Divya Bhaskar

Home » Gujarat » Power & People » Surat Abbas Abdul Rahim Hajoori Made Sosyo Cold Drink

આ સુરતીએ બનાવી હતી Sosyo, યુએસ-કેનેડામાં પણ મચાવી રહ્યું છે ધૂમ

Divyabhaskar.com | Updated - Feb 26, 2018, 05:30 PM

1927માં સુરતના અબ્બાસ અબુલ રહીમ હજુરીએ બ્રિટિશ ડ્રિંક વિટમોની સામે સ્વદેશી એરેટેડ ડ્રિંક લોન્ચ કર્યું

  • Surat Abbas Abdul Rahim Hajoori Made Sosyo Cold Drink
    +8બીજી સ્લાઈડ્સ જુઓ

    અમદાવાદ: ગુજરાતીઓએ બનાવેલી ઘણી બ્રાન્ડ આજે દેશના સિમાડા વટાવી વિદેશમાં પણ પોપ્યુલરની સાથે ઉત્તમ સાબિત થઈ છે. એમાંની એક એટલે ‘સોસ્યો’. ગુજરાત સહિત મહારાષ્ટ્ર, રાજસ્થાન અને મધ્યપ્રદેશમાં આ નામથી લગભગ કોઈ અજાણ નહીં હોય. ચિલ્ડ થયા બાદ આલ્કોહોલ જેવા ટેસ્ટના કારણે જાણીતી બનેલી આ બ્રાન્ડ પણ એક સુરતીની દેન છે.

    ગાંધીજીના સ્વદેશી આંદોલનની પ્રેરિત થઈને 1927માં સુરતના અબ્બાસ અબુલ રહીમ હજુરીએ બ્રિટિશ ડ્રિંક વિટમોની સામે લોન્ચ કરેલું એરેટેડ ડ્રિંક થોડા જ સમયમાં એટલું પોપ્યુલર બન્યું કે આજે તેની મહેક અમેરિકા, કેનેડા, ઈંગ્લેન્ડ અને ઓસ્ટ્રેલિયા જેવા દેશોમાં પણ ફેલાઈ ચૂકી છે. એટલું જ નહીં વર્ષે પાંચ કરોડ કરતા વધારે બોટલનું વેચાણ કરતી સોસ્યો સાથે જોડાયેલી હજૂરી પરિવારની ત્રીજી પેઢી અબ્બાસ હજુરી અને તેમના પુત્ર અલી હજુરી કંપનીની કમાન સંભાળી રહ્યાં છે.

  • Surat Abbas Abdul Rahim Hajoori Made Sosyo Cold Drink
    +7બીજી સ્લાઈડ્સ જુઓ
    1927માં સુરતથી શરૂ થઈ સોસ્યોની સફર

    - 90 વર્ષ પહેલા સૂરતના અબ્બાસ અબુલ રહીમ હજુરી બ્રિટિશ ડ્રિંક વિટમોનું સુરતમાં રિફિલિંગ કરતા હતા.
    - 1927માં તેઓએ સ્વદેશી ડ્રિંક બનાવવાની ઈચ્છા સાથે દ્રાક્ષ અને સફરજનનું એરેટેડ ડ્રિંક લોન્ચ કર્યું.
    - આલ્કોહોલ ટેસ્ટ હોવાના કારણે શરૂઆતમાં આ ડ્રિંકનું નામ ‘વ્હિસ્કી નો’ રાખવામાં આવ્યું.
    - આ સમયે લંડનના ઘરેલુ સોડા મેકિંગ મશીનથી તેઓ જાતે આ ડ્રિંક બનાવતા હતા.
    - પરિવરહના સાધનો પણ ન હોવાથી અબ્બાસ અબુલ રહીમ હજુરી બળદગાડામાં વ્હિસ્કી નોની ડિલિવરી આપવા જતા.
    - વિદેશી પીણા સામે પહેલા સ્વદેશી ડ્રિંક તરીકે વ્હિસ્કી નો થોડા  જ સમયમાં લોકલ માર્કેટમાં લોકપ્રિય બન્યું.
  • Surat Abbas Abdul Rahim Hajoori Made Sosyo Cold Drink
    +6બીજી સ્લાઈડ્સ જુઓ
    અબ્બાસ અબ્દુલ રહીમ હજુરીનું અસમયે નિધન

    - અબ્બાસ અબ્દુલ રહીમ હજુરી અસમયે નિધન બાદ તેમના ભાઈ મોહસિન અબુલ રહીમે બિઝનેસ સંભાળ્યો.
    - દેશનું આ પહેલું સ્વદેશી ડ્રિંક જર્મની અને ઈટલીથી આયાત કરાયેલા એક ઈન્ગ્રેડિઅન્ટ્સથી બનતું હતું.
    - સુરતમાં નાની ફેક્ટરી શરૂ કર્યાં બાદ 1955માં નવસારી ખાતે પહેલી ફ્રેન્ચાઈઝી આપી.
    - 1957 સુધીમાં લોકલ માર્કેટ કવર કર્યાં બાદ લેટિન શબ્દ ‘સોસિયસ’ પરથી ‘સોસ્યો’ નામ પસંદ કર્યું.
    - થોડા જ સમયમાં 1962માં હજુરી એન્ડ સન્સે સોસ્યોની કાચની બોટલ લોન્ચ કરી.
  • Surat Abbas Abdul Rahim Hajoori Made Sosyo Cold Drink
    +5બીજી સ્લાઈડ્સ જુઓ
    ગુજરાતભરમાં ફેલાવ્યો સોસ્યોનો બિઝનેસ

    - સુરતનું સોફ્ટ ડ્રિંક માર્કેટ કવર કર્યાં બાદ સોસ્યોએ અમદાવાદ, રાજકોટ, પોરબંદરમાં ફ્રેન્ચાઈઝી દ્વારા શરૂઆત કરી.
    - આલ્કોહોલિક ટેસ્ટના કારણે 1962 સુધીમાં સોસ્યોનું માર્કેટ મહારાષ્ટ્રમાં પણ વિસ્તાર પામ્યું.
    - 1974માં સુરતમાં નવી ફેક્ટરી શરૂ કરી સોસ્યોએ ‘અપના દેશ અપના ડ્રિંક’નું સ્લોગન રજૂ કર્યું.
    - એક પછી એક ફેક્ટરીની શરૂઆત કરી આજે સોસ્યો ગુજરાત ઉપરાંત મહારાષ્ટ્ર, રાજસ્થાન અને મધ્યપ્રદેશ માર્કેટમાં ધૂમ મચાવી રહ્યું છે.
  • Surat Abbas Abdul Rahim Hajoori Made Sosyo Cold Drink
    +4બીજી સ્લાઈડ્સ જુઓ
    સોસ્યો ઉપરાંત હજુરી એન્ડ સન્સે લોન્ચ કર્યાં અન્ય ડ્રિંક

    - સોસ્યો ઉપરાંત હજુરી એન્ડ સન્સની કાશ્મીરી સોડા, લેમી મિસ્ટી, લેમી ઓરેન્જ, ઓપનર સહિતના ડ્રિંક પોપ્યુલર છે.
    - હજુરી એન્ડ સન્સ આજે 200 એમએલથી માંડીને 1.5 અને બે લીટર સુધીના બોટલ પેકિંગ તૈયાર કરે છે.
    - એક અહેવાલ અનુસાર ગુજરાતની આ કંપની એરેટેડ ડ્રિંક માર્કેટમાં 29 ટકા જેટલો હિસ્સો ધરાવે છે.
  • Surat Abbas Abdul Rahim Hajoori Made Sosyo Cold Drink
    +3બીજી સ્લાઈડ્સ જુઓ
    વિદેશમાં ‘એન ઇન્ડિયન ડ્રિંક્સ’ નામે વેચાય છે હજુરીનું ડ્રિંક

    - ગુજરાતમાં વ્હિસ્કી નો નામે શરૂ કરેલું પહેલું સ્વદેશી ડ્રિંક સોસ્યો આજે વિદેશમાં પણ પહોંચ્યું છે.
    - અમેરિકા, કેનેડા, ઈંગ્લેન્ડ અને ઓસ્ટ્રેલિયા જેવા દેશોમાં ‘એન ઇન્ડિયન ડ્રિંક્સ’ નામે વેચાણ થાય છે.
    - ગુજરાતમાં કોકા-કોલા, પેપ્સી સહિતના સોફ્ટ ડ્રિંકને હંફાવી સોસ્યો મોટું માર્કેટ ધરાવે છે.
  • Surat Abbas Abdul Rahim Hajoori Made Sosyo Cold Drink
    +2બીજી સ્લાઈડ્સ જુઓ
    વર્ષે પાંચ કરોડથી વધારે બોટલ વેચે છે કંપની

    - સુરતમાં નાની ફેક્ટરી દ્વારા શરૂ થયેલી સોસ્યોની સફર આજે 15 ફેક્ટરી સુધી પહોંચી છે.
    - આ ફેક્ટરીમાંથી ચારની ઓનરશિપ હજુરી એન્ડ સન્સ પાસે છે, જ્યારે બાકીની ફ્રેન્ચાઈઝી આધારે મેન્યુફેક્ચરિંગ કરે છે.
    - વર્ષે પાંચ કરોડ બોટલનું વેચાણ કરતી હજુરી એન્ડ સન્સે વર્ષ 2014-15માં એક અબજ રૂપિયાનું ટર્નઓવર કર્યું હતું.
    - હવે કાચની બોટલની સાથે કેન્સ અને પેટ બોટલમાં પણ હજુરી એન્ડ સન્સે ડ્રિંક લોન્ચ કર્યું છે.
  • Surat Abbas Abdul Rahim Hajoori Made Sosyo Cold Drink
    +1બીજી સ્લાઈડ્સ જુઓ

    હજુરી એન્ડ સન્સની ફ્રેન્ચાઈઝીમાં ઉપલબ્ધ કરાવે છે તમામ સુવિધા


    - હજુરી એન્ડ સન્સ કંપનીની 15 જેટલી ફેક્ટરીમાંથી ચારની ઓનરશિપ ધરાવે છે.
    - ફેન્ચાઈઝી આધારે બાકીની ફેક્ટરીઓ સોસ્યોની રિફિલિંગ-મેન્યુફેક્ચરિંગનું કામ કરે છે.
    - સોસ્યોની ફ્રેન્ચાઈઝી માટે તેઓ તમામ પ્રકારની મશિનરી પ્રોવાઈડ કરે છે.
    - વોશિંગ, બોટલિંગ મશીન, ચિલિંગ પ્લાન્ટ, કાર્બન ફિલર્સ, આરઓ પ્લાન્ટ, ક્વોલિટી કંટ્રોલ જેવી મશિનરી આપે છે.
    - આ ઉપરાંત માઈક્રો ફિલ્ટર્સ અને ડ્રિંકને ઠંડું કરવા માટે પ્લેટ હીટ એક્સચેન્જર પણ ઉપલબ્ધ કરાવે છે.

  • Surat Abbas Abdul Rahim Hajoori Made Sosyo Cold Drink
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending