તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

5 દિવસમાં તાપમાન 35 ડિગ્રીએ પહોંચશે, મિશ્ર ઋતુથી શરદી, ઉધરસના કેસો વધ્યા, પાકને અસર

એક વર્ષ પહેલા
  • કૉપી લિંક

એક્સ્પર્ટ કહે છે, લો પ્રેશરને કારણે બે દિવસથી વાતાવરણમાં પલટો આવ્યો

હવામાન વિભાગ | આજથી વાતાવરણ ચોખ્ખું થઇ જશે

વેસ્ટર્ન ડિસ્ટર્બન્સને કારણે સાયક્લોનિક સર્ક્યુલેશન અને લો પ્રેશર સિસ્ટમ ઊભી થઈ છે. જે રાજસ્થાન આસપાસ છે. આ સિસ્ટમને કારણે આખા ગુજરાત રાજ્યના વાતાવરણમાં પરિવર્તન આવ્યું છે. અાકાશમાં વાદળો છવાયા છે. પોરબંદર બાજુ મંગળવારે વરસાદ થયો હતો. આજથી વાદળો ધીમે ધીમે હટવાનું શરૂ થઇ જશે અને ત્રણ દિવસમાં વાતાવરણ ચોખ્ખું થતું જશે. હાલમાં પવનની દિશા પશ્ચિમથી ઉતર પશ્ચિમ તરફની છે. બુધવારે ભારે પવન હોવાને કારણે માછીમારોને એલર્ટ કરાયા હતા. > ડો.જયંતા સરકાર, ડાયરેક્ટર આઈએમડી ગુજરાત

સાવચેતી | વાસી ખોરાક ખાવાનું ટાળવું જોઈએ

હાલ મિશ્ર ઋતુને કારણે તાવ, શરદી, ઉધરસ અને ફૂડ પોઈઝનિંગ થઇ શકે છે. આ રોગોથી બચવા માટે વાસી ખોરાક અને ફ્રીઝમાં રાખેલી વસ્તુ ટાળવી જોઇએ. આ ઉપરાંત રાત્રે ઉજાગરો ન કરવો જોઈએ. થોડી પણ તબિયત નરમ જણાય તો તુરંત જ તબીબી સારવાર લેવી જોઈએ. વાઈરલ ઈન્ફેક્શનથી બચવા માટે ભીડવાળી જગ્યાએ જતા હોય તો માસ્કનો ઉપયોગ કરવો જોઇએ. જે કોઈ ઉધરસ ખાતા હોય તેનાથી એક મીટર અંતર રાખવું અને જમતા પહેલા તેમજ બહારથી આવો ત્યારે હાથ સાફ કરવા જોઈએ. > ડો.મંયક ઠક્કર

ખેતી વિભાગ | પાકનો ઉતારો ઓછો આવે, કેરીને નુકસાન

મિશ્ર ઋતુને કારણે ઘઉં, જીરા,ધાણા, ચણા અને કેરીના પાકને નુકસાન થશે. જો માવઠું થશે તો ધાણા કાળા પડી જશે અને કેરીના પાકને પણ નુકસાન થશે, જ્યારે જીરાનો પાક પાણી પડતાની સાથે જ સંપૂર્ણ પણે નાશ થશે. ખરાબ વાતાવરણને કારણે પાકનો ઉતારો ઓછો આવશે. ઘઉંમાં વીઘે 15 મણનો પાક ઓછો આવે. માવઠાની ભીતિમાં ખેડૂતો પાસે પાક ઉપાડી લેવાનો એકમાત્ર વિકલ્પ છે. ખરાબ ઋતુને કારણે ચણાને પણ નુકસાન થશે. ખરાબ વાતાવરણને કારણે પાકની ગુણવત્તા નબળી પડશે. > ડી.કે.સખિયા, ચેરમેન માર્કેટિંગ યાર્ડ

વેધર રિપોર્ટર, રાજકોટ | લો પ્રેશર થવાને કારણે છેલ્લા બે દિવસથી વાતાવરણમાં પલટો આવ્યો છે. વાતાવરણ બદલતા તેની અસર ખેતી પર થઈ રહી છે. આ ઉપરાંત શરદી, ઉધરસ અને તાવના કેસો વધ્યા છે. હવામાન ખાતાની આાગાહી મુજબ 5 દિવસમાં તાપમાન 35 ડિગ્રી સુધી પહોંચી જશે. પવન 50 કિલોમીટરની ઝડપે ફૂંકાઈ શકે છે. હાલ ખેતરમાં ઘઉં અને જીરાના પાકને ડબલ ઋતુને કારણે નુકસાન જવાની શક્યતા છે. બુધવારે મહત્તમ તાપમાન 29 ડિગ્રી નોંધાયું હતું અને પવનની ઝડપ 20 કિલોમીટર પ્રતિ કલાક રહી હતી.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમારી પ્રતિભા અને વ્યક્તિત્વ લોકો સામે આવશે તથા તમે તમારા કાર્યોને યોગ્ય રીતે પૂર્ણ કરી શકશો. તમારા વિરોધીઓ તમારી સામે ટકી શકશે નહીં. સમાજમાં પણ માન-સન્માન જળવાયેલું રહેશે. નેગેટિવઃ- ...

    વધુ વાંચો