Divya Bhaskar

Home » Gujarat » Bardoli Jilla » Vankal » બંધના એલાન વચ્ચે ખુલ્લી રહેલી હોટેલમાં તોડફોડ

બંધના એલાન વચ્ચે ખુલ્લી રહેલી હોટેલમાં તોડફોડ

Divyabhaskar.com | Updated - Apr 03, 2018, 03:35 AM

ઝંખવાવમાં બંધ પળાવવા નીકળેલા કાર્યકરો દુકાન ખુલ્લી જોઇ વિફર્યા

  • બંધના એલાન વચ્ચે ખુલ્લી રહેલી હોટેલમાં તોડફોડ
    માંગરોળ તાલુકાના ઝંખવાવ ગામે ભારત બંધના એલાનને પગલે દુકાનો બંધ કરાવવા નીકળેલા લોકોએ ખુલ્લી હોટેલના કાચ તોડી નાંખતા વાતાવરણ ગરમાયું હતું.

    એસટી એસસી સમાજે ભારત બંધનું એલાન આપતાં આ બંધને સફળ બનાવવા માટે ઝંખાવવ ગામે સવારે આદિવાસી સમાજના આગેવાનોએ વેપાર વર્ગને ધંધા રોજગાર બંધ રાખી સહકાર આપવા અપિલ કરતાં દુકાનો બંધ રહી હતી. ત્યારબાદ બપોરના સમયે એક હોટલ ખુલ્લી હતી. તેને બંધ કરાવવા માટે ઝંખવાવ ગામના બે આદિવાસી કાર્યકરો હોટલ ઉપર આવ્યા હતાં. આ સમયે હોટલ માલિક અને કાર્યકર વચ્ચે બંધ જોડાવાના મુદ્દે રકઝક થતાં આદિવાસી કાર્યકરે આવેશમાં આવી હોટલના કાચ તોડી નાંખ્યા હતાં. આ સમયે આદિવાસી કાર્યકરને હાથમાં કાચ વાગતા લોહી નીકળી ગયું હતું. ત્યારબાદ માંગરોળ પોલીસ ઘટના સ્થળે આવી પહોંચી હતી. આ ઘટનાથી ઝંખવાવ ગામનું વાતાવરણ ગરમાયું હતું.

    પોલીસ દ્વારા એકની અટક કરવામાં આવી

    ઝંખવાવ ગામે બનેલ ઘટના સંદર્ભમાં હાલ કઈ સત્તાવાર ફરિયાદ નોધાઈ નથી. પરંતુ બિન સત્તાવાર મળેલ માહિતી મુજબ હોટલ બંધ કરાવવા આવેલ એક આદિવાસી કાર્યકરની માંગરોળ પોલીસે હાલ અટકાયત કરી જેથી બીજી તરફ આદિવાસી આગેવાનો અને કાર્યકરોએ આદિવાસી કાર્યકરને અટકાયતમાંથી મૂક્ત કરવા પ્રયાસો તેજ કર્યા છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending