Home » Gujarat » Bhuj » Rapar » કચ્છમાં રાપર અને ભચાઉ નગરપાલિકાની શનિવારે યોજાયેલી ચૂંટણીમાં ભાજપનો

કચ્છમાં રાપર અને ભચાઉ નગરપાલિકાની શનિવારે યોજાયેલી ચૂંટણીમાં ભાજપનો

Divyabhaskar.com | Updated - Feb 21, 2018, 05:00 AM

કચ્છમાં રાપર અને ભચાઉ નગરપાલિકાની શનિવારે યોજાયેલી ચૂંટણીમાં ભાજપનો ભગવો લહેરાયો- જાહેરાત પણ સોમવારની...

  • કચ્છમાં રાપર અને ભચાઉ નગરપાલિકાની શનિવારે યોજાયેલી ચૂંટણીમાં ભાજપનો

    કચ્છમાં રાપર અને ભચાઉ નગરપાલિકાની શનિવારે યોજાયેલી ચૂંટણીમાં ભાજપનો ભગવો લહેરાયો- જાહેરાત પણ સોમવારની મતગણતરી પછી થઇ ગઇ, પણ, એ જ દિવસે ભચાઉની ચૂંટણીનો એવો વીડિયો વાયરલ થયો કે, જેણે સમગ્ર કચ્છમાં હોહા મચાવી દીધી. ભચાઉના વોર્ડ નં. 7ના મતદાન મથકના આ વીડિયોમાં એક ત્રાહિત વ્યક્તિ મતદાન મથકની અંદર મતકુટિરની પાસે જ મતદાતા અને મતદાનને સતત પ્રભાવિત કરતો દૃષ્ટિગોચર થાય છે. લોકશાહીના ચીરહરણની આ ઘટના બધાને હચમચાવી ગઇ છે. આ મામલે એક કોંગ્રેસી કાર્યકરે ફરિયાદ નોંધાવવાની તજવીજ પણ હાથ ધરી છે.

    ભચાઉ પાલિકાના વોર્ડ નં. 7માં ચારેચાર સીટો ભાજપના ફાળે ગઇ છે. પણ, આ જ વોર્ડના એક મતદાન મથકમાં નિષ્પક્ષ અને મતદાનની ગૂપ્તતાના પાયાના નિયમોનો સરેઆમ ભંગ થયો હોવાનું સામે આવ્યું છે. સોશિયલ મીડિયામાં ફરતી થયેલી ચાર વીડિયો ક્લિપમાં એ સ્પષ્ટપણે દેખાઇ રહ્યું છે કે, રેડ ટી-શર્ટ અને બ્લુ જીન્સ પહેરેલો દાઢીધારી નવયુવાન ચાલુ મતદાને સતત મતકુટિરની આસપાસ જ મંડરાતો રહ્યો છે અને મતદાન કરવા આવનારા નાગરિકોને સતત પ્રભાવિત કરી રહ્યો છે.

    ...અનુસંધાન પાના નં.11









    જે ચાર વીડિયો ક્લિપ વાયરલ થઇ છે તે 24 સેકન્ડ, 12 સેકન્ડ, 08 સેકન્ડ અને 01 સેકન્ડની છે. એક ક્લિપમાં તો આ યુવક અન્ય મતદાતા કુટિરમાં હોવા છતાં પોતે જ લાંબો થઇને ઇવીએમનું બટન દબાવી રહ્યો હોવાનું જણાઇ રહ્યું છે.

    ભચાઉ પાલિકાની ચૂંટણીમાં સરાજાહેર નિયમોનો ભંગ થતો રહ્યો છતાં પ્રિસાઇડિંગ ઓફિસરે કેમ આંખ આડા કાન કર્યા ω અને વીડિયો ક્લિપમાં દેખાતો લાલ ટી-શર્ટધારી ક્યા પક્ષનું કે ઉમેદવારનું પ્રતિનિધિત્વ કરીને મતદાનને પ્રભાવિત કરતો રહ્યો એ તપાસનો વિષય છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Gujarat

Trending

વીડિયો વધુ જુઓ