણભાઈ કોઠીયાને તેઓ ડોક્ટરના સંબંધોનથી બોલાવે છે)એ મને ભણવા મોટીવેટ કરી અને એમ સિવિલના કેમ્પસમાં જ જીવનસાથી મળી ગયાનું હસતાં હસતાં જણાવ્યું હતું.

આગળની સ્લાઈડ્સમાં વાંચો, લોકોના પ્રશ્નો માટે લડતાં પહોંચી ગયા રાજકારણમાં
X
અનેક જવાબદારીઓ વહન કરના દર્શિનીબેનનું ટાઈમ મેનેજમેન્ટઅનેક જવાબદારીઓ વહન કરના દર્શિનીબેનનું ટાઈમ મેનેજમેન્ટ
લોકોના પ્રશ્નો માટે લડતાં પહોંચી ગયા રાજકારણમાંલોકોના પ્રશ્નો માટે લડતાં પહોંચી ગયા રાજકારણમાં
ડોક્ટર મળ્યાં તે ક્ષણ સૌથી યાદગારડોક્ટર મળ્યાં તે ક્ષણ સૌથી યાદગાર
COMMENT

Next Stories

    ની  સંપૂર્ણ વાંચનસામગ્રી