Home » Gujarat » Bhuj » Rapar » નાગીયારી પાસે શબવાહિનીની ટક્કરથી બાઇકચાલકનું મોત

નાગીયારી પાસે શબવાહિનીની ટક્કરથી બાઇકચાલકનું મોત

Divyabhaskar.com | Updated - Mar 10, 2018, 06:25 AM

ભુજ તાલુકાના માનુકવા નજીક નાગીયારી પાસે નર્મદાના પાણીના ટાંકા સામેના રોડ પર સબવાહીની અને મોટર સાયકલ વચ્ચે...

  • નાગીયારી પાસે શબવાહિનીની ટક્કરથી બાઇકચાલકનું મોત
    ભુજ તાલુકાના માનુકવા નજીક નાગીયારી પાસે નર્મદાના પાણીના ટાંકા સામેના રોડ પર સબવાહીની અને મોટર સાયકલ વચ્ચે ગમખ્વાર અકસ્માત સર્જાયો હતો, જેમાં બાઇક પાછળ બેઠેલા ભારાપરના યુવાનને ગંભીર ઇજાઓ થતાં ઘટના સ્થળ પર મોત નિપજ્યું હતું.જ્યારે નખત્રાણા તાલુકાના ઘડાણી ગામના ઇજા ગ્રસ્ત યુવકને હોસ્પિટલમાં ખસેડવામાં આવ્યો હતો.

    અકસ્માત ફેટલનો બનાવ રાત્રે પોણા આઠ વાગ્યાના અરસામાં નાગીયારી નજીક નર્મદાના પાણીના ટાંકા સામેના માર્ગ પર બન્યો હતો, ભારાપર રહેતા સતારઅલી મામદ નોતિયાર (ઉ.વ.30) અને ઘડાણી ગામના અબાસ લતિફ નોતિયાર મોટર સાયકલ જી.જે.12 એપી 1636 પર ભારાપરથી નાગીયારી લગ્ન પ્રસંગમાં જઇ રહયા હતા, ત્યારે સામેથી આવતી સબવાહીની જી.જે.12 એઝેડ 6313ના ચાલકે મોટર સાયકલને અડફેટે લેતાં મોટર સાયકલ રોડ પર ફંગોળાઇ ગઇ હતી, જેને કારણે બાઇક સવારોને ગંભીર ઇજાઓ પહોંચી હતી, બન્ને જણાઓને તાત્કાલિક ભુજની જી.કે.જનરલ હોસ્પિટલમાં ખસેડવામાં આવ્યા હતા, જેમા મોટર સાકલ પાછળ બેઠેલા સતારઅલી નોતિયારને ગંભીર પ્રકારની ઇજાઓ કારણે સારવાર કારગત થાય તે પૂર્વે મોત આંબી ગયું હતું. જ્યારે અબાસ લતિફ નોંતિયારને સારવાર માટે હોસ્પિટલમાં દાખલ કરવામાં આવ્યો છે. બનાવ અંગે માનકુવા પોલીસ મથક દ્વારા તપાસ હાથ ધરાઇ છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ