દિણોદના સરકારી તળાવોમાં માટીખનન કરતા ભૂમાફિયા

DivyaBhaskar News Network

Apr 10, 2018, 04:05 AM IST
દિણોદના સરકારી તળાવોમાં માટીખનન કરતા ભૂમાફિયા
માંગરોળ તાલુકાના દિણોદ ગામે આવેલા સરકારી તળાવોમાંથી કોઈપણ જાતની પરવાનગી વિના ગામના પદાધિકારીઓના મેળા પીપણામાં ભૂમાફિયાઓએ લાખો રૂપિયાનું મોટી ચોરી કૌંભાડ કરવાના વિરોધમાં દિણોદ ગામના જાગૃત આગેવાનોએ માંગરોળ મામલતદારને લેખિત આવેદનપત્ર આપી જવાબદારો વિરુદ્ધ કાર્યવાહી કરવાની માંગ કરી છે.

દિણોદ ગામના માજી સરપંચ મહેન્દ્રભાઈ વસાવા, અશોક વસાવા સહિતના આગેવાનોની આગેવાની હેઠળ ગામના 45 જેટલા ગ્રામજનોની સહી સાથે માટી ખનનની ફરિયાદ કરતું એક આવેદનપત્ર મામલતદાર કે. ડી. કોળીને સુપ્રત કરી જણાવ્યું કે અમારા ગામના સરકારી તળાવોમાંથી ખુલ્લેઆમ રાત દિવસ માટી ચોરી કરી મોટાપાયે માટી ચોરી કૌંભાડ આચરવામાં આવી રહ્યું છે. આ સીલસીલો છેલ્લા પંદર દિવસથી ચાલી રહ્યો હતો.

પરંતુ મોડે મોડે ગ્રામજનોને માટી ચોરીની ખબર પડતાં 6 એપ્રિલના રોજ ગ્રામજનોએ પકડી પાડ્યું હતું. ત્યારબાદ ગ્રામજનોએ ગામના પ્રથમ નાગરિક સરપંચને પૂછતાં તેમણે જણાવ્યું કે માટી ચોરી બાબતે મને કોઈ પણ જાતની ખબર નથી ત્યારે ગ્રામજનોએ ન્યાયની આશા કોની પાસે રાખવી ω માથાભારે અસામાજિક તત્ત્વો ભૂમાફિયાઓ સો માટી ચોરીની ફરિયાદ કરતાં અમે ગ્રામજનો ડર અનુભવી રહ્યાં છે. ત્યારે જવાબદારો વિરુદ્ધ કાર્યવાહીની રાહે યોગ્ય તપાસ કરાવી દંડનીય કાર્યવાહી કરવામાં આવે તેવ ગ્રામજનોએ માંગ કરી છે.

મામલતદાર કહે છે કે ટાટા, બિરલાને માટી આપવા ઠરાવ થયો, સરપંચ અને સભ્યો વાતથી અજાણ

દિણોદ ગામના માજી સરપંચ મહેન્દ્રભાઈ વસાવાએ જણાવ્યું કે દિણોદ ગામના માટી ખનન બાબતે મામલતદારને પૂછતાં તેમણે જણાવ્યું કે માટી આપવા બાબતે ગ્રામ પંચાયતે ટાટા બિરલા કંપનીને ઠરાવ કરી ને માટી આપી છે. ત્યારે બીજી તરફ સરપંચ ઉપસરપંચ આ બાબતે અજાણ હોવાનું ગ્રામજનોને જણાવે છે. તેમજ ગ્રામ પંચાયતના પાંચ સભ્યોએ અમારી જાણમાં કોઈ માટી આપવા બાબતના ઠરાવો થયા નથી. ગ્રામ પંચાયતને કોઈ આવક થ નથી. તેવું જાણવા મળેલ છે. ત્યારે અમારો મૂળ પ્રશ્ન એ છે કે કાયદેસર રીતે માટી લઈ જવાની પ્રક્રિયા થઈ હોય તો શા માટે માટી ચોરો કોઈ પરમીશન બતાવતાનથી. વાહનો લઈને કેમ ભાગી છૂટ્યા જથી આ બાબતે યોગ્ય તપાસ કરવી જરૂરી છે.

X
દિણોદના સરકારી તળાવોમાં માટીખનન કરતા ભૂમાફિયા
COMMENT

Next Stories

    ની  સંપૂર્ણ વાંચનસામગ્રી