Home » Gujarat » Bhuj » Rapar » આત્મવિલોપનની ધમકી બાદ ભચાઉ પ્રાંત કચેરીએ પોલીસ ખડકાઇ ગઇ

આત્મવિલોપનની ધમકી બાદ ભચાઉ પ્રાંત કચેરીએ પોલીસ ખડકાઇ ગઇ

Divyabhaskar.com | Updated - Feb 27, 2018, 05:45 AM

રાપરના ખેડુત અને અનુસુચિત જાતિ સામુદાયિક ખેતી સહકારી મંડળી રાપરના સભ્ય ગજુભાઇ આલાભાઇ મેરિયાએ મંડળી દ્વારા...

  • આત્મવિલોપનની ધમકી બાદ ભચાઉ પ્રાંત કચેરીએ પોલીસ ખડકાઇ ગઇ
    રાપરના ખેડુત અને અનુસુચિત જાતિ સામુદાયિક ખેતી સહકારી મંડળી રાપરના સભ્ય ગજુભાઇ આલાભાઇ મેરિયાએ મંડળી દ્વારા ફાળવાયેલી જમીન પર બિન અધિકૃત રીતે કબજો થયો હોવા બાબતે તેમજ ખોટી ફરિયાદ દાખલ કરાઇ અને પોલીસ દ્વારા ખરાબ વર્તન કરાયું હોવાની ફરિયાદ બાદ કોઇ નિર્ણય ન આવતાં ગજુભાઇએ કચ્છ કલેક્ટર,પુર્વ કચ્છ પોલીસવડા તેમજ ભચાઉ પ્રાંત અધિકારીને જો આ બાબતે ન્યાય નહીં મળે તો આત્મવિલોપન કરવાની ચીમકી આપેલી હોતાં સોમવારે ભચાઉ પ્રાંત કચેરી પોલીસ છાવણીમાં ફેરવાઇ હતી તો અનિચ્છનિય બનાવ ન બને તે માટે ફાયર ફાઇટરની ટીમ પણ તૈનાત કરી દેવામાં આવી હતી પરંતુ અરજદાર ન પહોંચતા તંત્રએ હાશકબારો અનુભવ્યો હતો,રાપરના ખેડુત અને અનુસૂચિત સામુદાયિક ખેતી સહકારી મંડળીના સભ્ય ગજુભાઇએ20 ફેબ્રુ.ના જિલ્લા કલેક્ટરને કરેલી અરજીમાં મંડળીની ફાળવેલી જમીનના પુરાવા હોવા છતાં એ જમી પર કબજો કરી મારી સામે ફરિયાદ નોંધાવી હતી અને પોલીસે પણ પુરાવા આપ્યા હોવા છતાં તપાસમાં ભેદભાવ રાખી તપાસ કરી હોવાથી આ મામલે તાત્કાલિક ન્યાય અપાવવામાં આવે નહીંતો આત્મવિલોપન કરવાની ચીમકી પણ ગજુભાઇએ આપી હતી.આ અરજીની ગંભીરતાને ધ્યાનમાં રાખી કલેક્ટરની સૂચનાથી પ્રાંત અધીકારી નવલદાન ગઢવીએ તકેદારીના ભાગ રૂપે પોલીસ તેમજ ફાયરફાઇટરની ટીમ તૈનાત રાખી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ